Arizona[1] ye un estáu de la fastera suroccidental de los Estaos Xuníos. Ye'l sestu mayor n'estensión, y el décimuquintu más pobláu, del país. Llenda con Méxicu y colos estaos de Nuevu Méxicu, Utah, Nevada y California, y tien un puntu de frontera con Colorado, aú s'asitia el Four Corners Monument. La so llende con Méxicu, de 626 km de llargor, comunícalu colos estaos mexicanos de Sonora y Baxa California. La so capital, y ciudá más grande, ye Phoenix.

Arizona
Bandera de Arizona (es) Traducir
Alministración
PaísBandera de Estaos Xuníos d'América Estaos Xuníos d'América
ISO 3166-2 US-AZ
Tipu d'entidá Estaos d'Estaos Xuníos
Capital Phoenix
Gobernadora d'Arizona Katie Hobbs (Partíu Demócrata)
Nome llocal State of Arizona (en)
Llingües oficiales inglés
División
Xeografía
Coordenaes 34°17′12″N 111°39′25″W / 34.2867°N 111.6569°O / 34.2867; -111.6569
Superficie 295234 km²
Llenda con California, Nevada, Utah, Nuevu Méxicu, Baxa California, Sonora y Colorado
Puntu más altu Pico Humphreys (es) Traducir
Puntu más baxu Ríu Coloráu
Altitú media 1250 m
Demografía
Población 7 151 502 hab. (1r abril 2020)
Densidá 24,22 hab/km²
Viviendes 2 643 430 (31 avientu 2020)
Más información
Estaya horaria UTC−07:00 y America/Phoenix (en) Traducir
Fundación 14 febreru 1912
az.gov
Cambiar los datos en Wikidata

Tien una población de 7 151 502 hab. (1 abril 2020)[2][3] y una superficie de 295 234 km².

Arizona foi'l cuadraxésimuoctavu estáu de la Unión, el postreru de tolos del territoriu continental de los Estaos Xuníos. Formara, en tiempos de la dominación española, parte del territoriu d'Alta California dientro del virreinatu de Nueva España. Incorporáu a Méxicu de magar la so independencia, el territoriu d'Arizona foi cedíu a los Estaos Xuníos dempués de la guerra desarrollada ente dambos países en 1846-7. La so fastera más meridional, por embargu, foi mercada en 1853 al traviés del alcuerdu nomáu Venta de La Mesilla. Organizáu alministrativamente como territoriu, nun algamó l'estatus estatal hasta'l 14 de febreru de 1912.

El sur del estáu tien un clima desérticu, con branos percaldios ya iviernos suaves. Na fastera septentrional, por embargu, hai viesques de coníferes de distintes especies; una meseta, la de Colorado; delles cordeleres, como les San Francisco Mountains; y tamién llargos y profundos cañones. Nesta fastera del estáu les temperatures braniegues son muncho más moderaes, y n'iviernu nieva n'abondanza, de forma qu'hai estaciones d'esquí en Flagstaff, Alpine y Tucson. Amás del parque nacional del Gran Cañón hai nel estáu dellos parques y viesques nacionales. Un cuartu del territoriu, amás, pertenez a diverses reserves indies nes que viven delles tribus de nativos americanos.

Semeyes editar

Referencies editar

Enllaces esternos editar

  Los 50 estaos d'Estaos Xuníos d'América  

Alabama · Alaska · Arizona · Arkansas · California · Carolina del Norte · Carolina del Sur · Colorado · Connecticut · Dakota del Norte · Dakota del Sur · Delaware · Florida · Georgia · Ḥawai · Idaho · Illinois · Indiana · Iowa · Kansas · Kentucky · Louisiana · Maine · Maryland · Massachusetts · Michigan · Minnesota · Mississippi · Missouri · Montana · Nebraska · Nevada · New Hampshire · Nueva Jersey · Nueva York · Nuevu Méxicu · Ohio · Oklahoma · Oregón · Pennsylvania · Rhode Island · Tennessee · Texas · Utah · Vermont · Virxinia · Virxinia Occidental · Washington · Wisconsin · Wyoming