Asociación Llatinoamericana d'Integración
La Asociación Llatinoamericana d'Integración (nome oficial: Asociación Latinoamericana de Integración / Associação Latino-Americana de Integração, LAIA / ALADI) ye una organización internacional d'ámbitu rexonal. Creose'l 12 d'agostu de 1980, al traviés del tratáu de Montevidéu 1980, pa sustituyir a l'Asociación Llatinoamericana de Llibre Comerciu. En mayu de 2024 tien 13 países miembros, que representen en conxuntu 20 millones de km2 d'estensión y más de 510 millones d'habitantes[1]: Arxentina, Bolivia, Brasil, Chile, Colombia, Cuba, Ecuador, Méxicu, Panamá, Paraguái, Perú, Uruguái ya Venezuela. Tolos países d'América Llatina pueden solicitar el so accesu. Nicaragua fízolo en 2012, y sigue (en 2024) avanzando nel cumplimientu de les condiciones establecíes pa ser estáu miembru[1].
| Asociación Llatinoamericana d'Integración | |
|---|---|
| organización internacional | |
 | |
 | |
 | |
| Llocalización | |
| Sede | Montevidéu |
| Historia | |
| Fundación | 12 agostu 1980 |
| Web oficial | |
 | |
Oxetivos y mecanismos d'integración
editarEl desarrollu del procesu d'integración desarrolláu dientru del marcu de l'ALADI tien como oxetivu promover el desarrollu socioeconómicu harmónicu ya equilibráu de la rexón, y el so oxetivu a llargu plazu ye l'establecimientu progresivu y gradual d'un mercáu únicu llatinoamericanu. Los principios xenerales que dirixen la so actuación ye: aceptación del pluralismu en cuestiones polítiques ya económiques; converxencia progresiva d'aiciones parciales pa establecer un mercáu común llatinoamericanu; flexibilidá; tratamientu diferencial a los países en función del so nivel de desarrollu; y convivencia de múltiples tipos d'alcuerdos comerciales.
Esto realízase mediante la creación d'un área de preferencies económiques na rexón mediante trés mecanismos d'integración:
– Una preferencia arancelaria rexonal que s'aplica a productos orixinarios de los países miembros frente a los aranceles vixentes pa terceros países.
– Alcuerdos d'alcance rexonal, comunes a tolos países miembros.
– Alcuerdos d'alcance parcial, con la participación de dos o más países del área.
Hai un sistema preferencial que beneficia a los países relativamente menos desarrollaos económicamente: Bolivia, Ecuador y Paraguái.
Estructura institucional
editar- Conseyu de Ministros d'Asuntos Esteriores
El Conseyu de Ministros ye'l órganu cimeru de l'ALADI, l'encargáu d'adoptar les decisiones polítiques que cinquen al procesu d'integración. Fórmenlu los ministros d'Asuntos Esteriores de los países miembros. Sicasí, cuando uno d'esos países miembros asigna les competencies d'integración a un ministeriu o secretariáu d'estáu diferente, esta institución puede ser la representante del país nesti órganu. Ye convocáu pol Comité de Representantes, y toma decisiones en presencia de tolos países miembros.
- Conferencia d'Evaluación y Converxencia
Ta integrada polos plenipotenciarios de los países miembros y encárgase, ente más coses, de: analizar el funcionamientu del procesu d'integración en tolos aspectos; promover la converxencia de los alcuerdos d'alcance parcial pa llograr la so progresiva multillateralización; y promover acciones de mayor alcance no que cinca a la integración económica.
- Comité de Representantes
Ye l'órganu políticu permanenteIt is the permanent political body y foru negociador de l'ALADI, onde s'analicen y, si se considera conveniente, apruébense, toes les iniciatives empobinaes al cumplimientu de los oxetivos del tratáu de Montevidéu. Inclúi a un representante permanente de cada país, con derechu a un votu, y un representante alternu. Reúnese davezu cada 15 díes, y les sos resoluciones, pa ser aprobaes, necesiten del votu afirmativu de dos tercios de los países miembros.
- Secretaríáu Xeneral
Ye l'órganu técnicu de l'ALADI, y tien competencies de proposición, evaluación, estudiu y xestión d'actividaes empobinaes a la consecución de los oxetivos de l'Asociación. Fórmala personal técnicu y alministrativu, y ta dirixíu por un Secretariu Xeneral col sofiu de dos Secretarios Xenerales Axuntos. Toos ellos son escoyíos pa un periodu de trés años, que puede renovase una vegada.
Referencies
editarEnllaces esternos
editar- Páxina web oficial (en castellanu, portugués)
Datos: Q607301
Multimedia: Latin American Integration Association
