Arden Cho
Arden Cho (16 d'agostu de 1985, Amarillo) ye una actriz, cantautora y modelu coreano-americana. Ye conocida por interpretar a Kira Yukimura en Teen Wolf.
Arden Cho | |
|---|---|
 | |
| Vida | |
| Nacimientu | Amarillo, 16 d'agostu de 1985[1] (38 años) |
| Nacionalidá |
 Estaos Xuníos |
| Llingua materna | inglés |
| Estudios | |
| Estudios |
Universidá d'Illinois n'Urbana-Champaign Apple Valley High School |
| Llingües falaes | inglés |
| Oficiu | |
| Oficiu | cantautora, actriz, modelu, actriz de televisión, lluchadora de taekwondo, actriz de cine, actriz de voz |
|
| |
| IMDb | nm3036914 |
 | |
Biografía editar
Cho nació en 'Amarillo', Texas. Pasó la mayor parte de la so infancia en Dallas y los sos últimos años d'adolescencia en Minnesota. En 2003 graduóse de l'Apple Valley Senior High School n'Apple Valley, Minnesota, pocu dempués ingresó a la Universidá d'Illinois n'Urbana-Champaign onde se graduó en 2007 con un títulu de llicenciatura en psicoloxía, amás d'estudiar teatru.
En 2004, Cho participó y ganó'l concursu Miss Corea Chicago, dándo-y la oportunidá de tomar parte nel concursu de Miss Corea en Seúl, Corea del Sur. Esta postrera resultó ser una esperiencia decepcionante, una y bones ella encamentóse a baxar de pesu y faer otros axustes nel so aspeutu. Dempués de graduase en 2007 pasó'l branu d'esi añu en Kenia nun viaxe humanitariu de dos meses. Al so regresu, decidió camudase a Los Angeles, onde trabayó mientres trataba de siguir una carrera na actuación.
Carrera editar
Cho apaeció en películes, series de televisión y comerciales nos Estaos Xuníos y Asia. En 2010, foi contratada pa ser la imaxe de la marca de cosméticos Clinique. Tamién modeló pa Reebok y Nike, según pa Apple y Alexander McQueen y apaeció en revistes como Vogue, Purple Fashion y Nylon Magacín.
En 2011 interpretó'l papel de Pru, na serie d'ABC Family Pretty Little Liars. Tamién apaeció nel papel de Gia na película Mega Python vs. Gatoroid, dirixida por Mary Lambert. Otros creitos inclúin participaciones como estrella convidada en series tales como CSI: NY, Rizzoli & Islles y Hawaii Five-0, según el curtiumetraxe My First Crush y na serie web Ktown Cowboys.Tamién protagonizó Agents of Secret Stuff. En 2014, ella tamién apaeció como Kiara en Castle y dende esi mesmu añu interpreta a Kira Yukimura en Teen Wolf.
Filmografía editar
| Cine | |||
|---|---|---|---|
| Añu | Película | Rol | Notes |
| 2008 | My First Crush | Hyori | Curtiumetraxe |
| Hoodrats 2: Hoodrat Warriors | Miriam | ||
| 2009 | Layover, on the Shore |
Curtiumetraxe | |
| 2010 | I Am Not a Princess | Anastasia | Curtiumetraxe |
| Agents of Secret Stuff | Taylor | Curtiumetraxe | |
| The Grey Coat | Jae Hee | Curtiumetraxe | |
| Ninja Say What?! | Curtiumetraxe | ||
| 2012 | Walking the Halls | Kylie | |
| The Baytown Outlaws | Angel | ||
| Mandevilla | Curtiumetraxe | ||
| 2013 | Olympus Has Fallen |
Ensin acreitar | |
| Saved by the Bell: The Movie | Jessie Spano | Curtiumetraxe | |
| The Dressmaker's Daughter | Barbara Kim | Curtiumetraxe | |
| 2015 | Stuck |
Pre-producción | |
| Televisión | |||
| Añu | Títulu | Rol | Notes |
| 2009 | CSI: NY | Gahee Paik | 1 episodiu |
| 2010 | Ktown Cowboys | Sarah | 4 episodios |
| 2011 | Mega Python vs. Gatoroid | Gia | Película pa televisión |
| Pretty Little Liars | Pru | 1 episodiu | |
| Rizzoli & Islles | Lee | 1 episodiu | |
| 2012 | Video Game High School | Presentadora de televisión | 1 episodiu |
| 2014-presente | Castle | Kiara | 1 episodiu |
| Teen Wolf | Kira Yukimura | Repartu recurrente (temporada 3) Repartu principal (temporada 4-) | |
| 2015 | Hawaii Five-0 | Mia Price | 1 episodiu |
Referencies editar
- ↑ Afirmao en: Internet Movie Database. Data de consulta: 23 xunu 2019. Llingua de la obra o nome: inglés.
Enllaces esternos editar
- Arden Cho na Internet Movie Database (n'inglés)
