Ana Rosa Fernández

Ana Rosa Fernández (1965, Sotrondio) ye una escritora asturiana.

Ana Rosa Fernández
Vida
Nacimientu	Sotrondio, 1965 (58/59 años)
Nacionalidá	España
Estudios
Llingües falaes	castellanu asturianu
Oficiu	escritora

Apunte biográficu

Naz en 1965 en Sotrondio y entama a escribir a los 16 años, al abrigu de lo que'l filólogu y poeta Francisco J. Lauriño llamó Dexeneración de 1981. Nun va ser, ensin embargu, hasta los 30 años cuando tome conciencia del retu que supón ser muyer y poeta, y a partir d'ehí, buscando algamar una voz propia, va dedica-y más tiempu a la escritura, participando en numberosos recitales y alcuentros como les "Xornaes alternatives de poesía" del Atenéu Llibertariu d'Uviéu o les "Primeres xornaes abiertes de poesía y narrativa" del Atenéu Popular de Llaviana, dambos en 1995.

Obres

• El peso de la luz (2002) - esta obra tuvo una segunda edición en 2005 en formatu discu-llibru, con música de Xulio Arbesú.
• Los nomes de la lluvia (Suburbia Ediciones, 2012)

La so obra ta recoyida na antoloxía de poesía española actual "Al Aire Nuevo" (Editorial Desierto, Méxicu, 2005) y nel llibru coleutivu "Las estaciones" (Heracles y nosotros, Xixón, 1996), asina como nes revistes "Luces y sombras" y "Ábaco".

Premios

• Mención especial nel II Concursu Lliterariu "Voces de Chamamé" (Uviéu, 1995)
• Finalista nel VIII Premiu Nacional de Poesía "Poeta Mario López" (Córdoba, 2000)
• X Premiu Internacional de Poesía "Ateneo Jovellanos" (Xixón, 2000).
• XV Premiu de Poesía "Esperanza Spinola" de Teguise (Lanzarote, 2002) col so llibru El peso de la luz.

Enllaces esternos

• https://www.rtpa.es/sociedad:La-escritora-Ana-Rosa-Fernandez-presentra--'Los-nomes-de-la-lluvia',_111332844406.html
• http://canales.elcomercio.es/extras/asturies/articulos/120622_entrevistes.html

• Datos: Q20605020