Alderique:Conseyu Soberanu d'Asturies y Llión
Creo qu'esta versión tien daqué d'historigrafía nacionalista. Si nun toi equivocáu, el conseyu d'Asturies y Llión foi un muérganu alministrativu de la República española en tiempos de guerra, y que esborriose en cuantes que les tropes nacionales foron avanzando. De negún mou, nel enfotu de los integrantes del conseyu taba la independencia y xunidá futura d'Asturies y Llión. Nun tien comparanza colos gobiernos autonómicos del País Vascu o Cataluña, xurdíos na propia República y que caltuvieronse pente décades nel esiliu. Jesusito 09:06, 4 abril 2006 (UTC)
La semeya pue que viole la política de copyright. Na páxina asturiasrepublicana.com apaez como propiedá d'una colección particular depositada nel Conceyu de Xixón. Nun ye por tocar les narices, pero tenemos de curiar estes coses. ;) Jesusito 09:21, 4 abril 2006 (UTC)
Creo qu'agora ta más o menos. Nun sé como lu veis. Hai de mirar lo de la semeya, pa mín que, ante la duda... val más que tea ensin ella. Jesusito 14:16, 4 abril 2006 (UTC)
Lo que piense una determinada opción política d'esti tema, como de cualquier otru, ta de más nun artículu enciclopédicu. Solo mos faltaba que los artículos se convirtieren en foros de propaganda pa delles opciones polítiques más que minoritaries y con tendencia al deliriu. Yá puestos, ¿Por qué nun poner la interpretación que fai l'asociación de vecinos de San Roque de L'Acebal de les Estatues de la Islla de Pascua? Usuariu:Motán
Doime cuenta qu'igual fui un pocu secu na manera de dicir les coses. Nun quixi, nin munchu menos, criticar a jesusito. Al contrariu, paezme más qu'apreciable 'l so llabor y la so preocupación por ser totalmente oxetivu. Pero esi afán nun mos ha de llevar a da-yos más importancia de la que tienen a "opiniones" ultraminoritaries. Per otra parte tien razón no de que val más ser prudente no que cinca a los derechos de la semeya. Usuariu:Motán
La semeya ya tan avisaos en commons pa borrala, ya que tovía tien drechos d'autor. Ye una pena, porque ye mui interesante, pero bueno, siempre se puede ver dende los enllaces esternos. Sobre l'artículu, agora mesmu yo nun lo veo mal, ye meyorable, como toos, pero bueno, solo fae referencia a los fechos, nun fae interpretaciones, que sería lo problemáticu. Hai que dir preparándose pa coses así, cuanta más xente seamos y más artículos toquemos, más problemes vamos a tener. Ye algo inevitable, pero esperemos que podamos mantenernos neutrales, que nun hai qu'escaecer qu'esto ye una enciclopedia, non un foro, y val más tener un artículu curtiu, pero válidu, qu'unu llargu pero tendenciosu. --Omarete (mensaxes) 15:23, 4 abril 2006 (UTC)
Tranqui Motán, qu'entiendo perfectamente el to puntu de vista. Entiendo que nun ye esti l'espaciu pa da-y reflexu y altavoz a les ocurrencies de grupúsculos cualisquier. Pero pa mín, ye daqué colo que hai que trabayar. Nesti casu, considero, personalmente, que la referencia a Andecha Astur ye meramente informativa alrodiu d'un muérganu y un personax cuya referencia na uiquipedia pue medrar enforma de mou que se contestualicen inda más l'artículu. Nun me gusten los tracamundios históricos que tanto-yos presta a tolos nacionalismos (minoritarios o non), por eso camiento qu'aportar tolos datos posibles pa contextualizar los fechos ye lo meyor. Y qu'el llector saque les conclusiones de so.
Dotramiente, aunque seya realmente minoritariu Andecha Astur ye un partíu con una mínima base social, con representación en dalgún conceyu y con cierta presencia nos medios de comunicación. Refugar datos relativos a les sos aportaciones pola mor del so caráuter minoritariu nun me paez lo más afayadízo. Pienso, tamién ye una opinión personal, que la presencia de les minoríes ye valoratible, d'un mou proporcional y ensin perder nunca'l puntu de vista neutral y'l rigor, que ye lo que quixe facer coles mios igües. Eso sí... por mí, como veáis. Sinceramente nun tengo nengún interés en facer referencia a Andecha. `Usuario:Jesusito
Nun se trata de facer de menos a naide: el partíu que menciones ye tan llexítimu como cualquier otru, nun faltaba más. Lo que nun ye de recibu ye que quiera apropiase un períodu concretu de la historia, que lo faiga distorsionando al másimo la realidá y qu'eso se caucione dende wikipedia. La verdá, nun veo la razón de mencionar la opinión d'Andecha Astur sobre esti organismu que taba integráu creo qu'esclusivamente por xente del Partíu Comunista, del Partíu Socialista y de la CNT.
Si se quier facer apaecer la interpretación d'Andecha sobre esti tema o cualquier otru (l'urbanismu n'Asturies, la vindicación llingüística, el feminismu, lo que seya) pue facese dende l'artículu sobre'l propiu partíu y non nel d'esi tema concretu. Usuariu:Motán
Ok. Vas tener razón. ;) Jesusito 22:40, 4 abril 2006 (UTC)
La frase "que llegó a pidir l'ingresu na Sociedá de Naciones" paezme que sobra nel iniciu l'articulu, esa fechu foi una mas de les munches acciones qu'aprobó el Conseyu Soberanu d'Asturies y Llión. Poner nel entamu l'artículu na más esa acción, y non otres, nun ye casualidá.
Como diz RSG l'articulu "ye meyorable, como toos, pero bueno, solo fae referencia a los fechos, nun fae interpretaciones, que sería lo problemáticu". De xemes en cuando intento dir completándolu.
Lo que diz la Ip esta cabera ye increible ¿como ye eso que pidir l'ingresu na Sociedá de Naciones ye un fechu como otru cualquiera? Debe ser lo mesmo pidir l'ingresu na Sociedá de Naciones qu'el controlar les fornteres por exemplu. Caro que nun ye casualidá que te nel primer parrafu ya que ye un fechu mui destacable.
Aparte lo de la historiografía nacionalista ye de traca, les fontes suelen ser nacionalistes españoles eso si. Los fechos ta ehí y nun hai interpretaciones personales, eso queda pal llector, ye normal que non a tol mundu y presten pero ye lo qu'hai. Tampoco nun entiendo a que sale la opinión d'Andecha Astur sobre l'asuntu nel articulu nun se menciona pa nada y Andecha Astur que yo sepa nun tien dengun posicionamientu sobre'l tema más allá de homenaxear al COnseyu Soberanu y al so presidente pol fechu de ser soberanos y Andecha un partíu soberanista. Siguiré contribuyendo a meyorar l'articulu en base a fechos como fasta agora. Saludos
Dixebra 16:37, 22 abril 2006 (UTC)
Comienza una discusión acerca de Conseyu Soberanu d'Asturies y Llión
Las páginas de discusión sirven para debatir sobre cómo hacer que el contenido de Wikipedia sea el mejor posible. Puedes utilizar esta página de discusión para empezar una discusión acerca de cómo mejorar Conseyu Soberanu d'Asturies y Llión.
