Alireza Faghani

Alireza Faghani
Árbitru FIFA	;
Árbitru FIFA
Vida
Nacimientu	Kashmar (es) , 21 de marzu de 1978 (46 años)
Nacionalidá	Irán
Estudios
Llingües falaes	inglés; persa
Oficiu
Oficiu	árbitru de fútbol
Trayeutoria
Emplegadores	Tehran Municipality (en)

Alireza Faghani (21 de marzu de 1978, Kashmar ^(es) ) ye un árbitru de fútbol iranín. Ye árbitru internacional FIFA dende 2008.^[1]

Biografía

Alireza Faghani empezó como xugador, llegando al tercer nivel de la lliga iranina antes de decidir siguir los pasos del so padre Mohammed al convertise n'árbitru. Otros parientes nel mesmu oficiu inclúin al so hermanu menor, suegru y cuñáu. Dirixó'l so primer partíu d'alta importancia iranina en 2007 y llogró la so insinia de FIFA l'añu siguiente.^[2]

Mientres la so carrera dirixó trés finales en competiciones de clubes asiáticos: la primera foi la Copa Presidencial de la AFC en 2009, siguida de la Copa Challenge de la AFC 2010 y la ida de la final de la Lliga de Campeones de la AFC 2014. En 2010, foi l'árbitru pa la final del Campeonatu Sub-16 de la AFC ente Corea del Norte y Uzbequistán. En 2013, foi convocáu pola FIFA pa la Copa Mundial Sub-20 y la Copa Mundial de Clubes, dirixendo dos partíos en cada eventu. Faghani participó na Copa Mundial de Fútbol de 2014 como cuartu árbitru, dempués d'habese fechu cargu de cinco clasificatorios asiáticos.^[2]

En 2015, cubrió la final de la Copa Asiática ente la República de Corea y Australia, siguíu pol Barcelona-River Plate nel partíu decisivu de la Copa Mundial de Clubes. En 2016, foi nomáu pola AFC como'l meyor árbitru asiáticu del añu. El mesmu añu, xunto colos asistentes Reza Sokhandan y Mohammadreza Mansouri, Faghani encabezó'l primer equipu d'árbitros de toa Asia na final olímpica en Ríu ente Brasil y Alemaña.^[2]

En 2017, participó en la Copa FIFA Confederaciones, controlando dos partíos, incluyida la semifinal ente Chile y Portugal. A la fin de la temporada, foi nomáu'l meyor árbitru iranín per segunda vegada (la primer vegada foi en 2013/14). Nel tornéu preliminar d'Asia pa Rusia 2018, dirixó seis partíos, incluyida la primer etapa de repescar continental ente Siria y Australia.^[2]

Trayeutoria

Ente les sos participaciones internacionales destaca'l dirixir la final de la Lliga de Campeones de la AFC 2014, la final de la Copa Asiática 2015, la final de la Copa Mundial de Clubes de la FIFA 2015 —ente'l FC Barcelona y River Plate—, la final del tornéu masculín de los Xuegos Olímpicos de Rio de Janeiro 2016 —ente les seleiciones de Brasil y Alemaña—,^[3] y la semifinal de la Copa Confederaciones 2017 ente Portugal y Chile.

Referencies

↑ FIFA.com. «FIFA U-20 World Cup: Referees - Alireza FAGHANI - FIFA.com» (inglés). Consultáu'l 22 de marzu de 2018.
↑ ^2,0 ^2,1 ^2,2 ^2,3 «Referees of the 2018 FIFA World Cup». FIFA.com. 5 de xunu de 2018. https://resources.fifa.com/image/upload/statistical-kit-referees.pdf?cloudid=vkt8rnt7f87o4uq56cww#page=22.
↑ «Un árbitru iranín pa la gran final» (castellanu). Mundial de Clubes 2015. La Páxina Millonaria (19 d'avientu de 2015). Archiváu dende l'orixinal, el 2017-09-06. Consultáu'l 18 de xunu de 2017.

Enllaces esternos

[1] FIFA.com. «FIFA U-20 World Cup: Referees - Alireza FAGHANI - FIFA.com» (inglés). Consultáu'l 22 de marzu de 2018.

[:0-2] 2,0 ^2,1 ^2,2 ^2,3 «Referees of the 2018 FIFA World Cup». FIFA.com. 5 de xunu de 2018. https://resources.fifa.com/image/upload/statistical-kit-referees.pdf?cloudid=vkt8rnt7f87o4uq56cww#page=22.

[3] «Un árbitru iranín pa la gran final» (castellanu). Mundial de Clubes 2015. La Páxina Millonaria (19 d'avientu de 2015). Archiváu dende l'orixinal, el 2017-09-06. Consultáu'l 18 de xunu de 2017.

[1]

[2]

[3]