Bolivia

Bolivia; República de Bolivia
	estáu soberanu
bandera de Bolivia	escudu de Bolivia
Lema nacional	¡Morir enantes que esclavos vivir!
Himnu nacional	Himnu nacional de Bolivia;
Alministración
Nome oficial	Estado Plurinacional de Bolivia (es); État plurinational de Bolivie (fr); Plurinational State of Bolivia (en); Bolívijský mnohonárodný štát (sk)
Capital	Sucre ; La Paz (dende 1899)
Forma de gobiernu	República parllamentaria
Presidente de Bolivia	Luis Alberto Arce Catacora (dende 8 payares 2020)
Presidente de Bolivia	Luis Alberto Arce Catacora
Llingües oficiales	castellanu ; Llingua aymara ; Quechua ; idioma guaraní
División	ver Departamento del Beni (es) , Departamento de Chuquisaca (es) , Departamento de Cochabamba (es) , Departamento de La Paz (es) , Departamento de Oruro (es) , Departamento de Santa Cruz (es) , Departamento de Potosí (es) , Departamentu de Tarija y Pando;
Rellaciones diplomátiques	ver Brasil ; Alemaña ; Australia ; Cuba ; Sudáfrica ; Chile ; Dinamarca ; Perú ; Arxentina ; Uruguái ; Taiwán ; Méxicu ; Estaos Xuníos ; Rusia ; Irán ; República Popular China ; Xeorxa (20 payares 1998); Israel ; Hungría ; ;
Miembru de	ver Organización de les Naciones Xuníes (14 payares 1945); Unasur ; Organización Mundial del Comerciu (12 setiembre 1995); Comunidá Andina ; Organización de los Estaos Americanos (1948); Grupu de Rio ; Mercosur ; Bancu Internacional de Reconstrucción y Fomentu (27 avientu 1945); Asociación Internacional de Fomentu (21 xunu 1961); Corporación Financiera Internacional (20 xunetu 1956); Organismu Multillateral de Garantía d'Inversiones (3 ochobre 1991); Organismu pa la Prohibición de les Armes Nucleares n'América Llatina y el Caribe ; Interpol (21 agostu 1963); Organización pa la Prohibición d'Armes Químiques (13 setiembre 1998); UNESCO (13 payares 1946); Xunión Postal Universal (1 abril 1886); Xunión Internacional de Telecomunicaciones (1 xunu 1907); Organización Meteorolóxica Mundial ; Organización Mundial de la Salú ; Organización Mundial d'Aduanes (14 agostu 1997); ;
Xeografía
Coordenaes	17°03′25″S 64°59′28″W / 17.05686961°S 64.99122861°O
Superficie	1098581 km²
% agua	1,4%
Llenda con	Arxentina, Brasil, Chile, Paraguái y Perú
Puntu más altu	Nevado Sajama
Puntu más baxu	Ríu Paraguái
Demografía
Población	11 051 600 hab. (2017)
Densidá	10,06 hab/km²
Xentiliciu	bolivianu (masculín singular); boliviana (femenín singular)
Esperanza de vida	69,125 años
IDH	0,692 (2021)
Tasa de fertilidá	2,968 (2014)
Economía
Moneda	bolivianu
PIB nominal	40 408 208 524 $ (2021)
Bancu central	Bancu Central de Bolivia
Más información
Dominiu d'Internet	.bo
Códigu telefónicu	+591
Códigu ISO	068 / BOL / BO
Estaya horaria	UTC−04:00, America/La_Paz (es) y America/Cochabamba (es)

Bolivia^[9], oficialmente República de Bolivia (Pronunciación) (?·i), ye un país nel centru de Sudamérica. Llenda al norte y oeste con Brasil, con Paraguái y Arxentina al sur, y con Chile y el Perú al este.

Historia

Política y gobiernu^[10]

Organización política

L'actual Constitución boliviana foi aprobada en referendu el 25 de xineru de 2009, y promulgada'l 7 de febreru d'esi añu. Ye la decimosesta que tien el país na so historia, y sustitúi a la que tenía dende 1967. Nella defínese'l país como un estáu xunitariu social de derechu, plurinacional, comunitariu, llibre, independiente, soberanu, democráticu, intercultural y descentralizáu, con dellos niveles d'autonomíes. La so forma de gobiernu ye la democracia participativa, representativa y comunitaria, con igualdá total d'homes y muyeres. El poder estatal organízase al traviés de los muérganos llexislativu, executivu, xudicial y eleutoral.

