Bandera d'Austria

Bandera d'Austria
Datos
Entidá	Austria
Fecha d'adopción	1918 (105 años)
Proporción	3:2
Usu
Colores	bermeyu y blancu
Elementos representaos	campo (es) (bermeyu); faja (es) (blancu)

La bandera d'Austria ta formada por trés franxes horizontales d'igual anchor, de color bermeyu la cimera y l'inferior, y blancu la central. La bandera del Estáu añade l'escudu nacional nel centru. Esta bandera foi adoptada oficialmente'l 1 de mayu de 1945.

Historia

Xunto cola bandera de Dinamarca, la bandera austriaca ye una de les más antigües del mundu.

Según un relatu llexendariu, la bandera foi inventada pol Duque Leopoldu V d'Austria (1157-1194) tres la dura batalla d'Acre en 1191, mientres les Cruzaes, cuando les sos ropajes de color blancu quedaron totalmente enllordiaos de sangre, sacante la parte que tapaba la so petrina, que quedó blanca.^[1]

En realidá, la bandera foi diseñada nel sieglu XIII pol Duque Federico II d'Austria (1210-1246), el postreru de la dinastía Babenberg, quien buscaba una mayor independencia del Sacru Imperiu Romanu Xermánicu. La representación más antigua d'esti diseñu atopase nun escudu calteníu nel monesteriu de Lilienfeld, que data del 30 de payares de 1230.

Dende 1804, cuando se formó l'Imperiu austriacu lideráu pola Casa d'Habsburgu, la bandera adoptada utilizó los colores de la Casa d'Habsburgu: mariellu y negru.^[2] En 1869, tres el Compromisu de 1867 del Emperador Francisco José I que dio orixe al Imperiu austrohúngaru, Austria adoptó l'emblema imperial antiguu como so, ente qu'Hungría adoptó una bandera propia. Para los asuntos tocantes a dambos Estaos, l'Imperiu utilizó dos banderes especiales: la bandera de guerra yera una tribanda albirroja con un escudu centráu na metá esquierda, ente que la bandera mercante sumaba al llau derechu l'escudu menor húngaru, y la franxa inferior yera colorada nel sector esquierdu y verde nel derechu. Tres el fin del Imperiu, la República d'Austria readoptó l'esquema bermeyu-blancu-bermeyu'l 20 d'ochobre de 1918 hasta'l Anschluss, cuando Austria foi anexonada al Tercer Reich. Tres la derrota nazi na Segunda Guerra Mundial, la bandera foi reinstaurada el 1 de mayu de 1945.

Banderes antigües

Bandera del Estáu d'Austria, con escudu del país nel centru.
Bandera del Sacru Imperiu Romanu Xermánicu (1400-1806)
Bandera mercante del Imperiu Austrohúngaru (1869-1906). Ensin l'escudu de la derecha y cola franxa verde en colaráu, foi tamién la bandera mercante de Austria (1786-1869) y la bandera de Guerra del Imperiu Austrohúngaru (1869-1918).
Bandera del Imperiu d'Austria mientres la dinastía de los Habsburgu (1804-1868). Dempués va ser la bandera d'Austria dientro del Imperiu Austrohúngaru. (1868-1918)
Bandera d'Austria mientres la ocupación alemana nazi.

Referencies

↑ Thomas Hylland Eriksen and Richard Jenkins (editors) 2007, Flag, Nation and Symbolism in Europe and America, Routledge, ISBN 0-203-93496-2 (páxs. 19–20)
↑ Volker Preuß. "National Flaggen des Österreich-Ungarn" (in German). Retrieved 2004-11-03.

Enllaces esternos

Bandera d'Austria en Flags of the World

[1] Thomas Hylland Eriksen and Richard Jenkins (editors) 2007, Flag, Nation and Symbolism in Europe and America, Routledge, ISBN 0-203-93496-2 (páxs. 19–20)

[2] Volker Preuß. "National Flaggen des Österreich-Ungarn" (in German). Retrieved 2004-11-03.

[1]

[2]