Andrés Avelino Cáceres

Andrés Avelino Cáceres
Presidente de Perú
Presidente de Perú
Presidente de Perú
Vida
Nacimientu	Ayacucho, 4 de febreru de 1833
Nacionalidá	Perú
Muerte	Lima, 10 d'ochobre de 1923 (90 años)
Sepultura	Cripta de los Héroes (es)
Familia
Casáu con	Antonia Moreno Leyva
Fíos/es	Aurora Cáceres
Estudios
Llingües falaes	castellanu
Oficiu	políticu, militar, diplomáticu, embaxador
Graduación	Mariscal; xeneral
Creencies
Partíu políticu	Partido Constitucional (es)

Andrés Avelino Cáceres Dorregaray (4 de febreru de 1833, Ayacucho – 10 d'ochobre de 1923, Lima).

Biografía

Fíu del matrimoniu formáu por Domingo Cáceres y Oré y Justa Dorregaray Cueva, casóse con Antonia Moreno Leyva y tuvo 3 fíes: Zoila Aurora Cáceres Moreno, Rosa Amelia Cáceres y Lucila Hortensia Cáceres.

Nel Perú ta consideráu un héroe nacional, por lluchar en toles batalles importantes de la guerra del Pacíficu (San Francisco, Tarapacá, Tacna, San Juan y Miraflores) y por liderar la resistencia na sierra central escontra la ocupación chilena, la llamada Campaña de la Breña (1881-1883). Falaba'l quechua, polo que tuvo gran influyencia sobro la población indíxena del so país, a base de la cual formó un exércitu regular, sofitáu por guerrilles o «montoneras». Foi conocíu polos sos soldaos como Taita Cáceres, ente que los chilenos moteyáronlu El Bruxu de los Andes, por cuenta de que siempres burlló les maniobres envolventes entamaes con muncho celu polos xenerales chilenos, y porque actuaba con tanta fluidez que paecía tar presente perdayuri. En tala campaña llogró'l triple trunfu de Pucará, Marcavalle y Concepción, y anque foi ganáu en Huamachuco, nun se rindió y siguió entamando la resistencia, hasta que tuvo qu'aceptar los fechos peracabaos tres la firma del tratáu de Rancón.

Dempués de la guerra con Chile, incursionó viviegamente na política, fundando'l so propiu partíu, el Constitucional. Enfrentóse al presidente Miguel Iglesias, que roblara'l tratáu de paz con Chile con cesión territorial, desamarrándose una guerra civil. Una vegada más, Cáceres amosó la so estratexa militar al poner fuera de xuegu al exércitu principal d'Iglesias na llocalidá de Huaripampa (sierra central peruana), aición que se conoz como la “huaripampeada” (1884). De siguío atacó Lima, au les sos fuerces abarganaron nel Palaciu de Gobiernu a Iglesias. Ésti arrenunció a la presidencia en 1885, siendo asocedíu por un gobiernu provisional, el mesmu que convocó eleiciones nes que ganó abrumadoramente Cáceres. Nesti primer gobiernu constitucional, de 1886 a 1890, Cáceres tuvo que llevar alantre la Reconstrucción Nacional, especialmente nel campu de la recuperación económica. Punxo fuera de cursu'l billete fiscal o papel moneda, bien devaluáu entós; creó impuestos nuevos; intentó la descentralización tributaria; y para solucionar el problema de la enorme delda esterna robló'l Contratu Grace pol cual apurrió los ferrocarriles a los acreedores. Volvió a la presidencia en 1894, nunes cuestionaes eleiciones, que provocaron na so escontra la formación de la Coalición Nacional, integrada polos demócrates y civilistes, encabezaos por Nicolás de Piérola; desamarróse una sangrina guerra civil que remató col asaltu de los asociaos a Lima, énte lo que Cáceres arrenunció y partió al exiliu, en 1895. Volvió al Perú en 1899 y siguió participando na política. Sofitó al presidente Augusto B. Leguía nel so ascensu al poder en 1919, el mesmu añu en que'l Congresu xubiólu a Mariscal.

Ver tamién

Referencies

↑ ^1,0 ^1,1 ^1,2 URL de la referencia: https://revistafenix.bnp.gob.pe/index.php/fenix/article/view/205/1059. Páxina de ficheru: 7. Data de consulta: 25 marzu 2024.
↑ ^2,0 ^2,1 Identificador GND: 118899961. Afirmao en: Catalog of the German National Library. Data de consulta: 16 abril 2024. Llingua de la obra o nome: alemán.

Enllaces esternos

Predecesor: Justiniano Borgoño	Presidente de Perú 10 d'agostu de 1894 - 20 de marzu de 1895	Socesor: Manuel Candamo
Predecesor: Antonio Arenas	Presidente de Perú 3 de xunu de 1866 - 10 d'agostu de 1890	Socesor: Remigio Morales Bermúdez

[f3730cf82269b16fc70413833dc319c0daadc2c3-1] 1,0 ^1,1 ^1,2 URL de la referencia: https://revistafenix.bnp.gob.pe/index.php/fenix/article/view/205/1059. Páxina de ficheru: 7. Data de consulta: 25 marzu 2024.

[64444fb90e3327b34dcb529a09d8d6c2cc64e47d-2] 2,0 ^2,1 Identificador GND: 118899961. Afirmao en: Catalog of the German National Library. Data de consulta: 16 abril 2024. Llingua de la obra o nome: alemán.

[1]

[2]