Asunción

capital de Paraguái

Asunción (en guaraní Paraguay)[1] y de nome oficial Ciudad de Nuestra Señora Santa María de la Asunción[2], ye la capital y ciudá más poblada del Paraguái. Ye un conceyu autónomu alministráu como distritu capital; poro, nun ta formalmente integráu en dengún de los departamentos del país. Allúgase a la vera la bahía d'Asunción, na oriella izquierda del ríu Paraguái, enfrente de la xuntura d'esti col ríu Pilcomayo. Fundada en 1537, ye una de les ciudaes más antigües de Sudamérica.

Asunción
Alministración
PaísBandera de Paraguái Paraguái
Distritu capital Distrito Capital (es) Traducir
Tipu d'entidá capital
Nome oficial Nuestra Señora Santa María de la Asunción (es)
Nome llocal Nuestra Señora Santa María de la Asunción (es)
Códigu postal 1001–1925
Xeografía
Coordenaes 25°18′00″S 57°38′00″W / 25.3°S 57.6333°O / -25.3; -57.6333
Asunción alcuéntrase en Paraguái
Asunción
Asunción
Asunción (Paraguái)
Superficie 117 km²
Altitú 43 m
Demografía
Población 477 346 hab. (2022)
Porcentaxe 100% de Distrito Capital (es) Traducir
7.01% de Paraguái
Densidá 4079,88 hab/km²
Más información
Fundación 1537
Prefixu telefónicu 021
Llocalidaes hermaniaes
asuncion.gov.py
Cambiar los datos en Wikidata

La Direición General de Estadísticas, Encuestas y Censos (DGEEC), institutu estadísticu oficial de Paraguái, estima que nel 2016 la so población aproximao ye de 525.294 habitantes. El so área metropolitana, nomada Gran Asunción, compriende, arriendes de la capital, les ciudaes de Luque, Fernando de la Mora, San Lorenzo, Lambaré, Mariano Roque Alonso, Ñemby, Capiatá, Limpio, San Antonio, Villa Elisa ya Itauguá, que formen parte del Departamentu Central. El conxuntu de toes elles añade 2.198.662 habitantes a l'área metropolitana, que ye una de les 20 mayores d'América del Sur. La so superficie ye de 117 km² na ciudá, y 1029 km² nel Gran Asunción.

Asunción ye la sé de los trés poderes de la nación (executivu, llexislativu ya xuducial), el principal puertu fluvial del país y el so centru cultural. Pese a dellos altibaxos a lo llargo de la so historia Asunción ye, dende la so fundación hasta'l id de güei, el centru de l'actividá nacional. D'ella surden les iniciatives estatales, y nella concéntrense los bancos, les empreses, les asociaciones, les instalaciones culturales y les sedes diplomátiques foriates[3].

Asunción ye considerada, nel Global Cities Index, como una ciudá global de categoría "Gamma -"[4]. Ye una de les capitales más barates del mundu y una de les ciudaes más segures del continente, lo que ta permitiéndo-y garrar puxu nos caberos años y atraer inversores, mesmo na construcción que nos servicios[5][6].

Referencies editar