Baralla
Baralla ye un conceyu español de la Provincia de Lugo en Galicia. Pertenez a la Contorna de Los Ancares y abarca 32 aldegues. Hasta finales de la década de 1970 llamábase Neira de Jusá.
 Baralla | |||||
|---|---|---|---|---|---|
 | |||||
| |||||
| Alministración | |||||
| País |  España | ||||
| Autonomía |  Galicia | ||||
| Provincia |  provincia de Lugo | ||||
| Tipu d'entidá | conceyu de Galicia[1] | ||||
| Cabezaleru/a del gobiernu | Miguel González Piñeiro | ||||
| Nome oficial | Baralla (gl)[2] | ||||
| Códigu postal |
27680 | ||||
| Xeografía | |||||
| Coordenaes | 42°53′37″N 7°15′00″W / 42.8936°N 7.2501°O | ||||
  Baralla Baralla (España)  | |||||
| Superficie | 141 km² | ||||
| Altitú | 500 m | ||||
| Llenda con | Becerreá, Láncara, O Corgo, Castroverde y Baleira | ||||
| Demografía | |||||
| Población |
2484 hab. (2023) - 1351 homes (2019) - 1205 muyeres (2019) | ||||
| Porcentaxe | 0.76% de provincia de Lugo | ||||
| Densidá | 17,62 hab/km² | ||||
| Más información | |||||
| Estaya horaria |
UTC+01:00 (horariu estándar) UTC+02:00 (horariu de branu) | ||||
 | |||||
Historia
editarNel so orixe foi un pobláu celta que se romanizó dafechu cola fundación de la ciudá de Lugo. Na Edá Media los señores d'Espiña, de Gallego y demás fidalgos evitaron la penetración nos valles de les razzias de los moros al mandu d'Almanzor.
L'últimu alcalde republicanu, antes del españíu de la guerra civil, foi Lisardo del Ríu Méndez, natural de Gundián. Ente otros ilustraos fíos del conceyu puede mentase al profesor Evaristo Correa Calderón.
Gonzalo Torrente Ballester inmortalizó el nome de Baralla na lliteratura en llingua castellana, dándo-ylo al ríu de la ciudá imaxinaria de La saga/fuga de J. B., Castroforte del Baralla.
Xeografía
editarEl términu municipal tien una estensión de 141,16 km² y tien una altitú media de 500 msnm.
Ta asitiáu a unos 28 km de Lugo y delimita coles poblaciones de Láncara, O Corgo, Becerreá, Castroverde y Baleira.
| Corgo | Castroverde y Baleira | Baleira y Becerreá |
| Láncara | 
|
Becerreá |
| Láncara | Láncara | Becerreá |
Baralla ta asitiáu nel llau esquierdu del valle del cursu del ríu Neira y atópase encaxáu ente les elevaciones de la Sierra d'Ancares. Ta asitiáu sobre l'estremu oriental del Pandu Lucense y fai de transición de les Sierres Orientales, pasando de los 800 metros d'altitú a los 1100. Los llugares más altos del términu municipal asítiase na Serra de Picato (1894 m.), Serra do Galu (854 m.), Rañadoiru (1101 m.), Penes da Cabra (943m.) y Serra da Lagoa (759 m.).
La temperatura medio añal ye de 7°C, bazcuyando ente los 2°C del iviernu y los 17,5°C del branu. Recibe precipitaciones abondoses, con frecuencia en forma de nieve.
Evolución demográfica
editar| Gráfica d'evolución demográfica de Baralla ente 1996 y 2012 |
 |
| Población según el padrón municipal del INE. |
Parroquies de Baralla
editarEl conceyu de Baralla, siguiendo'l nomenclátor remanáu pol Instituto Gallego d'Estadística, ta formáu por 30 entidaes coleutives de población o parroquies:
- Aranza (Santiago)
- Arroxo (San Juan)
- Baralla (Santa Mª Madalena)
- Berselos (San Martín)
- Costantín (Santa María)
- Covas (Santiago)
- Ferreiros (San Pedro)
- Francos (San Salvador)
- Guimarei (San Tomé)
- Laxes (San Pedro)
- Lebruxo (San Tomé)
- Lexo (San Juan)
- Pacios (Santa María)
- Pedrafita de Camporredondo (San Juan)
- Penarrubia (Santa María)
- Piñeira (San Salvador)
- Pol (Santa María)
- Pousada (Santiago)
- Recesende (San Cirilo)
- Riba de Neira (Santalla)
- San Martín de Neira de Rei (San Pedro)
- San Miguel de Neira de Rei (San Miguel)
- San Esteban (San Esteban)
- Sixirei (San Pedro)
- Sobrado do Picato (Santa Cruz)
- Teixeira (San Pedro)
- Vale (San Jorge)
- Vilachambre (Santa Marina)
- Villarpunteiro (Santa María)
- Villartelín (Santa Eufemia)
Política
editarGobiernu municipal
editarLos partíos políticos qu'integraron les postreres eleiciones municipales fueron:[3]
|
Los resultaos, tocantes a númberu de conceyales, fueron los siguientes:[3]
| |||||||||||||||||||||||||||||||||||||||||
Discutinios
editarN'agostu de 2013 fueron noticia les revesoses pallabres del alcalde, Manuel Jesús González Capón, mientres un plenu municipal nel que llegó a declarar que: "Los muertos del franquismu va ser que lo merecíen"[4][5]
Monumentos
editar- Capilla de Santa Marta
- Iglesias romániques
- Obeliscu monumentu a Magín Espiña.
Fiestes
editar- San Vitorio, el 27 d'agostu. Les celebraciones duren ente 4 y 5 díes, siendo habituales el 26 (viéspora), 27 (San Vitorio Grande), 28 (San Vitorio Pequeno ó Pequeñu) y 29.
- Feria de ganáu mensual los díes 1 y 18 de cada mes.
Referencies
editar- ↑ Afirmao en: Nomenclátor de Galicia. Data d'espublización: 30 abril 2013. Editorial: Llista de presidentes de Galicia.
- ↑ Afirmao en: Llista de Conceyos y los sos Códigos por Provincies a 1 de xineru de 2019. Data d'espublización: 8 febreru 2019. Editorial: Institutu Nacional d'Estadística.
- ↑ 3,0 3,1 Ministeriu del Interior - Gobiernu d'España (ed.): .
- ↑ «Vos mortos do franquismu va ser qu'o merecíen», La Voz de Galicia 2013/08/06
- ↑ franquismu-se-lo-merecianr-1 «Los que fueron condergaos a muerte nel franquismu merecer», Deia 2013/08/06/
Enllaces esternos
editar
Wikimedia Commons tien conteníu multimedia tocante a Baralla.- Páxina web oficial del conceyu de Baralla Archiváu 2016-01-12 en Wayback Machine
- Web sobre Baralla y Láncara Archiváu 2018-05-28 en Wayback Machine
