Atolón d'Arno

Arno (en marxalés Arņo [ɑ̯ɑɳˠːʌ͡ɔɔ̯]) ye un atolón coralín de 133 islles y castros nel Océanu Pacíficu. Pertenez al distritru llexislativu de la cadena Ratak nes Islles Márxal. Tien un área terrestre emerxío de 13 km² y, a estremancia d'otros atolones, enzarra tres llagunes nel interior: una central más grande y dos más pequeñes al norte y oriente. La llaguna principal tien un área de 338,7 km².

Atolón d'Arno
Situación
Protectoráu	Nueva Guinea Alemana
País	Islles Márxal
Tipu	atolón
Parte de	Cadena Ratak
Asitiáu en	Océanu Pacíficu
Coordenaes	7°05′N 171°42′E
Atolón d'Arno Atolón d'Arno (Islles Márxal)
Datos
Altitú media	3 m
Superficie	13 km²
Población	2069 (1999)
Fusu horariu	UTC+12:00

En díes escamplaos con marea baxa, l'atolón de Mayuru acolúmbrase dende Arno por tar a namás 22 km de distancia. Les islles principales son Ajeltokrok, Kobjeltak, Rearlaplap, Langor, Tutu ya Ine, onde s’alluga la villa más grande: Arno. La población total del atolón superaba los 2000 habitantes en 1999.

L’atolón d'Arno ye mui conocíu pola copra. Amás, les muyeres tienen gran sonadía pola producción d'un bolsu conocíu como Kili Bag. Kili ye’l nome d'una islla del país marxalés.

Historia

L’atolón foi reclamáu pol Imperiu d'Alemaña xunto col restu de les Islles Marshall en 1884. Depués de la Primer Guerra Mundial, la islla quedó baxo’l Mandatu del Pacíficu Sur del Imperiu del Xapón. Al final de la Segunda Guerra Mundial, Lae quedó baxo control d'Estaos Xuníos como Territoriu en fideicomisu de les islles del Pacíficu hasta algamar les Islles Marshall en 1986 la so independencia.

Educación

Hai delles Escueles d'Educación Primaria. Los estudios de Secundaria son dependientes de Mayuru.

Enllaces esternos

• Wikimedia Commons acueye conteníu multimedia sobre Atolón d'Arno.

• Datos: Q694057
• Multimedia: Arno Atoll