Océanu Atlánticu
Índiz
L'Océanu Atlánticu ye l'océanu terrestre que separta América del Norte y América del Sur d'Europa y África. Estiéndese dende'l norte, nel Océanu Glacial Árticu, hasta l'Antártida y llinda con Europa y África (al este) y con América (al oeste). L'Ecuador divídelu, artificialmente, en dos partes, Atlánticu Norte y Atlánticu Sur. El so nome vien-y del griegu Atlas, unu de los titanes de la mitoloxía.
Índiz
XeografíaEditar
L'Océanu Atlánticu tien forma de S y una estensión cercana a los 80 millones de km², siendo'l segundu n'estensión, dempués del Océanu Pacíficu.
Los cordales submarinos asitiaos ente la Islla de Baffin, Groenlandia y Escocia estableciéronse, de modu convencional, como la llende ente l'océanu Glacial Árticu y el Atlánticu Norte.
Al Este, l'Estrechu de Gibraltar forma la llende col mar Mediterraneu; al oeste, l'arcu formáu poles islles del Caribe sepártenlu del mar Caribe.
Al Sur y al Este, la dixebra col océanu Índicu tómase, de modu convencional, pol meridianu de 20° E. Al Sur y al Oeste la divisoria estableciose na llinia de mayor profundidá que va del Cabu d'Hornos a la Península Antártica.
