Alfredo Ignacio Álvarez Menéndez

Alfredo Ignacio Álvarez Menéndez
Vida
Nacimientu	Xixón, 1958 (65/66 años)
Nacionalidá	España
Estudios
Llingües falaes	asturianu; castellanu
Oficiu	escritor, llingüista, hispanista, profesor universitariu

Alfredo Ignacio Álvarez Menéndez (1958, Xixón) ye profesor titular del área de Llingua Española na Universidá d'Uviéu y imparte delles asignatures rellacionaes cola formación de profesores pa la enseñanza d'español como llingua estranxera. Foi direutor xeneral de Política Llingüística del Gobiernu del Principáu d'Asturies presidíu por Francisco Álvarez-Cascos. Amás, punxo clase d'asturianu nel Títulu d'Especialista en Filoloxía Asturiana nes primeres ediciones del títulu propiu. Tamién como docente, tuvo involucráu en Cursos de Doctoráu d'Asturianu impartiendo ún sobre'l Neutru de Materia que se dio va pocos años.

Obra

Alfredo I. Álvarez Menéndez que pasó a ocupar el cargu que desempeñara n’anterior llexislatura Consuelo Vega, tien publicaos dellos trabayos y estudios en torno a la llingua asturiana. Nel cursu 1981-82 publicó n’Archivum, revista de la Facultá de Filoloxía de la Universidá d'Uviéu, l'artículu «Y por YOS: un caso de neutralización morfológica en asturiano», anque va ser na década de los noventa cuando atopemos la mayor producción d'estudios asturianísticos per parte del profesor.

Foi ún de los supervisiones llingüísticos, en representación de la Universidá, de Propostas de normas ortográficas del galego-asturiano, normes qu'inda tán vixentes. En 1997 publica, xunto a la tamién profesora universitaria Virginia Gil Amate, "Teatro de la emigración asturiana en Cuba. Aproximación lingüística y literaria a la Biblioteca «Francisco de Paula Coronado»". Nesi mesmu añu ye coautor con Fernando Cuetos y José Ramón Alameda del Diccionariu de frecuencies léxiques del asturianu publicáu pola Academia de la Llingua Asturiana.

Del productivu añu 1997 tamién ye la coautoría y edición del llibru El asturianu en el teatro de Perfecto Fernández Usarrote: comentario lingüístico, onde analiza les carauterístiques llingüístiques del autor astur-cubanu. Asinamesmo, collaboró cola Academia de la Llingua Asturiana na redaición de la Gramática de la llingua asturiana de la que tamién son coautores Ramón d'Andrés, Xosé Lluis García Arias y Ana Cano. Del mesmu añu que la Gramática ye l'artículu «Sobre el llamado “neutro de materia” y los sincretismos morfológicos», que forma parte de los estudios ofrecíos a la memoria de Cristóbal Rodríguez Alonso.

Aparte de la so carrera docente y investigadora, Álvarez Menéndez foi subdireutor del departamentu de Filoloxía Española ente los años 1993 y 1998, y direutor del Centru d'Enseñanza d'Español pa Estranxeros de la Universidá d'Uviéu ente 1999 y 2008, periodu nel que tamién foi responsable del Centru Examinador Oficial de los Exámenes DELE del Institutu Cervantes.

Referencies

↑ ^1,0 ^1,1 Afirmao en: catálogu de la Biblioteca Nacional Checa. Identificador NKCR AUT: osd2017965177. Data de consulta: 1r marzu 2022.

Enllaces esternos

[e39c50b8065e0224c83d3e34bb28687c03493ea4-1] 1,0 ^1,1 Afirmao en: catálogu de la Biblioteca Nacional Checa. Identificador NKCR AUT: osd2017965177. Data de consulta: 1r marzu 2022.

[1]