Wikipedia

Ciudá global

Llámase ciudá global, ciudá mundial, ciudá alfa o centro, a una ciudá considerada como un nodu importante del sistema económicu global. El términu, que provién de los campos de la xeografía y los estudios urbanos, respuende a la idea de que la globalización puede ser entendida como un procesu creáu, facilitáu y desarrolláu nún conxuntu d'entidaes xeográfiques estratéxiques que pueden ordenase acordies cola so xerarquía d'importancia pal funcionamientu del sistema global de finances y comerciu.

Ciudá global
ciudá
Cambiar los datos en Wikidata

La más complexa d'estes entidaes ye la ciudá global: una ciudá que tien un efeutu direutu y palpable nos asuntos mundiales al traviés d'una influyencia non solo económica, sinón tamién cultural o políticas[1]. L'usu d'esti conceptu, opuestu al de megaciudá, foi popularizáu pola socióloga Saskia Sassen nel so llibru de 1991 The Global City: New York, London, Tokyo[2], magar que'l usu de la espresión ciudá mundial, que fai referencia a ciudaes que mueven grandes volúmenes de negociu a nivel mundial, remóntase polo menos a la descripción fecha en mayu de 1886, pol The Illustrated London News, de la ciudá de Liverpool[3]. Patrick Geddes usó otra vuelta el términu de ciudá mundial en 1915[4]. Más recientemente esi términu tien sío descritu cenciellamente como sinónimu de ciudá con gran influyencia y capital financieros, dexando otros factores (culturales, políticos) nún llugar más secundariu[5][6].

Carauterístiques

editar

Magar que nun hai consensu alredor de qué ye esautamente una ciudá global, sí que hai delles carauterístiques que se considera que deben cumplir:[7]

  • Tener bayura de servicios financieros con proyeición internacional[8], especialmente nos sectores financieru, bancariu, de seguros, inmobiliariu, contabilidá y mercadotecnia.
  • Ser la sede de varies corporaciones multinacionales.
  • Ser una sé financiera, con una bolsa de valores ya instituciones financieres importantes.
  • Dominar el comerciu y la economía d'una área xeográfica amplia.
  • Tener centros manufactureros importantes, y disponer d'un puertu con instalaciones pal manexu de contenedores.
  • Ser un centru de decisión con influyencia a nivel global.
  • Ser un centru dinámicu de desarrollu de nueves idees ya innovaciones nos negocios, la economía, la cultura y/o la política.
  • Ser un centru de medios de comunicación y comunicaciones con proyeición global.
  • Tener un altu porcentaxe de la población emplegada nos sectores de servicios y de la información.
  • Ser la sede d'instituciones académiques d'alta calidá, qu'atraigan estudiantes d'otros países,[9], y de centros d'investigación relevantes.
  • Tener infraestructures sanitaries, llegales y d'entretenimientu de sonadía.
  • Tener gran diversidá cultural, llingüística, relixosa ya ideolóxica.


El ránking GaWC de ciudaes globales

editar
 
Mapa qu'amuesa la distribución de les ciudaes globales del ránking GaWC (datos del añu 2010).

La Globalization and World Cities Research Network (Rede d'Investigación en Globalización y Ciudaes Globales, GaWC) ye un think tank qu'estudia les rellaciones ente les ciudaes globales nel contestu de la globalización. Tien la so sé nel departamentu de Xeografía de la Universidá de Loughborough (Leicestershire, Reinu Xuníu).

La rede foi fundada por Peter J. Taylor in 1998[10]. Elli, conxuntamente con Jon Beaverstock y Richard G. Smith crearon la categorización de les ciudaes globales como "Alpha", "Beta" y "Gamma" a partir de criterios sobre los niveles de conexón globales de caúna.[11]

La rede esaminó ciudaes de tol mundu hasta facer una llista de 307, que considera ciudaes globales, y llueu clasificoles sobro la base de la so conectividá global midida a partir del nivel nelles de cuatro subsectores del sector servicios: contabilidá, publicidá, bancos y servicios financieros, y servicios llegales[12]. Ye, poro, una llista que da más pesu a la influyencia económica de les ciudaes que a les cuestiones polítiques o culturales.

