Alsciaukat (31 Lyncis / 31 Lyn / HD 70272 / HR 3275)[10] ye la cuarta estrella más brillosa de la constelación del Llobu cerval. Con magnitú aparente +4,25, ye superada en rellumu por α Lyncis, 38 Lyncis y 10 Ursae Majoris. El so nome, proveniente del árabe الشوكة (aš-šawkat), significa «l'escayu».

Ficha d'oxetu celesteAlsciaukat
estrella[1] y near-IR source (en) Traducir[1]
Datos d'observación
Ascensión reuta (α) 125,7087916525 °[2]
Declinación (δ) 43,18813122972 °[2]
Distancia a la Tierra 119,1341 pc
Magnitú aparente (V) 4,25 (banda V)
Magnitú absoluta −1,13
Constelación Llobu cerval
Velocidá de rotación 19 km/s[5]
Velocidá radial 24,694401 km/s[6]
Parallax 8,3939 mas[3]
Carauterístiques físiques
Radiu 28,7 Radius solars
Diámetru 74 100 000 km [7]
Masa 4,9 M☉
Gravedá superficial 32 cm/s²[8]
Tipu espectral K4+III[9]
Otros nomes
Cambiar los datos en Wikidata

Coordenaes: Sky map 8h 22m 50.11s, 43° 11 17.272

Asitiada a 389 años lluz del Sistema Solar, Alsciaukat ye una xigante naranxa de tipu espectral K4.5III. Les sos carauterístiques son asemeyaes a les de α Lyncis, magar la distinta distancia que nos dixebra de dambes pon de manifiestu que nun tán rellacionaes ente sigo. Ye 700 vegaes más lluminosa que'l Sol, tenida en cuenta la radiación qu'emite nel infrarroxu, yá que ye una estrella fría de 3930 K de temperatura. Temperatura y lluminosidá dexen calcular el so radiu, 59 vegaes más grande que'l radiu solar, ente que'l radiu calculáu a partir de la midida del so diámetru angular ye significativamente mayor, de 75 radios solares.[11]

Alsciaukat tien una masa aproximao'l doble que la del Sol. Con una edá envalorada de 1400 millones d'años, hai unos 300 millones d'años remató nel so interior la fusión nuclear d'hidróxenu. Ye una estrella variable semirregular que recibe'l nome de variable BN Lyncis y qu'amuesa una pequeña variación nel so rellumu de 0,05 magnitúes. Dicha variabilidá suxure qu'Alsciaukat ye una xigante aumentando en rellumu per segunda vegada con un nucleu inerte de carbonu que llueu se tresformará nuna variable Mira.[11]

Ver tamién editar

Referencies editar

  1. 1,0 1,1 Afirmao en: SIMBAD.
  2. 2,0 2,1 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2):  páxs. 653–664. doi:10.1051/0004-6361:20078357. 
  3. 3,0 3,1 Afirmao en: Gaia DR2. Stated in source according to: SIMBAD. Llingua de la obra o nome: inglés. Data d'espublización: 25 abril 2018.
  4. Afirmao en: Catalogue of Stellar Photometry in Johnson's 11-color system. Stated in source according to: SIMBAD. Llingua de la obra o nome: inglés. Data d'espublización: 2002.
  5. Afirmao en: Catalogue of rotational velocities of the stars. Stated in source according to: SIMBAD. Llingua de la obra o nome: inglés. Data d'espublización: xunu 1970.
  6. «APOGEE Data and Spectral Analysis from SDSS Data Release 16: Seven Years of Observations Including First Results from APOGEE-South». The Astronomical Journal (3). setiembre 2020. doi:10.3847/1538-3881/ABA592. 
  7. Gerard T. van Belle (20 avientu 2017). «Fundamental Parameters of 87 Stars from the Navy Precision Optical Interferometer» (n'inglés). The Astronomical Journal (1). doi:10.3847/1538-3881/AA9D8B. 
  8. «The atmospheric parameters and spectral interpolator for the MILES stars» (n'inglés). Astronomy and Astrophysics:  páxs. 165–165. xunetu 2011. doi:10.1051/0004-6361/201116769. 
  9. «The Perkins catalog of revised MK types for the cooler stars» (n'inglés). The Astrophysical Journal Supplement Series:  páxs. 245–266. ochobre 1989. doi:10.1086/191373. 
  10. 31 Lyncis (SIMBAD)
  11. 11,0 11,1 Alpha and 31 Lyn (Stars, Jim Kaler)

Coordenaes:   8h 22m 50.11s, 43° 11 17.272