Astur Club de Fútbol

L'Astur Club de Fútbol ye un club de fútbol asturianu, de la ciudá d'Uviéu. Foi fundáu en 1923 y milita na Primer Asturfútbol. El campu onde xuega los partíos como llocal ye l'Estadiu Hermanos Llana, con capacidá p'aprosimao unos 800 espectadores. Esti estadiu ta asitiáu a escasos metros del estadiu del Real Uviéu, el Carlos Tartiere.

Astur Club de Fútbol
Situación
País	España
Autonomía	Principáu d'Asturies
Provincia	Provincia d'Asturies
Conceyu	Uviéu
Estáu	España
Datos
Tipu	club de fútbol
Fundáu en	1923
Categoría	Primer Asturfútbol
Instalaciones
Estadiu	Estadiu Hermanos Llana
Uniforme
Titular Alternativu
Web oficial

Historia

L'Astur Club de Fútbol, club con sede na ciudá d'Uviéu, foi fundáu en 1923 nel barriu de Fonte de la Plata. El primer presidente del club foi Maximino Alonso, teniendo como escenariu p'apostar los sos primeros alcuentros el campu El Espín, asitiáu na Fonte de la Plata. Desapaecíu dende la Guerra Civil, foi refundado en 1949 sobre la base del equipu uvieín Real Cardín, entós en Segunda Rexonal.

En 2003, nuna operación promovida pol conceyu d'Uviéu, l'Astur camudó'l so nome a Uviéu Astur Club de Fútbol, el so uniforme a camiseta azul y pantalón blancu, y modificó el so escudu con un diseñu bien paecíu al del Real Uviéu. L'oxetivu yera'l de suplantalo como equipu más representativu de la ciudá, entós somorguiáu nuna grave crisis financiera ya institucional, xenerando gran discutiniu non yá ente los socios del Astur, sinón tamién ente los del Real Uviéu, quien s'estremaron ente los que sofitaben la refundación del club a partir del Astur y los que queríen reflotar el club orixinal. El proyeutu fracasó debíu al mayor sofitu social que finalmente consiguió'l Real Uviéu y, nel añu 2007, l'Astur decidió volver a la so denominación social, uniforme y escudu tradicionales. Federativamente, el club siguió calteniendo la so antigüedá.

La so meyor clasificación histórica foi'l subcampeonatu del Grupu II de la Tercer División d'España na temporada 2003/04, que-y dexó apostar por primer y única vegada la promoción d'ascensu a Segunda División B.

Uniforme

• Uniforme titular: camiseta colorada con detalles n'azul escuro, pantalón azul y medies coloraes.
• Uniforme alternativu: dafechu mariella.

Estadiu

Artículu principal: Estadiu Hermanos Llana

L'Astur Club de Fútbol apuesta los sos alcuentros como llocal nel Estadiu Hermanos Llana. Na etapa del Uviéu Astur Club de Fútbol apostó los sos partíos na so primer temporada nel estadiu de San Llázaro, instalación municipal con capacidá envalorada en 2 500 espectadores.

Datos del club

• Temporaes en 1ª: 0
• Temporaes en 2ª: 0
• Temporaes en 2ª B: 0
• Temporaes en 3ª: 17

Trayeutoria

Temporada Categoría Puestu 1949–91 Rexonal 1991/92 3ᵉʳ División 16º 1992/93 3ᵉʳ División 15º 1993/94 3ᵉʳ División 19º 1994/95 Rexonal Preferente 8º 1995/96 Rexonal Preferente 5º 1996/97 3ᵉʳ División 20º 1997/98 Rexonal Preferente 5º 1998/99 Rexonal Preferente 2º 1999/00 3ᵉʳ División 6º 2000/01 3ᵉʳ División 5º 2001/02 3ᵉʳ División 13º 2002/03 3ᵉʳ División 8º 2003/04 3ᵉʳ División 2º 2004/05 3ᵉʳ División 9º 2005/06 3ᵉʳ División 6º

Temporada Categoría Puestu 2006/07 3ᵉʳ División 14º 2007/08 3ᵉʳ División 15º 2008/09 3ᵉʳ División 17º 2009/10 3ᵉʳ División 20º 2010/11 Rexonal Preferente 19º 2011/12 1ª Rexonal 1º 2012/13 Rexonal Preferente 4º 2013/14 Rexonal Preferente 3º 2014/15 3ᵉʳ División 13º 2015/16 3ᵉʳ División 19º 2016/17 Rexonal Preferente 13º 2017/18 Rexonal Preferente 7º 2018/19 Rexonal Preferente

Palmarés

Torneos nacionales

• Subcampeón de Tercer División (1): 2003/04.

Enllaces esternos

• Páxina web oficial (castellán)

• Datos: Q2292703