Banda de gaites
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Una banda de gaites o pipe band ye una formación músical de gaites y percusiones.
L'orixe d'estes formaciones ye enforma escuru, si bien sábese que'l so orixe ye militar y ñaz n'Escocia (Reinu Xuníu).
Ganaría puxu na década de los años 1840, gracies al entusiasmu de la reina Vitoria pola gaita escocesa de tipu highland, qu'entamó a ser mui usada pol Exércitu Británicu.
Depués de la Segunda Guerra Mundial, esti tipu de formaciones espardióse hasta la Bretaña francesa, onde añadieron la bombarda (instrumentu tradicional bretón) a les gaites y caxes escoceses. Esti tipu de formaciones nómase Bagad, qu'en realidá ye l'abreviatura de bagad ar sonerion (grupu de músicos en bretón).
A mediaos de los años 1980 apaecen les primeres bandes de gaites nel norte d'España, concretamente en Galicia y Asturies, onde la so popularidá foi aumentando progresivamente. Güei, n'Asturies, el númberu de formaciones d'esti tipu ronda la cincuentena, en Galicia la treintena, en Lleón hai ocho bandes y trés en Cantabria. Amás, en dellos centros asturianos y gallegos espardíos per tol planeta cunten con formaciones d'esti tipu.
Estes formaciones suelen tar formaes por seiciones de Gaites y seiciones de percusión. La percusión más utilizada anguaño son les caxes d'alta tensión (d'orixe escocés) timbales o tambores tenores(tamién d'orixe escocés) y bombu, anque tamién s'utilicen tambores tradicionales, bien en conxuntu coles caxes d'alta tensión o como únicu componente na percusión de la banda. Además dalgunes bandes utilicen unos tambores podríemos dicir híbridos, col aspeutu d'un tambor tradicional, poro mecánica de caxa, con un soníu bien peculiar.
Ver tamién
editarReferencies
editarEnllaces esternos
editar
Wikimedia Commons acueye conteníu multimedia sobre Banda de gaites.
Datos: Q3085519- Multimedia: Pipe bands
