Alkalurops

Alkalurops
	Estrella múltiple
Datos d'observación
Ascensión reuta (α)	231,123084 °
Declinación (δ)	37,3769722 °
Constelación	Bootes
Carauterístiques físiques
Radiu	1,9 Radius solars
Masa	1,7 M☉
Otros nomes
	Ver llista WDS J15245+3723AB (Catálogo de Estrellas Dobles Washington (es) );

Alkalurops (μ Bootis / μ Boo / 51 Bootis) ye un sistema estelar na constelación de Boötes, que'l so nome provién del griegu y significa «garrote» o «cayado». Tamién recibe los nomes de Inkalunis y Icalurus. Otros nomes utilizaos pa designar a esta estrella, éstos provenientes del llatín, son Clava y Venabulum, siendo'l significáu d'ésti últimu «venablu». El sistema alcuéntrase a 121 años lluz de distancia del Sistema Solar.

Coordenaes: 15^h 24^m 29.54^s, 37^° 22^′ 37.1^″

Visualmente pueden estremase dos componentes separaes 108 segundos d'arcu. La componente principal, Alkalurops A (HD 137391), ye una estrella probablemente subxigante de tipu espectral F0V y 7340 K de temperatura. Con magnitú aparente +4,31, tien una lluminosidá 23 vegaes mayor que la del Sol. El so espectru suxer que ye una binaria espectroscópica con un periodu de 298,8 díes. Coles mesmes, abarrúntase que pueda ser una variable Delta Scuti.

La otra componente del sistema (HD 137392) ye, de la mesma, una estrella binaria formada por dos nanes marielles de tipu G1V análogues al Sol separaes 1,5 segundos d'arcu de media. La más brillosa de los dos, Alkalurops B, tien una lluminosidá doble que la solar, ente que la menos brillosa, Alkalurops C, ye cuasi idéntica al Sol. Les dos estrelles, dixebraes una media de 54 UA, completen una vuelta cada 260 años. El par tópase separáu siquier 4000 UA de Alkalurops A.

Referencies

↑ Afirmao en: VizieR. Llingua de la obra o nome: inglés.

Coordenaes: 15^h 24^m 29.54^s, 37^° 22^′ 37.1^″

[eedd662cbc889e46d17821464d4af8748a120b6c-1] Afirmao en: VizieR. Llingua de la obra o nome: inglés.

[1]