Ana García-Siñeriz

Ana García-Siñeriz
Vida
Nacimientu	Uviéu, 26 de xunetu de 1965 (59 años)
Nacionalidá	España
Estudios
Estudios	Universidá Complutense de Madrid
Llingües falaes	castellanu
Oficiu	presentadora de televisión, periodista
IMDb	nm1411023

Ana María Aurora García-Siñeriz Alonso (26 de xunetu de 1965, Uviéu) ye una presentadora y escritora española.^[1]

Biografía

Nacida n'Uviéu, ellí pasó'l primer añu de la so vida. Dempués, los sos padres fueron vivise a Burgos (Castiella y Lleón, España). Vivió nesta ciudá castellana hasta los cinco años, y dellí, a Madrid, España, onde tien la so casa, la so familia y amigos. Tien trés hermanes: Carolina, Sonia y Silvia.

Carrera profesional

Llicenciada en Periodismu y Máster de Radiu per Radio Nacional d'España y la Universidá Complutense de Madrid. Empecipió la so carrera profesional na radio, como llocutora y redactora de llocal nuna emisora de Pozuelo. Darréu dirixió'l programa de Televisión Española Hablando claro (1988-1989), para más palantre desempeñar funciones de redactora y presentadora d'informativos na cadena de televisión Canal plus, onde, amás presentó na temporada 1993-1994 el programa cinematográficu Primer plano.

Dempués presentó, nesa mesma cadena, y ente 1995 y 2005, el programa d'entrevistes Lo + Plus, según Magacine. Tamién en Canal Plus foi la encargada de retresmitir la ceremonia de los Premios Óscar dende 1992 a 2005, yá que ye una gran entendida en cine.

En payares de 2005 Canal Plus dexa'l so sitiu a una nueva canal de Sogecable, Cuatro nel que Siñeriz presenta'l magacín de tardes, Channel nº4, xunto con Boris Izaguirre. El programa emitióse hasta febreru de 2008. Ente'l 14 de xineru y el 3 d'avientu de 2010 presentó un informativu mañaneru, col títulu de Matinal Cuatro que s'emitía en direutu simultáneamente en Cuatro y CNN+ de llunes a vienres y de 7:00 a 9:30.

Dende ochobre de 2016 presenta l'espaciu Luce tu pueblo na Canal Divinity de Mediaset.^[2]

Trayeutoria

1988-1989, Hablando claro en TVE.
1993-1994, Primer plano en Canal plus.
1995-2005, Lo + Plus en Canal plus.
1996-2002, Magacine en Canal plus.
1992-2005, Premios Óscar en Canal plus.
2005-2008, Channel nº4 en Cuatro.
2010, Matinal Cuatro en Cuatro y CNN+.
2011, La Noche de los Oscar en Canal plus.
2016, Luce tu pueblo en Divinity.

Escritora

En 2000 publicó un llibru tituláu Bebé a bordo nel que rellata les sos esperiencies col embaranzu y la maternidá. Darréu presentó la novela Esas mujeres rubias y el llibru Nueve meses y un día.

Tamién publicó col ilustrador Jordi Labanda una serie de llibros sol títulu La banda de Zoé protagonizaos por una neña llamada Zoé: Los dos mundos de Zoé, Elemental querida Zoé, Esto sí que es Hollywood, I love NY, Zoé y la princesa romana, Sayonara, Zoé, Gatos, espías y rollitos de primavera, Vaya lío en Río, Zoé en Barcelona o Amor y por ello con patatas.

Referencies

↑ Páxina oficial de Ana García-Siñeriz
↑ EuropaPress (ed.): «La lucha por ser el pueblo más hermoso de España, en manes de Ana García-Siñeriz» (14 d'ochobre de 2016).

Enllaces esternos

Ana García-Siñeriz na Internet Movie Database (n'inglés)
Ana García-Siñeriz n'Instagram
Páxina oficial d'Ana García-Siñeriz

[1] Páxina oficial de Ana García-Siñeriz

[2] EuropaPress (ed.): «La lucha por ser el pueblo más hermoso de España, en manes de Ana García-Siñeriz» (14 d'ochobre de 2016).

[1]

[2]