Barreres (Priendes)
Barreres ye una entidá de población dividía ente les parroquies de Priendes (a la que se refieres esti artículu), Prevera y Albandi, en Carreño.
 Barreres | |
|---|---|
| Alministración | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Carreño |
| Parroquia | Priendes |
| Tipu d'entidá | entidá singular de población[1] |
| Xeografía | |
| Coordenaes | 43°35′25″N 5°46′02″W / 43.5901987°N 5.76718059°O |
  Barreres Barreres (Asturies) | |
| Altitú | 32 m[2] |
 | |
L'INE establez que Barreres ye una casería despoblada. El so códigu de referencia ye 33 014 100200. [3]
Alcuéntrase a una distancia de Candás, capital del conceyu, de 4,20 km. Tien una altitú máxima de 80 m sobre'l nivel del mar.
Topónimu
editarSegún Xosé Lluis García Arias, esti topónimu ye un abundativu de la pallabra indoeuropea "var" (agua):
- "Una pallabra claramente indoeuropea, presente nel sánscritu VAR ‘agua’, podía ser responsable de dalgunos topónimos como La Vara (Pa, Bi, Mi, Mo), El Quentu la Vara (Ri), Ríu Barayu (Ni)32, acaso Baraya (Pi) y otros (240 p. 107) y, más discutible, Les Vareres (Sr).[...]
- Paecen abundativos:
- La Barreda (Cñ), Barrea (Mo), El Barréu (Rs, Co, Pi, Vv), Barréu (Rs, Cd, Gr, Ti), Barreo (Go, Cr, Lla, Si, Sr, Mi), Barredo (Tp, Tr), El Barreiru (Ti), El Barreiro (Tp, Cs), El Barreru (Sr), Los Barreros (Uv, Llv33, Mi), La Barrera (Cñ, Is, Llv, Tb, Ce, Vd), A Barreira (Bu), As Barreiras (Ef, Cs, So), Barreres (Cñ), La Barrosa (Po, Pi, Vv, Uv, Sl), A Barrosa (Tp), As Barrosas (Ef), Barrudu (Sl), etc."[4]
Sitios d'interés
editarEscueles de Priendes
editar
Esti edificiu[5] alcuéntrase nel númberu 7 del barriu de Barreres.
La inauguración de les escueles d'educación elemental pa los neños de les parroquies de Priendes y Albandi prodúxose'l 9 de mayu de 1905, 27 meses dempués del escomienzu de les obres, dirixíes pol arquiteutu Bellido. El actu, que fue una verdadera fiesta pa les parroquies y pal conceyu en xeneral, fue presidíu pol Vicerrector de la Universidá d'Uviéu, Fermín Canella Secades y l'alcalde de Carreño, Higinio Fuentes, acudiendo l'Ayuntamientu en plenu, la Xunta Llocal d'Instrucción Primaria, representantes del cleru y el Diputáu Provincial Juan Estrada Nora.
L'edificiu, a piedra vista, presenta un cuerpu central de dos pisos, col escudu d'España nel frontispiciu y con espadaña y una campana de 90 quilos enriba; y dos llaterales demplanta baxa. Cuando la construcción, l'edificiu central sirvía de vivienda pal mayestru y la mayestra y los llaterales yeren les aules pa los escolinos, que taben dixebraos por razón de sexu, caún nun llateral. Les puertes de les aules presentaben caúna una bandera d'España, cumpliendo la Real Órden de 1893.
Anguaño, les escueles son la sede del viveru d'empreses "En Prendes".
Referencies
editar- ↑ Afirmao en: Nomenclátor Geográfico de Municipios y Entidades de Población. Autor: Institutu Xeográficu Nacional d'España. Editorial: Institutu Xeográficu Nacional d'España. Llingua de la obra o nome: gallegu. Data d'espublización: 22 mayu 2019.
- ↑ URL de la referencia: https://www.sadei.es/tematico/aplicaciones/Nomen/Datos/A2022M00.xlsx.
- ↑ Nomenclátor del INE, 2011[1]
- ↑ Xose Lluis García Arias, "Toponimia Asturiana"[2]
- ↑ Páxina del Ayuntamientu de Carreño [3]
Enllaces esternos
editar
Datos: Q20614905