Definiéronse a partir d'estos parámetros ciudaes globales "Alpha" (con cuatro subcategoríes), "Beta" (con trés subcategoríes) y "Gamma", con trés subcategoríes), y, perbaxu d'elles en términos d'importancia global, otres ciudaes que considera "High sufficiency" (con altu nivel de suficiencia) y "Sufficiency" (con bon nivel de suficiencia). La llista actualízase cada dos años, y lo que vien darréu ye'l ránking correspondiente a 2016:[13]

Ciudaes de nivel Alpha

editar

Les Ciudaes Alpha ++ son les ciudaes más integraes cola economía global:
  Londres,   Nueva York

Les Ciudaes Alpha + son ciudaes altamente integraes, que cubren (sacante París) les necesidaes de los sectores de servicios avanzaos de la fastera Asia/Pacíficu:   Singapur,   Ḥong Kong,   París,   Beijing,   Tokyo,   Dubái,   Shanghai

Les Ciudaes Alpha (y Alpha -) son ciudaes globales qu'enllacen importantes rexones económiques (y estaos) cola economía global.
Les Ciudaes Alpha son:
  Sydney,   São Paulo,   Milán,   Chicago,   Ciudá de Méxicu,   Mumbai,   Moscú,   Frankfurt,   Madrid,   Varsovia,   Johannesburgu,   Toronto,   Seúl,   Estambul,   Kuala Lumpur,   Xakarta,   Ámsterdam,   Bruxeles,   Los Angeles

Considérense Ciudaes Alpha - les siguientes:
  Dublín,   Melbourne,   Washington,   Nueva Delhi,   Bangkok,   Zúrich,   Viena,   Taipéi,   Buenos Aires,   Estocolmu,   San Francisco,   Cantón,   Manila,   Bogotá,   Miami,   Luxemburgu,   Riyadh,   Santiagu,   Barcelona,   Tel Aviv,   Lisboa


Ciudaes de nivel Beta

editar

Les Ciudaes Beta son ciudaes qu'enllacen rexones d'importancia económica moderada cola economía mundial, y soclasifíquense en trés niveles: Ciudaes Beta +, Ciudaes Beta, and Ciudaes Beta -:
Son Ciudaes Beta +:
  Praga,   Ciudá Ho Chi Minh,   Boston,   Copenḥague,   Düsseldorf,   Atenes,   Munich,   Atlanta,   Bucarest,   Ḥélsinki,   Budapest,   Kiev,   Hamburgu,   Bangalore,   Roma,   Oslu,   Dallas,   El Cairu,   Houston,   Lima,   Lagos,   Caraques,   Auckland,   Ciudá del Cabu

Son Ciudaes Beta:
  Doḥa,   Karachi,   Nicosia,   Xinebra,   Montevidéu,   Berlín,   Montreal,   Abu Dhabi,   Casablanca,   Filadelfia,   Vancouver,   Shenzhen,   Sofía,   Perth,   Ḥanói,   Beirut,   Brisbane,   Bratislava,   Manama

Son Ciudaes Beta -:

  Puertu Lluis,   Minneapolis,   Chennai,   Stuttgart,   Santu Domingu,   Rio de Janeiro,   Ciudá de Kuwait,   Chengdu,   Ciudá de Panamá,   Denver,   Lahore,   Jeddah,   Túnez,   Quitu,   Belgráu,   Seattle,   Mánchester,   Ciudá de Guatemala,   Lyon,   San Xosé,   Tianjin,   Calgary,   Amman,   San Xuan,   San Salvador,   Amberes,   Zagreb,   Kolkata,   Tallín,   Saint Louis,   Monterrey,   Hyderabad,   Edimburgu,   San Diego,   Colonia,   Rotterdam,   Dhaka,   Islamabad


Ciudaes de nivel Gamma

editar

Les Ciudaes Gamma son ciudaes qu'enllacen rexones económiques menores cola economía mundialy soclasifíquense en trés niveles: Ciudaes Gamma +, Ciudaes Gamma, and Ciudaes Gamma -:
Son Ciudaes Gamma +:
  Guayaquil,   Cleveland,   Riga,   Bakú,   Adelaide,   Vilnius,   Birmingham,   Glasgow,   Nankín,   Hangzhou,   Colombu,   Porto,   Qingdao,   Valencia,   Detroit,   Muscat,   Osaka,   Liubliana,   Kampala, George Town,   Managua,   Durban,   San José,   San Petersburgu

Son Ciudaes Gamma:
  Phoenix,   Tegucigalpa,   Austin,   Pune,   Guadalajara,   Dalián,   Tblisi,   Dar es-Salam,   Chongqing,   Ankara,   Lusaka,   Ahmedabad,   Cincinnati,   Asunción,   Ḥarare,   Gotemburgu,   Xiamen,   Mosul,   Kansas City,   Accra,   Minsk,   Tampa,   Turín,   Luanda,   Abidjan,   Tirana,   Lausana,   Leeds

Son Ciudaes Gamma -:
  Taichung,   Charlotte,   Baltimore,   Raleigh,   Belfast,   Leipzig,   Medellín,   Wuhan,   Duala,   Maputu,   Skopie,   Gaborone,   Brístol,   Orlando,   Dakar,   Suzhou,   Malmö,   Edmonton,   Changshá,   Estrasburgu,   Bilbao,   Boloña,   Columbus,   Wellington,   Núremberg,   Yangon,   Xi'an,   Cracovia,   Marsella,   Dresde,   Shenyang,   Pittsburgh


Les ciudaes que tienen un nivel de servicios que-yos permite nun ser abiertamente dependiente de les ciudaes globales nómense "ciudaes suficientes". Hai dos subcategoríes: les "high sufficiency cities", como La Paz, Liverpool o Limasol; y les "sufficiency cities", como por exemplu L'Haya, Xerusalén o Niza.

