Archaea
Les archaea (o arquées) son microorganismos unicelulares. Al igual que les bacteries, les archaea carecen de nucleu y son por tanto procariontes. D'otra miente, les diferencies a nivel molecular ente arquées y bacteries son tan fundamentales que se-yos clasifica en grupos estremaos. De fechu, estes diferencies son mayores de les qu'hai, por exemplu, ente una planta y un animal. Anguaño considérase que les archaea tan filoxenéticamente más próximes a los eucariontes qu'a les bacteries.
Arquea  | ||
|---|---|---|
 | ||
| Clasificación científica | ||
| Dominiu: | Archaea | |
| Filos | ||
| Consultes | ||
| [editar datos en Wikidata] | ||
Les archaea foren escubiertes orixinariamente n'ambientes llímite, pero dende entós se-yos tien atopao en too tipu d'hábitats y podríen contribuyir fasta'l 20% de la biomasa.[2] Son particularmente comunes nos océanos y puen ser un de los más abundantes grupos d'organismos nel planeta.[3] Dalgunes especies son hipertermófiles y puen sobrevivir y prosperar a temperatures selemente superiores a los 100 °C y se-yos atopa en xéiseres, fontes hidrotermales y pozos de petroleu.[4] Otres estremófiles s'atopen n'agua hiper-salina, ácida o alcalina. Ensin embargu, otres son mesófiles o psicrófiles y prosperen n'ambientes tales como marismes, agües residuales, agua de mar y nel suelu. A les metanóxenes se-yos pue atopar nel tractu dixestivu d'animales tales como rumiantes, termites y seres humanos. Nun se conocen patóxenos pa los seres humanos,[5][6] anque se tien propuesto dalguna rellación ente los metanóxenos y los trastornos periodontales humanos.[7]
Archaea constitúi un de los dominios nos que se dividen los seres vivos. Tiempu atrás clasificábense como pertenecientes al reinu Monera na taxonomía tradicional de los cinco reinos. En 1990 propúnxose consideralos un dominiu separtáu, según el sistema de tres dominios de Carl Woese.[8][9]
Referencies
editar- ↑ Guy, L., Spang, A., Saw, J. H. y Ettema, T. J. (2014). «Geoarchaeote NAG1’is a deeply rooting lineage of the archaeal order Thermoproteales rather than a new phylum». The ISME journal, 8(7): 1353-1357.
- ↑ «Environmental diversity of bacteria and archaea». Syst. Biol. 50 (4): páxs. 470-8. 2001. PMID 12116647.
- ↑ «Archaeal dominance in the mesopelagic zone of the Pacific Ocean». Nature 409 (6819): páxs. 507-10. 2001. PMID 11206545.
- ↑ «Adaptations to energy stress dictate the ecology and evolution of the Archaea». Nat. Rev. Microbiol. 5 (4): páxs. 316–23. 2007. PMID 17334387.
- ↑ «Archaea and their potential role in human disease». Infect Immun 71 (2): páxs. 591-6. 2003. PMID 12540534.
- ↑ «Pathogenic archaea: do they exist?». Bioessays 25 (11): páxs. 1119-28. 2003. PMID 14579252.
- ↑ «Methanogenic Archaea and human periodontal disease». Proc Natl Acad Sci U S A 101 (16): páxs. 6176-81. 2004. PMID 15067114.
- ↑ «Phylogenetic structure of the prokaryotic domain: the primary kingdoms». Proc Natl Acad Sci U S A 74 (11): páxs. 5088 – 90. 1977. PMID 270744.
- ↑ «Towards a natural system of organisms: Proposal for the domains Archaea, Bacteria, and Eucarya». Proceedings of the National Academy of Sciences 87 (12): páxs. 4576 – 4579. 1990.
Enllaces esternos
editar| Wikispecies tien un artículu sobre Archaea. |
