Atenéu de Llingua y Cultura Guaraní
El Atenéu de Llingua y Cultura Guaraní, fundáu'l 23 de setiembre de 1985 en Asunción, Paraguái, ye una institución filantrópica autónoma que tien como oxetivu prioritariu la recuperación, valoración y espardimientu del idioma, folclor y cultura guaraní.[1] Arrexunta a estudiantes, profesores, llicenciaos, magísteres, doctores, individualidaes y a instituciones como centros culturales, instituciones y universidaes. Dende los sos entamos la institución busca formar una conciencia ciudadana en favor del guaraní, por aciu la investigación y metodoloxíes del aprendizaxe intenta crear procesos educativos científicos pa llograr la comprensión, actualización y perfeccionamiento de la llingua guaraní y la sistematización del so heriedu cultural, por aciu apurrir de los sos miembros y collaboradores.
| Atenéu de Llingua y Cultura Guaraní | |
|---|---|
| institución cultural | |
| País |  Paraguái |
Departamento (es)  | [[d:Special:EntityPage/Q372461|10px |
| Municipio (es) | [[d:Special:EntityPage/Q47062|{{{2}}} |
| Direición | Paraguái |
| Historia | |
| Fundación | 23 setiembre 1985 |
 | |
Como institución y colos sos miembros llogró la inclusión de la Llicenciatura en Llingua Guaraní nos institutos cimeros y collaboró na creación de la metodoloxía d'enseñanza pa les instituciones de nivel básicu y mediu del Paraguay, lo cual dio frutos hasta la consiguir una enseñanza billingüe de les árees d'estudios de les escueles, importante principalmente pa escueles y colexos fora de les árees d'Asunción y capitales fronterices onde'l guaraní ye la llingua principal. Asina mesmu descentralizóse pa la promoción y espardimientu sistematizada de llingua, consiguiendo la creación de centros filiales en toles capitales departamentales y ciudaes importantes del Paraguay, según tamién en munches ciudaes d'Arxentina y Brasil (pola influyencia cultural) y Estaos Xuníos, España ya Italia, llugares con influyencia cultural principalmente por cuenta de la emigración de paraguayos.
La institución céntrase'l so investigación nes siguientes árees:
- llingüística guarani;
- antropoloxía, cultura y hestoria guarani;
- lliteratura guarani;
- pedagoxía, didáctica y formación docente;
- billingüismu paraguayu;
- folclor paraguayu;
- indixenismu;
- producción, edición y publicaciones.
El Ministeriu d'Educación y Ciencies del Paraguay, coles Resoluciones 369/1995 y 37/1999, reconoció'l trabayu de la institución aprovechando les sos publicaciones y la de los sos miembros pa la enseñanza nacional. Asina tamién la Cámara de Senadores reconoció col decretu llei 2574/2005,[2] al "Institutu de Formación Docente del Atenéu de Llingua y Cultura Guaraní" como una institución formal de nivel cimeru. Igualmente distintes instituciones declararon los sos trabayos como d'interés nacional. Gracies al trabayu de los miembros, la Secretaría Nacional de Polítiques Llingüístiques del Paraguay emitió la Resolución 80/2012 pola cual créase la Academia de la Llingua Guaraní (en guaraní, Ava Ñe’ê Rerekua Pave).[3]
Ver tamién
editarReferencies
editar- ↑ http://www.portalguarani.com/museos.php?pormustytr=MjQ=
- ↑ «Copia archivada». Archiváu dende l'orixinal, el 5 de marzu de 2016. Consultáu'l 31 d'agostu de 2013.
- ↑ créose la-academia-de-llingua-guarani/ «Creóse l'Academia de la Llingua Guaraní» ea.com.py (en guaraní)
Enllaces esternos
editar- [*https://web.archive.org/web/20071229171237/http://www.ateneoguarani.edu.py/ Atenéu de Llingua y Cultura Guaraní], portal del institucional.
- [*http://www.portalguarani.com Portal Guaraní], portal cultural.
Datos: Q15265504
