Amy Van Dyken
Amy Van Dyken (15 de febreru de 1973, Englewood (es) 
) ye una nadadora d'Estaos Xuníos d'América ganadora de seis medayes d'oru olímpicu ente 1996 y 2000.
_(cropped).jpg)
Entamó a nadar con seis años porque yera asmática y el médicu aconseyó-y esti deporte. Magar esti problema de salú, Amy Van Dyken destacó nos sos años d'institutu como una nadadora de gran potencial nes pruebes de velocidá. Matriculóse na Universidá d'Arizona, pero nel branu de 1993 tuvo graves de problemes de salú por cuenta d'un casu de mononucleosis que cuasi la faen abandonar el deporte. Sicasí la so gran voluntá de sacrificiu dexáron-y retornar unos meses dempués.
En 1994 marchó d'Arizona a Colorado y foi escoyida como la meyor nadadora universitaria. Nel branu d'esi añu participó nos Campeonatos del Mundu celebraos en Roma onde llogró la medaya de bronce nos 50 m llibres, amás de dos medayes de plata colos equipos de relevos 4x100 llibres y 4x100 estilos. Estos fueron unos campeonatos estraños nos qu'apoderaron de forma apolmonante les nadadores chines, baxo'l permanente barruntu de dopaxe.
Mientres 1995 continuu la so sienda de trunfos, incluyendo tres medayes d'oru y una de plata nos Xuegos Panamericanos de Mar del Plata, Arxentina. Los Xuegos Olímpicos d'Atlanta 1996 diben ser la gran competición de la so vida, con 23 años. Nun equipu llaráu d'estrelles como'l d'Estaos Xuníos pocos cuntaben con qu'ella fuera la gran trunfadora d'aquella cita. Tres la decepción inicial que-y supunxo quedar a les puertes del podiu nos 100m llibres, onde foi cuarta na carrera ganada pola china Le Jingy, empezó a sumar medayes d'oru: 50 llibres, 100 caparina, relevos 4x100 llibres y relevos 4x100 estilos, en total cuatro medayes d'oru, más que nenguna otra nadadora nos Xuegos, y convertíase amás na primer deportista de la historia d'Estaos Xuníos en ganar cuatro medayes d'oru nunos solos Xuegos Olímpicos.
Tres los Xuegos Amy Van Dyken centróse nos sos estudios universitarios en Colorado, onde graduó en 1997. Al otru añu nos Campeonatos Mundiales celebraos en Perth, Australia, ganó tres medayes d'oru (50 llibres, relevos 4x100 llibres y 4x100 estilos).
La so despidida de la competición tuvo llugar nos Xuegos Olímpicos de Sydney 2000, con 26 años. Ellí nun consiguió xubir al podiu de los 50 metros llibres por unes poques centésimes, y tuvo que conformase col cuartu puestu. Sicasí si ganó col so país nes pruebes de relevos de 4x100 llibres y 4x100 estilos, batiendo en dambes el récor del mundu. D'esta manera zarraba una bien brillosa trayeutoria olímpica.
Amy Van Dyken diferencióse por ser una bad girl de les piscines, usando tou tipu de artimañes p'amedranar a les sos rivales como mira-yos fixamente enantes de les carreres, emitir gurníos, etc. Especialmente famosa ye l'anécdota en Sydney 2000 cuando una cámara de televisión grabo'l momentu en que cuspía na cai d'una rival. El so aspeutu desgarbáu y el so calter irascible y pasional facíala tener problemes con delles compañeres del equipu. Tres el so ésitu d'Atlanta 1996 dixo nuna entrevista que dedicaba'l so trunfu a tolos nerds, pos ella considerábase unu más d'ellos.
Los médicos consideren que l'asma crónicu restába-y hasta una tercer parte de la so capacidá pulmonar. Magar ello foi una de les meyores velocistes de los últimos años. Casó col xugador de fútbol americanu Tom Rouen y fixó la so residencia en Colorado.
Referencies
editarEnllaces esternos
editar
Wikimedia Commons acueye conteníu multimedia sobre Amy Van Dyken.- Amy Van Dyken na Internet Movie Database (n'inglés)
- Amy Van Dyken n'Instagram
- Amy Van Dyken en Twitter
- Amy Van Dyken – Olympic athlete profile at Sports-Reference.com
- Amy Van Dyken (USA) – Honor Swimmer profile at International Swimming Hall of Fame
- www.amyvandyken.org – the Amy VanDyken Foundation
Datos: Q233569- Multimedia: Amy Van Dyken
