Arenaria interpres
L'entornamarexes[2] (Arenaria interpres) ye una especie d'ave caradriforme de la familia Scolopacidae.
Arenaria interpres entornamarexes  | ||
|---|---|---|
.jpg) | ||
| Estáu de caltenimientu | ||
 Esmolición menor (IUCN 3.1)[1] | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Aves | |
| Orde: | Charadriiformes | |
| Familia: | Scolopacidae | |
| Xéneru: | Arenaria | |
| Especie: |
A. interpres (Linnaeus, 1758) | |
| Distribución | ||
 | ||
| Subespecies | ||
| Consultes | ||
| [editar datos en Wikidata] | ||
Descripción editar
Mide de 21 a 25 centímetros de llargu, pesa unos 110 gramos, y tien un valumbu de 43 a 49 cm.[3] Tien el cuerpu compactu, coles sos pates, pescuezu y picu curtios.[4] Les sos pates tienen una color naranxa intensa.[4]
La so color camuda coles estaciones. Mientres nel iviernu la so cabeza ye café claro. La so zona dorsal ye marrón escuru, gris y negru, y la ventral ye blanca, col gargüellu y pechu negros.[5] Na so dómina reproductiva los machos tienen la cabeza y piscuezu cubiertos con un llamativu diseñu blancu y negru, cola zona dorsal colorada.[4]
Distribución editar
Tien una área de distribución que, según la estimación, va d'unu a diez millones de quilómetros cuadraos, cubriendo parte d'África, América, Asia, Europa y Oceanía.[6]
Comportamientu editar
La especie ye dafechu migratoria. De vezos solitarios, acomuña en grupos pequeños,[4] que pueden incluyir individuos d'otres especies, como'l mazaricu (Charadrius bicinctus),[3] anque son gregarios al migrar y alimentase, xuntándose'n grupos d'hasta 100 individuos.[7]
Añera ente mayu ya agostu, al norte de la so distribución, n'Alaska, Canadá, Groenlandia, Islandia, el norte de l'Europa continental y Asia.[3] Constrúin niales solitarios cerca de la mariña, anque cuando les condiciones ambientales son-y aparentes, pueden añerar en grupos.[7] Escuenden el so nial ente la vexetación, ocupándolo per dellos años. La fema pon 4 güevos de color verdosu con manches parduces,[8] que son guaraos por dambos proxenitores.[5] Los güevos eclosionen depués de 22 a 24 díes.[3]
Mientres nel iviernu migra escontra'l sur, llegando hasta Oceanía, les islles britániques, inclusive hasta'l sur d'África y la Tierra del Fueu.[3]
Hábitat y alimentación editar
Vive en cantiles y roqueríos costeros. Da vuelta a les piedres, tables, y otres torgues qu'atopa, mientres gueta los invertebraos de los que s'alimenta, aición que-y valió'l so nome común. Tamién s'alimenta de carroña y pexe en descomposición.[5]
Taxonomía editar
Reconócense les siguientes subespecies:
Galería editar
-
-
-
-
-
-
-
-
-
Güevu de Arenaria interpres
Referencies editar
- ↑ BirdLife International (2009). «'Arenaria interpres'» (inglés). Llista Roxa d'especies amenazaes de la UICN 2011.2. Consultáu'l 7 de xineru de 2011.
- ↑ URL de la referencia: http://www.sabencia.net/nomenclator.php.
- ↑ 3,0 3,1 3,2 3,3 3,4 Mariano Jiménez II y Mariano G. Jiménez. Entornamarexes Común (Arenaria interpres). Damisela.com, consultáu n'abril de 2009.
- ↑ 4,0 4,1 4,2 4,3 Álvaro Herrera Arenaria interpres (Linnaeus, 1758) (Entornamarexes acoloratáu). National Biodiversity Institute, consultáu n'abril de 2009.
- ↑ 5,0 5,1 5,2 Jesús Oliverios Pérez. Arenaria interpres (Linnaeus, 1758). Asturnatura.com, consultáu n'abril de 2009.
- ↑ BirdLife International 2008. Arenaria interpres. 2008 IUCN Red List of Threatened Species. Consultáu n'abril de 2009.
- ↑ 7,0 7,1 BirdLife International (2008) Species factsheet: Arenaria interpres. Consultáu n'abril de 2009.(n'inglés)
- ↑ Dierschke, V. (2008). Aves d'Europa (en castellanu). Barcelona, España: Ediciones Omega, páx. 256. ISBN 978-84-282-1476-6.
Enllaces esternos editar
Wikimedia Commons acueye conteníu multimedia sobre Arenaria interpres 
.
| Wikispecies tien un artículu sobre Arenaria interpres. |
Datos: Q26892- Multimedia: Arenaria interpres
Especies: Arenaria interpres