El poder executivu exércelu'l presidente del estáu. Esti ye elixíu, xunto col so vicepresidente, por sufraxu universal, obligatoriu, direutu, llibre y secretu. El presidente, que necesita la mayoría absoluta de los votos pa selo y puede, poro, ser elixíu en primer o segunda vuelta, puede ser reelixíu namái pa un segundu mandatu. El presidente ye xefe del estáu, xefe del gobiernu y capitán xeneral de les fuercies armaes. El vicepresidente, pela so banda, preside l'asamblea llexislativa.

El poder llexislativu exércelu l'Asamblea Llexislativa Plurinacional, compuesta por dos cámares: el Senáu, con 36 miembros, y la Cámara de Diputaos, con 130 miembros. Los senadores representen a los nueve departamentos del país; caún escueye a cuatro. No que cinca a los diputaos, la metá d'ellos elíxense nos departamentos en circunscripciones uninominales. El restu escuéyense en circunscripciones plurinominales de les llistes encabezaes polos candidatos a presidente, vicepresidente y senadores. La Constitución manda que na eleición de los miembros de l'Asamblea ha haber igual participación d'homes y muyeres, y tamién una representación proporcional de les naciones indíxenes.

Al respective del poder xudicial, el so muérganu cimeru ye'l Tribunal Supremu. Los sos miembros escuéyense por sufraxu universal d'ente los candidatos qu'apruebe, con mayoría de dos tercios, l'asamblea llexislativa. La Constitución tamién reconoz la xurisdicción indíxena orixinaria campesina, que tien el mesmu nivel xerárquicu que la xusticia ordinaria.

La Constitución de 2009 recueye, por primer vez na historia'l país, un modelu autonómicu departamental, y tamién la descentralización rexonal, municipal y indíxena. Dexa afitao que los recursos naturales del país son propiedá del pueblu bolivianu, magar que ha ser l'estáu el que los alministre. El referendu qu'aprobó la constitución aprobó tamién que l'estáu ha poder espropiar los llatifundios improductivos de más de 5.000 ha.

Gobiernu

El presidente del país ye, dende'l 22 de xineru de 2006, Juan Evo Morales Ayma, qu'entamó'l so segundu y últimu mandatu'l 22 de xineru de 2010. El so vicepresidente ye Álvaro García Linera. El presidente de la Cámara de Diputaos ye Héctor Arce, y el del Senáu René Martínez.

N'abril de 2012 hai nel país un total de 20 ministerios, que son los que vienen darréu:

Presidencia: Juan Ramón Quintana.
Defensa: Rubén Saavedra Soto.
Gobiernu (Interior): Carlos Gustavo Romero.
Rellaciones Esteriores y Culto: David Choquehuanca.
Economía y Cuentes Públiques: Luis Arce.
Desarrollu Productivu y Economía Plural: Ana Teresa Morales Olivera.
Trabayu, Emplegu y Previsión Social: Daniel Santalla.
Hidrocarburos y Enerxía: Juán José Sosa.
Planificación del Desarrollu: Viviana Caro Hinojosa.
Educación: Roberto Aguilar Gómez.
Obres Públiques, Servicios y Vivienda: Arturo Sánchez.
Salú y Deportes: Juan Carlos Calvimontes.
Minería y Metalurxa: Mario Virreyra.
Xusticia: Cecilia Ayllón.
Desarrollo Rural y Tierres: Nemesia Achacollo.
Mediu Ambiente y Agua: Felipe Quispe Quenta.
Autonomía: Claudia Peña.
Cultures: Pablo Groux.
Transparencia y Llucha escontra la Corrupción: Nardy Suxo.
Comunicación: Amanda Dávila.

