Barbolla

Barbolla
Alministración
País	España
Autonomía	Castiella y Lleón
Provincia	provincia de Segovia
Tipu d'entidá	conceyu d'España
Alcalde de Barbolla	Basilio del Olmo Alonso
Nome oficial	Barbolla (es)
Códigu postal	40530
Xeografía
Coordenaes	41°19′33″N 3°40′21″W / 41.325833333333°N 3.6725°O
	Barbolla Barbolla (España)
Superficie	26 km²
Altitú	942 m
Llenda con	Navares de Ayuso, Aldeonte, Boceguillas, Castillejo de Mesleón, Sotillo y Sepúlveda
Demografía
Población	143 hab. (2023); - 87 homes (2019); - 71 muyeres (2019)
Porcentaxe	0.09% de provincia de Segovia
Densidá	5,5 hab/km²
	barbolla.es

Pa ver la llocalidá de Guadalaxara (España), La Barbolla (Guadalaxara).

Barbolla ye un conceyu d'España, na provincia de Segovia, comunidá autónoma de Castiella y Lleón. Tien una superficie de 26,13 km².

Tien como pedanía la llocalidá d'El Olmo y nel so términu entá subsisten otros dos pequeños nucleos, güei despoblaos: Corralejo y Villarejo.

Símbolos

Escudu de Barbolla

L'escudu heráldicu y la bandera que representen al conceyu fueron aprobaos oficialmente'l 14 de xineru de 1998. L'escudu se blasona de la siguiente manera:

«Escudu partíu. Primero, d'oru con una fonte de piedra, de la qu'esquita abondosa agua. Segundu, de gules con un castiellu d'oru, almenado, mazonado de sable y esclariáu d'azur, acompañáu de dos llaves de plata, una a cada lladral, timbrado de la Corona Real Española.»

Boletín Oficial de Castiella y Lleón nᵘ64/2000 de 31 de marzu de 2000^[2]

La descripción testual de la bandera ye la siguiente:

«Bandera cuadrada, de proporción 1:1, de color mariellu, con una faxa ondeada azul, col escudu municipal nel centru, nos sos colores.»

Boletín Oficial de Castiella y Lleón nᵘ64/2000 de 31 de marzu de 2000^[2]

Historia

Según Pedro Luis Siguero, autor del llibru 'Significáu de los nomes de los pueblos y despoblaos de Segovia', la llocalidá llámase asina siquier dende 1247, en que yá se noma Barvolla.

Amás de Barbolla, el términu llegó a cuntar con otros cinco nucleos habitaos de los que namái unu, El Olmo, caltién güei población. En 1204 nómase-y como Sancta Maria del Olmo y en 1591 apaez citáu como La nuesa Señora del Olmo, pero dende 1759 conózse-y yá a cencielles como El Olmo, pasando a formar parte de Barbolla en 1847. De los otros cuatro nucleos, dos entá pueden visitase. Trátase de Corralejo, qu'hasta'l sieglu XVI yera conocíu como Corrolada de Yuso y qu'en 1950 cuntaba con 41 habitantes, y Villarejo, citáu hasta'l sieglu XV como Villarejo de la Serna y que nel censu de 1950 apaez entá con 16 habitantes. Sicasí, nada queda de los otros dos nucleos de los que se tien constancia: Soña, denomináu Sonna en referencies de 1247, y Zarzosa, qu'en 1591 yera citáu como Çarzossa.

Xeografía

Barbolla llenda al este colos conceyos de Boceguillas y Castillejo de Mesleón, al sur col de Sotillo, al oeste colos de Sepúlveda y Aldeonte, y al norte colos de Navares de Ayuso y Aldeonte. El relieve de Barbolla ye predominantemente llanu, con altitúes que van de los 935 metros na llende oeste del términu municipal a los 1.032 metros de La Chorra, nel cantu noroeste, o los 1.040 que se superen en zones de monte de la llende este; siendo l'altitú media del so territoriu de 1.000 metros. El so términu municipal ta travesáu por dos cursos fluviales, dambos afluentes del ríu Duratón y que lleguen a ensugase mientres el branu: el Regueru del Focete, formáu pola confluencia de dellos calces que baxen principalmente dende la Sierra de Pradales, asitiada al norte, y el Ríu Serrano, que naz al este, na Sierra d'Ayllón.

