Antrostomus arizonae
Antrostomus arizonae, ye una especie d'ave caprimulgiforme de la familia Caprimulgidae atopada nel suroeste d'Estaos Xuníos y Méxicu.
Antrostomus arizonae  | ||
|---|---|---|
 | ||
| Estáu de caltenimientu | ||
 Esmolición menor (IUCN 3.1)[1] | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Aves | |
| Orde: | Caprimulgiformes | |
| Familia: | Caprimulgidae | |
| Xéneru: | Antrostomus | |
| Especie: |
A. arizonae Brewster, 1881 | |
| Distribución | ||
 | ||
| Sinonimia | ||
Caprimulgus arizonae | ||
| Consultes | ||
| [editar datos en Wikidata] | ||
Esta ave primeramente arrexuntóse col Antrostomus vociferus; sicasí, dambos tipos tienen distintos rangos y vocalizaciones, los güevos tienen distinta coloración y la secuenciación d'ADN amuesa abonda diferenciación pa dixebralos en distintes especies.[2]
Descripción editar
Los adultos tienen el plumaxe motudu: les partes cimeres son de color gris, negru y marrón y les partes inferiores de color gris y negru. Tienen el picu curtiu y el gargüelu negru. Los machos tienen una mancha blanca debaxo de les puntes del gargüelu y les plumes esternes de la cola blanques; na fema, estes partes son de color marrón claru.
Ecoloxía editar
Habita nos montes del suroeste d'Estaos Xuníos y Méxicu. Aliméntase na nueche, captura inseutos en vuelu, y de normal duermen mientres el día. Añeren nel suelu, en llugares avisiegos ente les fueyes muertes y polo xeneral ponen dos güevos.
Subespecies editar
Reconócense cinco subespecies:[3]
- Antrostomus arizonae arizonae Brewster, 1881– suroeste d'Estaos Xuníos al centru de Méxicu.
- Antrostomus arizonae setosus (van Rossem, 1934)– este de Méxicu.
- Antrostomus arizonae oaxacae Nelson, 1900– suroeste de Méxicu.
- Antrostomus arizonae chiapensis Nelson, 1900– sureste de Méxicu y les tierres altes de Guatemala.
- Antrostomus arizonae vermiculatus Dickey & van Rossem, 1928– tierres altes d'Hondures y El Salvador.
Referencies editar
- ↑ BirdLife International (2012). «Antrostomus arizonae» (inglés). Llista Roxa d'especies amenazaes de la UICN 2014.1. Consultáu'l 20 de febreru de 2015.
- ↑ Chesser, R. T., R. C. Banks, F. K. Barker, C. Cicero, J. L. Dunn, A. W. Kratter, I. J. Lovette, P. C. Rasmussen, J. V. Remsen, Jr, J. D. Rising, D. F. Stotz, and K. Winker. 2010. Fifty-first supplement to the American Ornithologists’ Union Check-list of North American Birds. Auk 127(3):726-744. doi 10.1642/AUK-14-124.1.
- ↑ «Frogmouths, Oilbird, potoos & nightjars». IOC World Bird List v 5.1. Consultáu'l 20 de febreru de 2015.
Enllaces esternos editar
| Wikispecies tien un artículu sobre Antrostomus arizonae. |
Datos: Q1260505
Multimedia: Antrostomus arizonae
Especies: Antrostomus arizonae
