Bandera de la Raza
La Bandera de la Raza o Bandera de la Hispanidá [nota 1] ye una bandera creada por Ángel Camblor, capitán del Exércitu Nacional d'Uruguái, que ganó un concursu continental entamáu pola poeta uruguaya Juana de Ibarbourou en 1932 al envís de dotar de bandera a la Raza.
 Bandera de la Raza | |
|---|---|
 | |
| Datos | |
| Entidá | hispanidá |
| Fecha d'adopción | 12 d'ochobre de 1932 (92 años) |
| Proporción | 2:1 |
| Colores |
blancu (#ffffff) púrpura (#660099) oru (#FFD700) |
| Diseñador | Ángel Camblor |
 | |
El lema qu'acompaña a la bandera dende la so creación ye Xusticia, Paz, Unión, Fraternidá, valores que Camblor señaló como representativos de los hispanos.[1]
Foi oficialmente adoptada por tolos estaos d'América como bandera representativa nel marcu de la VII Conferencia Panamericana axuntada n'avientu de 1933.[2]
El pañu ye blancu, color de la paz y de la lluz, y yera'l color predominante del pañu de les banderes del imperiu español y de los primeros movimientos soberanos d'América, como les banderes de Guayaquil, Hidalgo, Morelos, Belgrano, o San Martín. Los trés crucies cóncaves son cruces mexicanes o mayes que recuerden pola so semeyanza les que traíen nes sos veles los dos carabeles y la nao con que Cristóbal Colón afayó'l Nuevu Mundu (La Niña, La Pinta y La Santa María). El sol incaicu simboliza l'espertar del continente americanu.[3]
La Bandera de la Raza foi izada per primer vegada'l xueves 12 d'ochobre de 1932, día de la Raza, na Plaza de la Independencia de Montevideo. Tuvo escasa trescendencia, a pesar del so intentos d'espardimientu nos primeros años trenta.[4]
Notes
editar- ↑ Nomada como Bandera de les Amériques nel marcu de la VII Conferencia Panamericana de 1933, ensin qu'esta denominación fuera usada darréu.
Referencies
editar- ↑ «La Bandera de la Hispanidá editorial= ABC.es» (12 d'ochobre de 2015).
- ↑ Bandera de les Amériques (Séptima Conferencia Internacional Americana, Montevideo – 1933)
- ↑ Ángel Camblor (1935). LA BANDERA DE LA RAZA SÍMBOLU DE LES AMÉRICAS nel Cielu de Buenos Aires. UNION HISPANAMERICANA.
- ↑ Sepúlveda Muñoz, Isidro (2005). El suañu de la madre patria: hispanoamericanismo y nacionalismu. Marcial Pons Hestoria, páx. 209. ISBN 9788496467040.
Enllaces esternos
editar
Wikimedia Commons acueye conteníu multimedia sobre Bandera de la Raza.
Datos: Q1426535- Multimedia: Flag of the Hispanicity
