Abrir el menú principal
Artículu revisáu

10 Ursae Majoris (10 UMa / HD 76943 / HR 3759) ye una estrella de magnitú aparente +3,97, qu'a pesar del so nome, alcuéntrase na constelación del Llobu cerval. Cuando nel sieglu XVIII asignáronse los númberos de Flamsteed encuadróse na constelación del sietestrellu; sicasí, coles llendes modernes de les constelaciones establecíes na década de 1920, la estrella quedó finalmente integrada dientro de Llobu cerval. Anguaño ye la tercer estrella más brillosa d'esta constelación dempués d'α Lyncis y 38 Lyncis.

10 Ursae Majoris
Constelación Lynx
Ascensión reuta α 09h 00min 38,37s
Declinación δ +41º 46’ 58,5’’
Distancia 54 años lluz
Magnitú visual +3,97 (conxunta)
Magnitú absoluta +2,88 (conxunta)
Lluminosidá 4,8 / 0,8 soles
Temperatura 6500 / 5600 K
Masa 1,44 / 1 soles (aprox)
Tipu espectral F5V / G5V
Velocidá radial +26,4 km/s

10 Ursae Majoris ye una estrella binaria compuesta por una nana blancu-mariella de tipu espectral F5V y magnitú +4,11, y una estrella asemeyada al Sol de magnitú +6,18 y tipu G5V. La componente más brillosa tien una temperatura de 6500 K y una lluminosidá 4,8 vegaes mayor que la del Sol. La nana mariella análoga al Sol tien 5600 K de temperatura y un 80% de la lluminosidá solar. La distancia media ente dambes ye de 10,6 UA, moviéndose nuna órbita moderadamente escéntrica que fai que la separtación varie ente 12,0 y 9,9 UA a lo llargo d'un periodu orbital de 21,78 años. Les mases envaloraes son 1,44 mases solares pa la estrella F5 y 1 masa solar pa la estrella G5. El sistema alcuéntrase a 54 años lluz de la Tierra.

ReferenciesEditar