Atolón de Maloelap
Maloelap (en marxalés M̧aļoeļap [mˠɑɫʌ͡ɔɔ̯-ɛ̯ɛ͡ʌɫɑ͡æpʲ]) ye un atolón coralín de 71 islles nel Océanu Pacíficu. Forma parte del distritu llexislativu de la cadena Ratak nes Islles Márxal. El so área terrestre ye de 9,8 km² y enzarra una llaguna de 972 km². Atópase a 18 km al norte del atolón d'Aur.
| Atolón de Maloelap | |
|---|---|
.jpg) | |
| Situación | |
 | |
| Protectoráu |  Nueva Guinea Alemana |
| País |  Islles Márxal |
| Tipu | atolón |
| Parte de | Cadena Ratak |
| Asitiáu en | Océanu Pacíficu |
| Coordenaes | 8°45′12″N 171°02′56″E / 8.753436°N 171.048889°E |
  Atolón de Maloelap Atolón de Maloelap (Islles Márxal) | |
| Datos | |
| Altitú media | 3 m |
| Superficie | 9,8 km² |
 | |
La población asciende a unes 800 persones. Les islles habitaes son Tarawa (tamién Taroa o Tao), Kaven (o Kaben), Airuk, Wolot y Jang. Dalgunos nomes d'otres islles despoblaes son Bokanutokku, Boklaplap, Takenaarun o Eorokku. L’atolón tien dos pistes d'aterrizaxe, en Taroa y Kaven.
Historia
editarEl primer rexistru européu féxolu la espedición española de García Jofré de Loaísa’l 21 d'agostu de 1526. Foi llamada Islla de San Bartolomé por Toribio Alonso de Salazar que comandaba la espedición naquellos momentos.
L’Imperiu d'Alemaña tomó Maloelap xunto col restu de les Márxal en 1884. Depués de la Primer Guerra Munial pasaron baxo’l Mandatu del Pacíficu Sur del Imperiu de Xapón. En 1939, los xaponeses construyeron una base d'hidroaviones y un aeródromu en Taroa con dos pistes, edificios ya intalaciones d'encontu, incluyida una estación de radar. Demientres la Segunda Guerra Mundial, la guarnicion xaponesa yera de 2.940 homes de l'armada y 389 del exércitu. El perímetru de la islla taba fuermente fortificáu con artillería pesao y 10 cañones antiaéreos [1]. De magar entamó 1942, l'exércitu norteamericanu atacó con virulencia la base xaponesa con aviones basaos en portaviones y bombardeos por buques de guerra. La frecuencia y gravedá sobre Maloelap espolletó tres conquistar Mayuru y Kwajalein. Namás sobrevivieron a la guerra 1.041 xaponeses, pero tamién fueron asesinaos varios nativos marxaleses. Pela zona tovía queden escatafinos de la guerra tales como restos d'aviones, principalmente los caces Mitsubishi A6M Zeros y Mitshubishi G4M Mitchell, y de les instalaciones [2].
Depués del final de la Segunda Guerra Mundial, la islla quedó baxo'l contro d'EE.UU. como parte del Territoriu en fideicomisu de les islles del Pacíficu hasta la independencia de les Islles Márxal en 1986. L'atolón de Maloelap foi'l primeru en ratificar la constitución de les Islles Márxal.
Educación
editarLes Escueles d'Educación Primaria qu'hai nel atolón son les d'Aerok, Jang, Kaben, Ollet y Tarawa[3].
Los estudios de Secundaria síguenlos en Northern Islands High School (NIHS) de Wotje.
Referencies
editar- ↑ Takizawa, Akira; Alsleben, Allan (1999–2000). "Japanese garrisons on the by-passed Pacific Islands 1944-1945". Forgotten Campaign: The Dutch East Indies Campaign 1941-1942. Archived from the original on 2016-01-06.
- ↑ https://www.pacificwrecks.com/provinces/marshall_maloelap.html
- ↑ «Archived copy». Archiváu dende l'orixinal, el 2018-02-21.
Enllaces esternos
editar
Wikimedia Commons acueye conteníu multimedia sobre Atolón de Maloelap.
Datos: Q567926- Multimedia: Maloelap Atoll
