Basílica de la Dorada de Toulouse

La ilesia de La Dorada (n'idioma francés Notre-Dame de la Daurade o Sainte-Marie de la Daurade) ye una basílica católica de la ciudá francesa de Toulouse (departamentu del Altu Garona). Alcuéntrase asitiada na vera este del ríu Garona xuntu al edificiu de Belles Artes y el muelle de La Dorada.

Basílica de la Dorada de Toulouse
Monumentu históricu
Basilique Notre-Dame de la Daurade
ilesia y basílica menor
Llocalización
País	Francia
Organización territorial	Francia metropolitana
Rexón	Occitania
Departamentu	Alta Garona
Comuña	Toulouse
Coordenaes	43°36′04″N 1°26′24″E
Basílica de la Dorada de Toulouse Basílica de la Dorada de Toulouse (Francia)
Historia y usu
Apertura	1883
Diócesis	Archidiócesis de Toulouse (es)
Arquiteutura
Estilu	arquiteutura neoclásica
Patrimoniu
Mérimée ID	PA00094519

Trátase d'un edificiu relativamente modernu construyíu ente 1764 y 1883 pa sustituyir l'antigua ilesia románica qu'amenaciaba ruina. Sicasí, el llugar qu'ocupa foi dedicáu al cultu dende la dómina romana y enantes d'allugase la primer ilesia cristiana foi un templu consagráu a Apolo. De fechu la basílica acovez una de les reliquies cristianes más antigües de la ciudá, la Vierge Noire.

La Virxe Negra

Esisten dellos centenares censaos de vírxenes negres (la mayor parte d'orixe románicu y alcontraes na cuenca occidental del Mediterraneu). Una d'elles ye la Virxe Negra de la Dorada, a la que l'edificiu debe'l so nome primixeniu (Santa María de Toulouse) anque dempués denomaríase-y Daurade (de "Deaurata") polos mosaicos cubiertos d'oru que contenía.

Esta estatua de madera ye bien venerada polos tolosanos (en particular poles muyeres encintes) magar que la orixinal del sieglu X foi robada nel XIV y la so sustituta quemada na plaza del Capitoliu mientres la Revolución francesa de 1799. L'actual talla data de 1807.

Enllaces esternos

• Wikimedia Commons acueye conteníu multimedia sobre Basílica de la Dorada de Toulouse .

• Datos: Q2887166
• Multimedia: Basilique Notre-Dame de la Daurade