Partíos políticos y sindicatos

Los principales partíos políticos del país son:

Movimientu al Socialismu (MAS). El so presidente ye Juan Evo Morales Ayma.
Plan Progresu Bolivia-Converxencia Nacional (PPB-CN). El so principal cabezaleru ye Manfred Reyes Villa.
Movimientu Ensin Mieu (MSM). El so principal cabezaleru ye Juan Del Granado Cossío.
Unidá Nacional (UN). El so principal cabezaleru ye Samuel Doria Medina Auza.
Alianza Social (AS). El so principal cabezaleru ye René Joaquino Cabrera.

No que cinca a los sindicatos, el mayor d'ellos ye la Central Obrera Boliviana (COB), que tien de secretariu executivu a Pedro Montes González. La organización agrupa bien d'organizaciones sectoriales: la Federación Sindical de Trabayadores Mineros de Bolivia; la Confederación Sindical Única de Trabayadores Campesinos de Bolivia; la Confederación Sindical de Comunidaes Interculturales de Bolivia; la Confederación Xeneral de Trabayadores Fabriles; les confederaciones de Maestros Urbanos y Maestros Rurales; y la Confederación Sindical de los Trabayadores de la Salú. Hai otra central sindical sectorial, la Confederación Sindical de Xóferes de Bolivia, dirixida por Franklin Durán, que nun ta integrada na COB.

Xeografía

Uyuni

Bolivia nun tien costa nel océanu, pero túvola enantes de la Guerra del Pacíficu.

Los Andes atraviesen el so sector occidental con altos que lleguen hasta los 6.542 m nel Nevado Sajama. Nel so sector más oriental forma valles de clima caldio llamaos yungues hasta aportar a la llanura amazónica, el relieve más estendíu del país.

En Bolivia alcuéntrense dos vertientes hidrográfiques: la del ríu Amazones y la del llagu Titicaca. Ésti tienlu compartíu col Perú y na so cuenca asítiase tamién el salar d'Uyuni, el mayor llanu salín de la Tierra.

Economía

Demografía^[11]

La población estimada del país nel añu 2010^[12] yera de 10.426.154 habitantes. Tocántenes a la so composición étnica, el 45% yeren amerindios (25% quechuas y 17% aymarás), el 31% mestizos, el 15% blancos, mayormente d'orixe español, y el 9% de la población quedaba agrupada nel apartáu otros.

Les principales ciudaes del país, ordenaes según la proyeición de la so población en 2010^[13] , son:

Santa Cruz de la Sierra: 1.651.436 habitantes.
El Alto: 960.767 habitantes.
La Paz: 840.209 habitantes.
Cochabamba: 618.384 habitantes.
Sucre: 306.754 habitantes.
Oruro: 232.265 habitantes.
Tarija: 211.018 habitantes.
Potosí: 167.439 habitantes.

Cultura

Sitios declaraos Patrimonio Cultural de la Humanidá pola UNESCO

Ciudá de Potosí (Cultural 11/12/1987)
Misiones Jesuíticas de Chiquitos (Cultural 12/12/1990)
Sucre, Ciudá Histórica (Cultural 13/12/1991)
Fuerte de Samaipata (Cultural 5/12/1998)
Ruines de Tiwanaku (Cultural 30/12/1987)
Parque Nacional Noel Kempff Mercado (Natural 13/12/1991)
Carnaval d'Oruro (Oral e Intangible 18/05/2001)

**Fiestes**
Fecha	Nome
1 de xineru	Añu Nuevu
febreru-marzu	Carnaval (2 díes)
marzu-abril	Viernes Santu
1 de mayu	Día del Trabayu
xunu	Corpus Christi
6 d'agostu	Aniversariu Patriu
25 d'avientu	Navidá

