Alfa Volantis

Alfa Volantis

Alfa Volantis (α Vol / HD 78045 / HR 3615) ye una estrella na constelación de Volans, el pexe volador. De magnitú aparente +4,00, ye namái la quinta estrella más brillosa de la constelación, entá teniendo la denominación de Bayer «Alfa». Alcuéntrase a una distancia de 124 años lluz del Sistema Solar.

Ficha d'oxetu celesteAlfa Volantis
Datos d'observación
Ascensión reuta (α) 135,61164967042 °[1]
Declinación (δ) -66,39607576194 °[1]
Distancia a la Tierra 37,7524 pc
Magnitú aparente (V) 3,99 (banda V)
Magnitú absoluta 1,6
Constelación Volans[4]
Velocidá de rotación 30,6 km/s[5]
Velocidá radial 7,6 km/s[6]
Parallax 26,4884 mas[2]
Carauterístiques físiques
Radiu 1,9 Radius solars
Masa 1,87 M☉
Otros nomes
Cambiar los datos en Wikidata

Coordenaes: Sky map 9h 2m 26.796s, -66° 23 45.873

Alfa Volantis foi clasificada de bien diverses formes nos distintos catálogos. Nominalmente una estrella blanca de tipu espectral A2.5, foi clasificada como subxigante,[7] magar la so temperatura de 8430 K, la so lluminosidá equivalente a 29 soles y el so radiu 2,5 vegaes mayor que'l radiu solar, difícilmente dexen la so clasificación como tal —implicando que nel so nucleu cesó la fusión del hidróxenu—, siendo más apropiada la so clasificación como estrella de la secuencia principal.[8] La so edá, envalorada per aciu isocrones, ye de 420 millones d'años.[9]

Con un periodu de rotación de menos de 3,7 díes, Alfa Volantis ye una estrella que rota amodo daes les sos carauterístiques, lo que fai que dalgunos elementos xuban escontra la superficie por radiación y otros fúndanse nel interior por gravedá. Esto da llugar a un espectru peculiar, entrando Alfa Volantis dientro del grupu de les estrelles Am. Por ello foi clasificada dende Am hasta ka3hai5mA5v.[10]

ReferenciesEditar

  1. 1,0 1,1 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2):  páxs. 653–664. doi:10.1051/0004-6361:20078357. 
  2. 2,0 2,1 Afirmao en: Gaia DR2. Llingua de la obra o nome: inglés. Data de publicación: 25 abril 2018.
  3. «Tycho-2 Catalogue». Astronomy and Astrophysics:  páxs. 27–30. 2000. 
  4. Afirmao en: VizieR. Llingua de la obra o nome: inglés.
  5. «Accurate stellar rotational velocities using the Fourier transform of the cross correlation maximum» (n'inglés). Astronomy and Astrophysics:  páxs. A143. xunetu 2011. doi:10.1051/0004-6361/201016386. 
  6. «Pulkovo Compilation of Radial Velocities for 35 495 Hipparcos stars in a common system» (n'inglés). Astronomy Letters (11):  páxs. 759–771. payares 2006. doi:10.1134/S1063773706110065. 
  7. Alpha Volantis (The Bright Star Catalogue)
  8. Alpha Volantis (Stars, Jim Kaler)
  9. Vican, Laura (2012). «Age Determination for 346 Nearby Stars in the Herschel DEBRIS Survey». The Astronomical Journal 143 (6). A35. http://adsabs.harvard.edu/cgi-bin/nph-bib_query?2012AJ....143..135V&db_key=AST. 
  10. Alfa Volantis (SIMBAD)

Coordenaes:   9h 2m 26.796s, -66° 23 45.873