Canaries

comunidá autónoma d'España
(Redirixío dende Islles Canaries)

Les Canaries[1][2] ye una comunidá autónoma d'España, con capital compartida ente les dos principales ciudaes (Santa Cruz de Tenerife y Les Palmes de Gran Canaria), abarca la totalidá del archipiélagu Canariu, formáu por siete islles mayores: Tenerife, La Palma, La Gomera y El Hierro, que formen la provincia de Santa Cruz de Tenerife, y Gran Canaria, Fuerteventura y Lanzarote, que pertenecen a la provincia de Les Palmes, arriendes de seis islles menores (Alegranza, Graciosa, Montaña Clara, Lobos, Roque del Este y Roque del Oeste) y una serie de pequeñes roques ya islotes (Anaga, Salmor, Garachico). Ta asitiada nel Océanu Atlánticu, nel norte d'África, na rexón de Macaronesia (xunto coles Islles Cabu Verde, Azores, Madeira ya Xabaces) y ye la rexón española con más llonxitú de costes: 1.583 km.

Canaries
Bandera de Canaries Escudu de Canaries
Alministración
País España
ISO 3166-2 ES-CN
Tipu d'entidá comunidá autónoma
Capital Santa Cruz de Tenerife y Les Palmes de Gran Canaria
Cabezaleru/a del gobiernu Angel Victor Torres Perez
Nome oficial Las Islas Canarias (es)
Nome llocal Las Islas Canarias (es)
Llingües oficiales castellanu
División
Xeografía
Coordenaes 28°32′10″N 15°44′56″W / 28.536°N 15.749°O / 28.536; -15.749
Superficie 7447 km²
Puntu más altu Teide
Demografía
Población 2 172 944 hab. (2021)
Densidá 291,79 hab/km²
Xentiliciu
Más información
Estaya horaria UTC±00:00, UTC+01:00 y Atlantic/Canary (en) Traducir
Dominiu d'Internet .ic
Fundación 10 agostu 1982
gobcan.es
Cambiar los datos en Wikidata

Historia editar

El 75% de los habitantes de Canaries son d'orixe guanche, pueblu bereber trayíu al Archipiélagu polos fenicios y dempués polos cartaxineses nos sieglos VII y V e.C. pa que sirviesen d'aida y de sofitu a les sos flotes, na ruta del oru. Los guanches denomaron a la Islla de Gran Canaria "Tamarán". Los romanos supieron de la esistencia de les Islles polos escritos de "Juba II", rei de Mauritania; (fálase d'una espedición nel añu 40 dC a les islles, que foi rellatada polos escritores Plutarcu y "Pliniu el Vieyu". Ésti caberu fai usu del términu "Insulae Cannariae" (del llatín Can, Cannis= "perru"), darréu de l'abondanza de perros qu'habitaben les islles. Esta ye la esplicación de que nel escudu apaezan dos perros ún a cada llau, y tamién de que, a la escontra de lo que la mayor parte de la xente camienta, nun foi que les islles tomaren el nome de l'ave (el canariu, "Serinus canaria"), sinón que foi l'ave el que tomó'l nome de les islles "Cannariae", (d'au ye nativu), y que col tiempu derivó en Canariu.

Ver tamién editar

Referencies editar

Enllaces esternos editar

 
Mapa de les Islles Canaries