Asturias Semanal

Asturias Semanal foi una revista de periodicidá selmanal creada en 1969 por Graciano García, que foi'l so direutor fasta'l mes de xunu de 1977 depués de más de cuatrocientos númberos. Asturias Semanal tuvo gran difusión tanto dientro d'Asturies como ente les comunidaes d'emigrantes.

Asturias Semanal
Datos
Tipu	revista
Idioma	castellanu
Estáu	España

El 16 de payares de 1974 nel númberu 284 anició la so andadura la seición Conceyu Bable, na que se facía usu de la llingua asturiana y que dio nome a l'asociación que se llegalizó en 1976 y que sería'l guañu del que surdiría tol movimientu cultural y políticu pol recobramientu y normalización de la llingua. Nesta seición escribíen autores como Xuan Xosé Sánchez Vicente, Lluis Xabel Álvarez y Xosé Lluis García Arias.

Enllaces esternos

• Datos: Q4892123