Belarmina Suárez Muñiz
Belarmina Suárez Muñiz (1909, Bocines – 15 de febreru de 1938, Xixón) foi una muyer asturiana víctima de la represión franquista que foi condergada a muerte y fusilada.
Belarmina Suárez Muñiz | |
|---|---|
| Vida | |
| Nacimientu | Bocines, 1909 |
| Nacionalidá |
 España |
| Muerte | Xixón, 15 de febreru de 1938 (28/29 años) |
| Causa de la muerte | mancada por arma de fueu |
| Oficiu | sindicalista |
 | |
Biografía
editarBelarmina Suárez Muñiz nació y vivió na localidá asturiana de Bocines, nel conceyu de Gozón.[1] Yera fía de Josefa y Ramón, y taba soltera.[2] Formó parte de la Unión Xeneral de Trabayadores y del Socorru Coloráu Internacional y foi nomada xefa de la prisión de muyeres de Lluanco.[2][3][4]
Ingresó na cárcel d'El Cotu de Xixón.[5] El 21 de xineru de 1938, nel Antiguu Institutu Xovellanos, foi sometida a un conseyu de guerra nel que foi condergada a muerte precisamente por causa de la so pertenencia a la UXT y el Socorru Coloráu Internacional, amás de pol so papel na cárcel de muyeres.[1][6]
El 15 de febreru de 1938 foi executada por fusilamiento a los 29 años.[1][4][7] Suárez foi fusilada nel paredón al empar qu'otros trenta homes.[1] El so cuerpu foi refundiáu a una fuesa común nel campusantu de Ceares de Xixón.[6]
Reconocencies
editarEl 14 d'abril de 2010, instalóse un monolitu nel campusantu de Ceares de Xixón, nel que se recueye a les 1.934 víctimes de la represión franquista de Xixón, ente les que s'inclúi Suárez.[4]
En 2017, allugóse xuna placa enfrente del Muséu Nicanor Piñole n'honor a les ocho muyeres represaliaes entre avientu de 1937 y agostu de 1939 pol franquismu en Xixón.[8][9] Nella méntense, amás de Suárez, Eladia García Palacios, Juana Álvarez Molina, Estefanía Cueto Puertas, Anita Vázquez Barrancúa, Anita Orejas, Teresa Santianes Giménez y Máxima Vallinas Fernández.[8][9][10]
Bibliografía
editar- Ortega Valcárcel, M. Enriqueta. 1994. La represión franquista n'Asturies. Executaos y finaos na cárcel del Coto, Xixón. Avilés. Azucel, D.L. 84-86546-51-6.[11]
Referencies
editar- ↑ 1,0 1,1 1,2 1,3 «Asturias Republicana - SEGUNDA REPUBLICA». www.asturiasrepublicana.com. Archiváu dende l'orixinal, el 8 de mayo de 2021. Consultáu'l 2021-05-08.
- ↑ 2,0 2,1 La Libertad es un bien muy preciado. Consejos de Guerra.
- ↑ Álvarez, Alicia (2017-04-19). «"Hay que recuperar la historia de la República y de las mujeres que lucharon por ella"» (castellanu). Cadena SER. Archiváu dende l'orixinal, el 8 de mayo de 2021. Consultáu'l 2021-05-08.
- ↑ 4,0 4,1 4,2 «Un monolito homenajea en el cementerio de Ceares a las víctimas de la represión franquista» (castellanu). El Comercio (2010-04-14). Consultáu'l 2021-05-05.
- ↑ La represión franquista en Asturias. Ejecutados y fallecidos en la cárcel del Coto, Gijón.
- ↑ 6,0 6,1 «Mujeres «condenadas de antemano»» (castellanu). El Comercio (2017-07-27). Consultáu'l 2021-05-08.
- ↑ Ceínos, J. M. (2017-07-27). «La plaza de Europa ya guarda recuerdo de las mujeres republicanas» (castellanu). La Nueva España. Consultáu'l 2021-05-09.
- ↑ 8,0 8,1 «Homenaje a las ocho mujeres republicanas fusiladas en la ciudad» (castellanu). La Voz de Asturias (2017-04-18). Consultáu'l 2021-05-05.
- ↑ 9,0 9,1 ««A mi madre la mataron porque alguien la vio con un pañuelo rojo y una pistola»» (castellanu). El Comercio (2017-07-25). Consultáu'l 2021-05-05.
- ↑ Ceínos, J. M. (2017-07-27). «La plaza de Europa ya guarda recuerdo de las mujeres republicanas» (castellanu). La Nueva España. Consultáu'l 2021-05-05.
- ↑ (1994) La represión franquista en Asturias. Ejecutados y fallecidos en la carcel del Coto Gijón. Azucel. ISBN 84-86546-51-6.
Enllaces esternos
editar- Llistáu de les 1934 víctimes de la represión franquista en Xixón.
- Audiu del actu d'allugamientu de la placa-homenaxe a muyeres republicanes fusilaes pola represión franquista en Xixón, en SoundCloud.
- Entrevista a la historiadora Enriqueta Ortega Valcarcel (enllaz rotu disponible n'Internet Archive; ver l'historial y la última versión). comentando el homenaje a las represaliadas en Gijón, en la Cadena Ser.
Datos: Q106768862
