Arturu Xosé Bermeyu

Arturu Xosé Bermeyu
Vida
Nacimientu	Uviéu,
Nacionalidá	España
Estudios
Llingües falaes	castellanu; asturianu
Oficiu	políticu

Arturu Xosé Bermeyu García (¿?Uviéu), nacíu n'Uviéu (Asturies) ye'l Secretariu Xeneral del partíu políticu asturianu d'izquierdes Andecha Astur dende la so fundación en 1990. Anque pel funcionamientu internu d'esta formación política, qu'ellos denominen horizontal, esti cargu nun tien relevancia política y sí de representatividá. Asina Arturu Xose Bermeyu foi'l firmante del denomáu Pautu de Donosti'l 11 de mayu de 2004 de conformación de la Coalición Europa de los Pueblos con delles formaciones nacionalistes como ERC, EA o CHA pa concurrir a les eleiciones Europees onde la coalición algamó un diputáu nel Parllamentu européu.^{[ensin referencies]}

Arturu X. Bermeyu ye un históricu militante del Nacionalismu asturianu d'izquierdes. Yá foi miembru del partíu políticu Ensame Nacionalista Astur(ENA) siendo estudiante, formación na que foi nes llistes a la Xunta Xeneral nes eleiciones de 1983. Tres la xuntura d'ENA cola Xunta Nacionalista Asturiana(XNA) pa formar la Unidá Nacionalista Asturiana (UNA) Arturu Xosé Bermeyu decide nun entrar nesti proyeutu. La UNA coaligarase col PAS y desaparecería al poco.^{[ensin referencies]}

Bermeyu xuniráse a los 8 espulsaos del sector críticu de la UNA contrarios dafechu a la xunión col Partíu Asturianista y que formarán Andecha Astur, organización política de la que ye'l so Secretariu Xeneral hasta anguaño (2007) y na que formará parte de la Xunta Executiva en delles ocasiones. Arturu Xosé Bermeyu será nes eleiciones xenerales de 1993 candidatu al Senáu por Andecha Astur.^{[ensin referencies]}

Bermeyu formará parte tamién d'otros coleutivos na década de los 80 del sieglu XX tando presente nel Conceyu fundacional de la Xunta Pola Defensa de la Llingua Asturiana y siendo parte de l'agrupación d'Uviéu.^{[ensin referencies]}

Referencies

Enllaces esternos

Arturu Xosé Bermeyu en Twitter