Alfredo Zayas y Alfonso

Alfredo de Zayas y Alfonso (21 de febreru de 1861, L'Habana – 11 d'abril de 1934, L'Habana) xurista cubanu, orador, poeta y políticu. Foi fiscal, xuez, alcalde de L'Habana, senador en 1905, Presidente del Senáu en 1906, vicepresidente de 1908 a 1913 y cuartu Presidente de la República dende'l 20 de mayu de 1921 al 20 de mayu de 1925.

Alfredo Zayas y Alfonso
Presidente de Cuba (es) 20 mayu 1921 - 20 mayu 1925 ← Mario García Menocal - Gerardo Machado →
Vida
Nacimientu	L'Habana, 21 de febreru de 1861
Nacionalidá	Cuba
Muerte	L'Habana, 11 d'abril de 1934 (73 años)
Estudios
Llingües falaes	castellanu
Oficiu	escritor, políticu, abogáu, periodista
Premios	ver Gran Cruz de la Orde de Sabela la Católica
Creencies
Partíu políticu	Partido Liberal de Cuba (es)

Biografía

Nació en L'Habana nuna familia aristocrática, fíu del eminente Dr. José María de Zayas y Jiménez, xurista y educador, hermanu de Dr. Juan Bruno de Zayas, médicu y miembru Elército Llibertador de Cuba, cayíu en combate en L'Habana en 1896 col grau de Mayor Xeneral na guerra d'independencia contra España, hermanu del Dr. Francisco de Zayas, Embaxador de Cuba en París y Bruxeles. La so madre provenía de les Islles Canaries. Como líder revolucionariu dexó d'usar el "de" nel nome de la familia, que identificábalu con España y col poder colonial. En 1895 foi deteníu y deportáu a la Península, onde pasaría los años de la guerra y escribiría munchos poemes na Cárcel Modelu de Madrid, publicaos nes sos "Obres Completes", Vol. 1, Poesía, incluyendo'l conocíu Al Cayer la Nieve.

Foi bien activu na vida lliteraria de L'Habana y co-editor de la revista Cuba Literaria. Depués del so regresu a Cuba en 1898, dedicóse a la causa de la independencia respeuto de los Estaos Xuníos que caltenía a Cuba so ocupación militar.

Foi Secretariu de la convención constitutiva y lluchó contra la Enmienda Platt, impuesta a Cuba polos Estaos Xuníos, y contra l'arrendamientu d'una base naval en Guantánamo. Foi xefe del Partíu lliberal (izquierda) y foi electu Vice-Presidente en 1908.

Ganó los comicios presidenciales de 1916, pero los Estaos Xuníos intervinieron con arreglu a la Enmienda Platt y caltuvieron al Xeneral Mario García Menocal, favoritu de Washington, nel poder.

Reelecto en 1920, Zayas tomó'l poder en 1921, pero atopó al país en bancarrota, con deldes de más de 40 millones de dólares y el preciu del azucre desmoronado de 23 a 3 centavos por llibra. Nun se postuló a reeleición, pero mientres los sos cuatro años de presidencia llogró impulsar el derechu de la muyersobremanera'l so derechu al votu, fixo reformes nel campu de la educación y del seguru social. La corrupción mientres el so gobiernu dio llugar a enfrentamientos con distintos sectores de la sociedá, siendo'l más bultable la llamada "Protesta de los Trelce".

Axustó'l regresu a la soberanía cubana de la Islla de Pinos (Islla de la Juventud, 3.056 km²) ocupada dende 1898 polos Estaos Xuníos. Llogró un préstamu de cincuenta millones de dólares de J. P. Morgan en vista de rellanzar la economía afarada pol so predecesor.

Foi'l primer presidente que dexó la llibertá de prensa ensin censura. La so flema tráxo-y el llamatu de El Chinu en vista de la so paciencia asiática. Dempués de retirase de la vida política dedicó los sos últimos nueve años de vida a la escritura y reedición de les sos obres, inclusive los dos volúmenes de la Lexicografía Antillana. El so lliberalismu cívicu foi siguíu poles dictadures militares de los xenerales Gerardo Machado y Fulgencio Batista.

Enllaces esternos

• https://web.archive.org/web/20170612095329/http://origenesdezayas.com/
• Al Cayer La Nieve,
• Diccionariu de la lliteratura Cubana

Ver tamién

• Gobernantes de Cuba

Bibliografía

• Juan Bruno Zayas de la Portiella, "Oríxenes. Compendiu Históricu-Xenealóxicu del llinaxe Zayas, Descendencia del Infante Don Xaime d'Aragón". Zayas Publishing, Missouri, 2003, Vol. I, p. 413. www.origenesdezayas.com
• Alfredo Zayas, "Obres Completes", Vol.I: Poesíes, Vol.2 Discursos y Conferencies, L'Habana 1941-42. Alfredo Zayas
• "Un Capítulu de la Historia de Cuba", L'Habana, 1916. Alfredo Zayas, * "Lexicografía Antillana", Bd. 1-2, L'Habana, 1931-32. Alfredo Zayas
• "La Poesía Patriótica en Cuba hasta 1868", Academia Nacional d'Artes y Lletres, L'Habana, 1931. Alfredo Zayas
• "El presbiteriu don José Augustín Caballero y la so vida y les sos obres", L'Habana, 1891. Alfredo Zayas, * "La Evolución Social" L'Habana, 1891. Alfredo Zayas, "Pola Gloria de Lluz y Caballero" L'Habana 1909. Alfredo Zayas
• Nestor Carbonell Cortina: "Perfil Históricu del IV Presidente de Cuba Republicana Alfredo Zayas y Alfonso", San Xuan, Puertu Ricu 1985. José Manuel Carbonell, "Evolución de la Cultura Cubana". L'Habana, Imp. Montalvo y Cardenas, 1928, Tomu III (La Oratoria en Cuba) páxs. 102-105, Tomu IV, 30f. Juan J. Remos
• "Historia de la Lliteratura Cubana", Miami, Mnemosyne Publishing Co., 136f. Vidal Morales, * "Iniciadores y Primeros Mártires de la Revolución Cubana", L'Habana, La Moderna Poesía, 1931 Tomu III, páxs. 113ff. Carlos Marquez Sterling
• "Historia de Cuba", Miami, páxs. 289ff. Fernando de Zayas, * "Prosa y Versos", L'Habana 1909 Harry Frank Guggenheim
• "The United States and Cuba: A Study in International Relations", New York, Arno Press, 1970, páxs. 156ff.
• Francisco López Leiva: "Juan Bruno Zayas, Xeneral de Brigada del Exércitu Llibertador". L'Habana, 1922. Emilio Roig de Leuchsenring
• "Historia de la Enmienda Platt: Una Interpretación de la Realidá Cubana", L'Habana, 1935.
• Francisco Xavier de Santa Cruz, "Historia de Families Cubanes", Editorial Hércules, L'Habana, 1943.
• Vease tamién los artículos correspondientes na "Enciclopedia universal Espasa Calpe" y nel "New Biographical Dictionary" de Merriam Webster.

• Datos: Q880250
• Multimedia: Alfredo Zayas y Alfonso