Atolón d'Erikub
Erikub (en marxalés Ādkup [æ̯ær̪ʲ(ɛ͡ɔ)ɡʷu͡ipʲ]) ye un atolón coralín nel Océanu Pacíficu. Pertenez a la cadena Ratak nes Islles Márxal. Ta compuestu por catorce islles que comprenden una superficie terrestre de 1,53 km² y enzarren una llaguna de 320 km². Mui cercanu al norte atópase l'atolón de Wotje.
| Atolón d'Erikub | |
|---|---|
 | |
| Situación | |
 | |
| Protectoráu |  Nueva Guinea Alemana |
| País |  Islles Márxal |
| Tipu | atolón |
| Parte de | Cadena Ratak |
| Asitiáu en | Océanu Pacíficu |
| Coordenaes | 9°08′30″N 170°00′00″E / 9.1417°N 170°E |
  Atolón d'Erikub Atolón d'Erikub (Islles Márxal) | |
| Datos | |
| Altitú media | 25 m |
| Superficie | 1,53 km² |
 | |
Entamando pel norte y nel sentíu de les manes del reló, los nomes de les islles son Jabonwar, Aradojairen, Aradojairik, Guro, Jeldoni, Bogweido, Bogella, Jogan, Bokku, Bogengoa, Bwokwanaik, Erikub, Log y Enego. Nenguna d'elles ta habitada.
Historia
editarEl primer rexistru d'Erikub foi'l 29 de xunu de 1566 pol galeón español San Jerónimo, comandáu por Lope Martín. Camiéntase que, primeramente, pudo ser tamién avistáu ente avientu de 1542 y xineru de 1543 pol esplorador tamién español Ruy López de Villalobos. De Lope Martín sábese que l'añu anterior pilotab'’l patache San Lucas nel so viaxe de Nueva España a Filipines pero, nesa ocasión, amotinóse con un greyu de ventiséis marineros y soldaos asesinando al capitán del San Jerónimo, Pero Sánchez Pericón. Los conspiradores, incluyíu Martín, foron abandonaos nel atolón de Namonuito[1][2].
En 1884, l'atolón foi reclamáu pol Imperiu d'Alemaña xunto col restu de les Islles Márxal. Tres la Primer Guerra Mundial, la islla quedó baxo'l Mandatu del Pacíficu Sur del Imperiu de Xapón. Col final de la Segunda Guerra Mundial, quedó baxo'l contro d'Estaos Xuníos como parte del Territoriu en fideicomisu de les islles del Pacíficu hasta la independencia de les Islles Marshall en 1896.
Fauna
editarErikub, xunto col atolón de Bikar ya islla de Jemo, ye ún de los principales sitios d'añeramientu de les tortugues verdes[3].
Referencies
editar- ↑ Coello, Francisco La Conferencia de Berlín y la cuestión de las Carolinas: Discursos pronunciados en la Sociedad Geográfica de Madrid , Madrid, Imprenta de Fortanet, 1885, p.291
- ↑ Sharp, Andrew El descubrimiento de les islles del Pacífico Oxford, 1960, páxs.28,42.
- ↑ https://www.researchgate.net/figure/Map-of-Republic-of-the-Marshall-Islands-major-atolls-labeled-Inset-map-of-Erikub_fig1_287216606
Enllaces esternos
editar
Wikimedia Commons acueye conteníu multimedia sobre Atolón d'Erikub.
