Wikipedia

Alexandra Olaya-Castro

Alexandra Olaya Castro (marzu de 1976, Colombia) ye una física teórica de Colombia. Na actualidá ye Profesora Acomuñada nel Departamentu de Física y Astronomía de la Universidá de Londres. Ye conocida pol so trabayu en física cuántica biomolecular, específicamente pola so investigación sobre los efeutos cuánticos na fotosíntesis.[2] En 2016 foi gallardoniada cola Medaya Maxwell del Institute of Physics, una de les mayores distinciones de la física teórica, pol so rol central internacional” na bioloxía cuántica, particularmente "poles sos contribuciones a la teoría de los efeutos cuánticos en sistemes biomoleculares".[3][4]

Alexandra Olaya-Castro
Vida
Nacimientu Colombia[1], marzu de 1976 (48 años)
Nacionalidá Bandera de Colombia Colombia [1]
Bandera del Reinu Xuníu Reinu Xuníu
Estudios
Estudios Universidá de los Andes
Universidá d'Oxford
Somerville College (es) Traducir
Tesis '
Direutor de tesis Neil F. Johnson
Llingües falaes castellanu
inglés
Oficiu física teórica, investigadora, científica, profesora universitaria
Emplegadores University College London
Premios
iris.ucl.ac.uk…
Cambiar los datos en Wikidata

Formación

editar

Olaya Castro llogró'l so títulu de grau en 1997 na Universidá Distrital Franciso José de Caldas, y más tarde fixo la so maestría na Universidá de los Andes. En 2005, algamó'l so doctoráu de la Universidá d'Oxford.[4]

Carrera

editar

Depués de graduase na Universidá Distrital, Olaya Castro trabayó pal Institutu Colombianu pa la Evaluación de la Educación, desenvolviendo pruebes de física pa la evaluación a gran escala de la educación en Colombia. Mientres esi periodu, combinó esta actividá colos sos estudios de maestría en física teórica, campu nel que trabayó con colegues de la Universidá Autónoma de Madrid y el Institute for Microstructural Sciences de Ottawa, Canadá. Ente 2002 y 2005 realiza'l so doctoráu na Universidá d'Oxford, gracies a les beques Clarendon Fund Scholarship y Somerville Senior Scholarship.[5]

Sigue coles sos investigación en Oxford y más tarde na University College de Londres, onde anguaño lidera un grupu d'investigación. El so trabayu dexó ampliar la comprensión de la dinámica cuántica de les escitaciones electróniques nes etapes iniciales de la fotosíntesis, y la influyencia de la coherencia cuántica. La so investigación apurrió importantes idees cómo'l acoplamientu vibrónico afecta la coherencia del excitón y la distribución de la enerxía nos sistemes de recueya de la lluz.[3]

En 2016 otórgase-y la Medaya Maxwell poles sos contribuciones a la teoría de los efeutos cuánticos nos sistemes biomoleculares, convirtiéndose na primer llatinoamericana en llograr esta reconocencia.[4]

Referencies

editar
  1. ↑ 1,0 1,1 1,2 1,3 URL de la referencia: https://enciclopedia.banrepcultural.org/index.php?title=Alexandra_Olaya_Castro.
  2. ↑ «Quantum Physics | Biomolecular Processes | Alexandra Olaya Castro |UCL». Consultáu'l 27 d'ochobre de 2016.
  3. ↑ 3,0 3,1 Physics, Institute of. «2016 Maxwell Medal and prize of the Institute of Physics». Consultáu'l 27 d'ochobre de 2016.
  4. ↑ 4,0 4,1 4,2 Semana. «medaya-maxwell-del-institute-of-physics-de-londres/484228 La física de la Universidá Distrital que se ganó la Medaya Maxwell». Consultáu'l 11 de marzu de 2018.
  5. ↑ «About Alexandra Olaya-Castro». Consultáu'l 11 de marzu de 2018.

Enllaces esternos

editar
Sacáu de «https://ast.wikipedia.org/w/index.php?title=Alexandra_Olaya-Castro&oldid=4237648»