Andrés Naves

botánicu asturianu (1839–1910)

Frai Andrés Naves (22 de xunetu de 1839Cortina – 25 d'ochobre de 1910Valladolid) foi un botánicu y relixosu de la orden agustina. Nació en Cortina (aldea de la parroquia de Naves, del conceyu d'Uviéu). Morrió en Valladolid, nel conventu de los agustinos el 25 d'ochobre de 1910.

Andrés Naves
Vida
Nacimientu Cortina22 de xunetu de 1839[1]
Nacionalidá España
Residencia España
Llingua materna castellanu
Muerte Valladolid25 d'ochobre de 1910[1] (71 años)
Estudios
Llingües falaes castellanu
Oficiu botánicu
Abreviatura en botánica Náves (IPNI)
Cambiar los datos en Wikidata

A la edá de dieciocho años ingresó nel colexu de los Filipinos de Valladolid, rexentáu por agustinos calzaos, y nel que fizo la profesión de votos el 17 de payares de 1858.

Los sos superiores destináronlu a les misiones establecíes nel archipiélagu filipín, pa onde salió nel añu 1863. Los estudios de Teoloxía terminólos nel conventu de San Pablo, de Manila, y foi ordenáu presbíteru años depués. Con posterioridá foi destináu al distritu de Iloilo, na islla de Panay, primeramente tuvo al frente de la parroquia de Nalupa pasando posteriormente a otres.

A la xera evanxelizadora amestó la so pasión pol estudiu de la florística filipina. El so calter científicu encumó cola tercer edición de la Flora de Filipinas del tamién agustín P. Manuel Blanco, edición revisada y ampliada. Constaba esta tercera edición de cuatro tomos en gran foliu con un total de más de mil quinientes páxines. La Flora abarca los tres primeros volúmenes y parte del cuartu. Contién, además, introduciones y biografíes en testu billingüe español y llatín. El restu d'esti cuartu volumen ta formáu por apuntes del propiu P. Blanco iguaos pol P. Llanos y la “Novissimma Appendix” del P. Naves y del tamién asturianu P. Fernández Villar.

N'Asturies collaboró col periódicu xixonés Ixuxú que dirixera, nel añu 1901, l'escritor Pachu'l Péritu

Abreviatura editar

L'abreviatura Náves empléase pa indicar a Andrés Naves como autoridá na descripción y clasificación científica de los vexetales.

Referencies editar

  1. 1,0 1,1 Afirmao en: Diccionario biográfico español. Identificador DBE: 33253/andres-naves-alvarez. Apaez como: Andrés Naves Álvarez. Data de consulta: 9 ochobre 2017. Editorial: Real Academia de la Historia. Llingua de la obra o nome: castellanu. Data d'espublización: 2011.

Enllaces esternos editar