Referencies

↑ URL de la referencia: https://www.interpol.int/Member-countries/World. Editorial: Interpol. Data de consulta: 7 avientu 2017.
↑ URL de la referencia: https://www.opcw.org/about-opcw/member-states/. Editorial: Organización pa la Prohibición d'Armes Químiques. Data de consulta: 7 avientu 2017.
↑ URL de la referencia: http://www.unesco.org/eri/cp/ListeMS_Indicators.asp.
↑ URL de la referencia: http://www.upu.int/en/the-upu/member-countries.html. Data de consulta: 4 mayu 2019.
↑ URL de la referencia: https://www.itu.int/online/mm/scripts/gensel8. Data de consulta: 4 mayu 2019.
↑ URL de la referencia: https://public.wmo.int/en/members/bolivia-plurinational-state-of. Data de consulta: 26 mayu 2020.
↑ URL de la referencia: https://www.who.int/choice/demography/by_country/en/. Data de consulta: 21 xunetu 2020.
↑ URL de la referencia: https://www.wcoomd.org/-/media/wco/public/global/pdf/about-us/wco-members/list-of-members-with-membership-date.pdf. Data de consulta: 16 marzu 2024. Páxina: 2. Supports qualifier: data de principiu.
↑ (2010) Cartafueyos Normativos. Nomes de los países del mundu y de les sos capitales y xentilicios. Uviéu: Academia de la Llingua Asturiana. ISBN 978-84-8168-500-8.
↑ Los datos recoyíos nesti apartáu tán sacaos del Anuario Iberoamericano 2012 del Real Institutu Elcano y l'Axencia Efe. Disponible en http://www.anuarioiberoamericano.es/
↑ Los datos recoyíos nesti apartáu tán sacaos del Anuario Iberoamericano 2012 del Real Institutu Elcano y l'Axencia Efe. Disponible en http://www.anuarioiberoamericano.es/
↑ Institutu Nacional d'Estadística y Censos de Bolivia
↑ Institutu Nacional d'Estadística y Censos de Bolivia

Enllaces esternos

Bolivia n'OpenStreetMap.
Páxina web del gobiernu de Bolivia Archiváu 2010-07-23 en Wayback Machine

Países d'América

[46ba7d1117c23e8275a37395fe60659c108f478b-1] URL de la referencia: https://www.interpol.int/Member-countries/World. Editorial: Interpol. Data de consulta: 7 avientu 2017.

[df7cc65ec8bb3586eb4b81929074565218319925-2] URL de la referencia: https://www.opcw.org/about-opcw/member-states/. Editorial: Organización pa la Prohibición d'Armes Químiques. Data de consulta: 7 avientu 2017.

[f5c12680fb5264add4b1989cb365be3c1db8d84f-3] URL de la referencia: http://www.unesco.org/eri/cp/ListeMS_Indicators.asp.

[dee05142a2950774e210ccb1406c69cae3986cbf-4] URL de la referencia: http://www.upu.int/en/the-upu/member-countries.html. Data de consulta: 4 mayu 2019.

[6b35d061861a13b53082ba67daec3063fb3ba141-5] URL de la referencia: https://www.itu.int/online/mm/scripts/gensel8. Data de consulta: 4 mayu 2019.

[a6e73be29cc98700cad8111b44f004ae811b6bc6-6] URL de la referencia: https://public.wmo.int/en/members/bolivia-plurinational-state-of. Data de consulta: 26 mayu 2020.

[5d0bc4103af0b81a88f15973dc528ce7c0c9f876-7] URL de la referencia: https://www.who.int/choice/demography/by_country/en/. Data de consulta: 21 xunetu 2020.

[e8a5de66dc84da08f97702b7740d7b653c5bbad6-8] URL de la referencia: https://www.wcoomd.org/-/media/wco/public/global/pdf/about-us/wco-members/list-of-members-with-membership-date.pdf. Data de consulta: 16 marzu 2024. Páxina: 2. Supports qualifier: data de principiu.

[Cartafueyu_países-9] (2010) Cartafueyos Normativos. Nomes de los países del mundu y de les sos capitales y xentilicios. Uviéu: Academia de la Llingua Asturiana. ISBN 978-84-8168-500-8.

[10] Los datos recoyíos nesti apartáu tán sacaos del Anuario Iberoamericano 2012 del Real Institutu Elcano y l'Axencia Efe. Disponible en http://www.anuarioiberoamericano.es/

[11] Los datos recoyíos nesti apartáu tán sacaos del Anuario Iberoamericano 2012 del Real Institutu Elcano y l'Axencia Efe. Disponible en http://www.anuarioiberoamericano.es/

[12] Institutu Nacional d'Estadística y Censos de Bolivia

[13] Institutu Nacional d'Estadística y Censos de Bolivia

[9]

[1]

[2]

[3]

[4]

[5]

[6]

[7]

[8]

[10]

[11]

[12]

[13]