El Global Cities Index

editar

En 2008 la publicación estauxunidense Foreign Policy, conxuntamente cola consultora A.T. Kearney y el Chicago Council on Global Affairs, espublizó un ránking de ciudaes globales, que consultó dempués con Saskia Sassen, Witold Rybczynski y dellos otros autores[14]. Foreign Policy destaca que "les ciudaes mayores y más interconectaes del mundu axuden a marcar l'axenda global y a capear los peligros tresnacionales, y faen les veces de nudos d'integración global. Son los motores del crecimientu de los sos países, y la llave pal accesu a los recursos de les sos rexones"[15]. El ránking básase na midida de 27 parámetros qu'engloben cinco dimensiones (actividá empresarial, capital humanu, intercambiu d'información, esperiencia cultural y participación política), y foi actualizáu en 2010, 2012, 2014, 2015, 2016 y 2017. Dende 2015 espublízase a la vez que'l Global Cities Outlook, una proyeición del potencial de les ciudaes basada na tasa de cambéu en 13 indicadores que valoren cuatro dimensiones: bienestar personal, economía, innovación y gobernanza[16].

Referencies

editar
  1. ↑ Sassen, Saskia - The global city: strategic site/new frontier
  2. ↑ Sassen, Saskia - The Global City: New York, London, Tokyo. Archiváu 2015-03-16 en Wayback Machine (1991) - Princeton University Press. ISBN 0-691-07063-6
  3. ↑ «UK History». History.ac.uk (18 d'avientu de 2009). Consultáu'l 9 d'abril de 2018.
  4. ↑ Doel, M. & Hubbard, P., (2002), "Taking World Cities Literally: Marketing the City in a Global Space of flows", City, vol. 6, no. 3, páxs. 351–68.
  5. ↑ «Asian Cities Pay Hidden Price for Global Status». The Diplomat. 15 de febreru de 2015. http://thediplomat.com/2015/02/asian-cities-pay-hidden-price-for-global-status/. 
  6. ↑ «The World's Most Influential Cities». Forbes. 14 d'agostu de 2014. https://www.forbes.com/sites/joelkotkin/2014/08/14/the-most-influential-cities-in-the-world/#7bbf56cb7370. 
  7. ↑ Pashley, Rosemary. "HSC Geography". Pascal Press, 2000, p.164
  8. ↑ J.V. Beaverstock, World City Networks 'From Below', GaWC, Loughborough University, 29 de setiembre de 2010
  9. ↑ K. O'Connor, International Students and Global Cities, GaWC, Loughborough University, 17 de febreru de 2005
  10. ↑ Taylor, Peter J. (2004). Routledge: World city network: a global urban analysis. ISBN 0-415-30249-8. Consultáu'l 9 d'abril de 2018.
  11. ↑ Donald, Stephanie; Gammack, John G. (2007) Ashgate Publishing: Tourism and the branded city. ISBN 0-7546-4829-X. Consultáu'l 9 d'abril de 2018.
  12. ↑ «GaWC – The World According to GaWC 2016». Lboro.ac.uk (31 March 2017). Consultáu'l 15 April 2017.
  13. ↑ «GaWC – The World According to GaWC 2016». Lboro.ac.uk (31 de marzu de 2017). Consultáu'l 9 d'abril de 2018.
  14. ↑ «2012 Global Cities Index and Emerging Cities Outlook» (PDF). Archiváu dende l'orixinal, el 20 d'ochobre de 2013. Consultáu'l 9 d'abril de 2018.
  15. ↑ Los principales parámetros son "Actividá empresarial" (30%), "Capital humanu" (30%), "Intercambiu d'información" (15%), "Esperiencia cultural" (15%) and "Participación política" (10%).«The 2008 Global Cities Index». Foreign Policy (Payares/Avientu 2008). 21 d'ochobre de 2008. Archivado del original el 7 de xineru de 2010. https://web.archive.org/web/20100107184223/http://www.foreignpolicy.com/story/cms.php?story_id=4509. 
  16. ↑ «A.T. Kearney: Global Cities 2017».
Sacáu de «https://ast.wikipedia.org/w/index.php?title=Ciudá_global&oldid=4242805»