Europa de los Pueblos
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Europa de los Pueblos (EdP) ye una colligación eleutoral qu'aconceya partíos políticos d'izquierdes de toa España, fecha pa les eleiciones europees de 2004. Nella taben presentes los partíos políticos: Andecha Astur , Eusko Alkartasuna, Chunta Aragonesista , Esquerra Republicana de Catalunya, Partido Socialista de Andalucia, Conceju Nacionaliegu Cantabru, Asamblea de Izquierdas y Inicitaiva Ciudadana.
| Europa de los Pueblos | |
|---|---|
| Fundación | 2004 |
| Precedíu por |
Coalición Nacionalista - Europa de los Pueblos (es)  |
| Estáu |
 España |
| Ideoloxía política | Rexonalismu y nacionalismu n'España |
| Páxina web | europadelospueblos.net |
 | |
Esta coalición algamó representación nel Parllamentu Européu, onde Bernat Joan salió elixíu eurodiputáu. Alternativa Popular Canaria nun formó parte de la coalición pero pidió el votu pa la mesma. Los firmantes de la Coalición ficieron de só'l manifiestu de l'Alianza Llibre Europea (ALE), pa les eleiciones europees del 13 de xunu y nel que se defende una Europa de la diversidá, sofitada na soberanía, na xusticia social y na subsidiariedá.
L'Eurodiputáu de EdP inxértase nel grupu de l'Alianza Llibre Europea. ALE conforma xunta Los Verdes Europeos el grupu parllamentariu. Los Verdes- Alianza Llibre Europea (N'Inglés The Greens- European Free Aliance). L'ALE tien anguaño cinco miembros nel Parllamentu Européu:
- Jillian Evans, Plaid Cymru, Gales
- Ian Hudghton, Partido Nacionalista Escocés, Escocia
- Mikel Irujo, Europa de los Pueblos, (Eusko Alkartasuna, Euskal Herria)
- Alyn Smith, Partido Nacionalista Escocés, Escocia
- Tatjana Ždanoka, Polos Derechos Humanos nuna Letonia Xunía (Par Cilveka Tiesibam Vienota Latvija), Letonia
Resultaos nes eleiciones europees de 2004
editar| Partiu (Estáu) | nᵘ votos | diputaos |
|---|---|---|
| PSOE | 6.741.112(43,46%) | 25 |
| PP | 6.393.192 (41,21%) | 24 |
| Galeusca | 798.816 (5,15%) | 2 |
| IU-ICV | 643.136 (4,15%) | 2 |
| EUROPA DE LOS PUEBLOS | 380.709 (2,45%) | 1 |
Referencies
editarEnllaces esternos
editar- Páxina oficial de la coalición n'asturianu, aragonés, catalán, castellán, euskera,... Archiváu 2004-06-03 en Wayback Machine
Datos: Q3330034