En cuanto al clima, la pluviometría añal media de Barbolla ye de 565 llitros per metru cuadráu y la temperatura medio añal, de 11,1 graos centígrados, con una media de mínimes nel mes más fríu de -1,1 graos baxo cero y una media de máximes nel mes más templáu de 29,4 graos.

Sito cerca de l'autovía del Norte A-1, nes proximidaes de Boceguillas, y a 7 quilómetros al nordeste de Sepúlveda, a que'l so partíu xudicial pertenez. L'actividá económica xira en redol a l'agricultura, sector favorecíu en Barbolla pola alta calidá de los sos suelos en comparanza colos conceyos estremeros,^{[ensin referencies]} y a les esplotaciones ganaderes.

Demografía

Evolución demográfica de Barbolla
1975	1981	1986	1991	1996	2001	2004	2006	2008	2010	2012	2014	2016
328	283	260	245	238	215	226	212	195	198	214	203	186
(Fonte: INE)

Alministración

Alcaldes dende les eleiciones de 1979
Llexislatura	Nome	Partíu
1979-1983	Félix Arranz Martín	UCD
1983-1987		CP
1987-1991	Basilio del Olmo Alonso	PDP
1991-1995	Basilio del Olmo Alonso	PP
1995-1999	Basilio del Olmo Alonso	PP
1999-2003	Basilio del Olmo Alonso	PP
2003-2007	Basilio del Olmo Alonso	PP
2007-2011	Basilio del Olmo Alonso	PP
2011-2015	Basilio del Olmo Alonso	PP
2015-2019	Basilio del Olmo Alonso	PP
2019-2023	n/d	n/d
2023-	n/d	n/d

Monumentos

Ilesia de La nuesa Señora de la Soña

Ilesia parroquial de La nuesa Señora de Soña, un templu góticu d'una sola nave que destaca polos sos retablos barrocos, presidíos pol qu'acueye la imaxe románica de la patrona de la villa. Amás, el templu cunta con una pila bautismal tamién románica.
Nel esterior, frente al templete d'entrada a la ilesia, álzase l'antiguu rollu de la llocalidá, alzáu con sillares de planta octogonal y que bien pudiera ser usáu va sieglos como picota de xusticia.

Fiestes

Santa María Madalena (22 de xunetu)
Nuesa Señora de Soña (segundu domingu de setiembre), patrona de la llocalidá.

Panorámica del términu de Barbolla y del so cascu urbanu dende la paraxa conocida como La Pascuala, cercanu a la SG-232, carretera que xune Boceguillas y Aldealcorvo.

Ver tamién

Referencies

↑ Afirmao en: Llista de Conceyos y los sos Códigos por Provincies a 1 de xineru de 2019. Data d'espublización: 8 febreru 2019. Editorial: Institutu Nacional d'Estadística.
↑ ^2,0 ^2,1 Xunta de Castiella y Lleón (ed.): «ALCUERDU de Plenu del Conceyu de Barbolla, de 14 de xineru de 1998, pol que s'aprueba l'Escudu Heráldicu y Bandera d'esti conceyu.». Boletín Oficial de Castiella y Lleón nᵘ64/2000 de 31 de marzu de 2000.

Enllaces esternos

Barbolla na web de la Diputación de Segovia
Barbolla na web de Comunidá de Villa y Tierra de Sepúlveda

[4aa567f4760d292d0ff63887ec8a7625a1eb7407-1] Afirmao en: Llista de Conceyos y los sos Códigos por Provincies a 1 de xineru de 2019. Data d'espublización: 8 febreru 2019. Editorial: Institutu Nacional d'Estadística.

[bocylsim-2] 2,0 ^2,1 Xunta de Castiella y Lleón (ed.): «ALCUERDU de Plenu del Conceyu de Barbolla, de 14 de xineru de 1998, pol que s'aprueba l'Escudu Heráldicu y Bandera d'esti conceyu.». Boletín Oficial de Castiella y Lleón nᵘ64/2000 de 31 de marzu de 2000.

[1]

[2]