Conceyu Bable
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Conceyu Bable foi una asociación asturiana que tenía como oxetivu'l recobramientu y espardimientu de la llingua asturiana.
| Conceyu Bable | |
|---|---|
 |
El 16 de payares de 1974 nel númberu 284 d'Asturias Semanal anició la so andadura la seición Conceyu Bable, na que se facía usu de la llingua asturiana y que dio nome a l'asociación que se llegalizó en 1976. Nella escribíen autores como Xuan Xosé Sánchez Vicente, Lluis Xabel Álvarez y Xosé Lluis García Arias, que sería'l so primer cabezaleru.
El 22 de xunu de 1976 convocó una manifestación en Xixón pa pidir la presencia del asturianu nos colexos. El lema de la convocatoria, Bable nes escueles, fízose ún de los más famosos naquellos años.
En 1977 cola espublización de Cartafueyu so'l Rexonalismu dará'l pasu oficialmente al nacionalismu. Nes eleiciones de xunu de 1977 dalgunos de los sos integrantes optaron pola candidatura d'Unidá Rexonalista, que promovía'l Movimientu Comunista, mientres que otros taben militando nel Partíu Socialista Popular. Dellos de los miembros más mozos de Conceyu Bable formarán el Conceyu Nacionalista Astur
De magar 1980 perdió la so influyencia cola aparición de l'Academia de la Llingua Asturiana.
Referencies
editarEnllaces esternos
editar
Datos: Q3323422
