Wikipedia

Yslaire

(Redirixío dende Bernard Hislaire)

Bernard Hislaire (11 de xineru de 1957, Bruxeles), más conocíu como Yslaire, ye un historietista, dibuxante d'historieta, escritor, ilustrador y guionista d'historieta de Bélxica.

Yslaire
Vida
Nacimientu Bruxeles, 11 de xineru de 1957[1] (67 años)
Nacionalidá Bandera de Bélxica Bélxica
Llingua materna francés
Estudios
Llingües falaes francés[2]
Oficiu historietista, dibuxante d'historieta, escritor, ilustrador, guionista d'historieta
Emplegadores Le Journal de Spirou
Circus (revista) (es) Traducir
Trabayos destacaos Sambre (es) Traducir
Q956747 Traducir
Q3001470 Traducir
Premios
Seudónimos Sylaire[4], iSlaire y Yslaire[5]
IMDb nm1857856
Cambiar los datos en Wikidata

Biografía

editar

Bernard Hislaire siempre foi un apasionáu del cómic, produciendo los sos primeros dibuxos pal fanzine Robidule y trabaya'l so estilu nel Institut Saint-Luc de la capital belxicana. En 1975, magar nun tenía más que 18 años, axúntase al equipu gráficu del Journal de Spirou onde escribe una historia curtia na seición dedicada a los artistes mozos. Poco depués, entama un rellatu de 16 planches, Le Troisième Laron. Dende entós collabora colos grandes guionistes de la empresa, especialmente Charles Dupuis, Raoul Cauvin y Jean-Marie Brouyère, col que realizara delles series ente les que podemos citar Coursensac et Baladin. En 1978, llanza la so primera serie, Bidouille et Violette, qu'apaecerá nel Journal de Spirou. Esta serie continuará hasta 1985 y dará-y una cierta reconocencia del públicu. Durante esti tiempu, asoleya diversos dibuxos humorísticos pa los periódicos La Libre Belgique y Le Trombone Illustré.

En 1986, depués del so alcuentru col guionista Balac, seudónimu de Yann, llanza Sambre, baxo'l nome d'Yslaire. Esta serie, d'inspiración romántica, que cuenta l'amor imposible ente Bernard Sambre, un mozu burgués, y Julie, una proletaria, durante la Revolución francesa de 1848, ye orixinal na parte del so estilu gráficu, diferente al utilizáu por Hislaire hasta entós, asina como la paleta de los colores utilizaos, bien menguada y centrada sobre'l roxo. La totalidá de la serie ye asoleyada por Glénat y ye un ésitu de crítica y comercial. Esta serie foi reeditada en 2003 con una nueva cubierta.

En 1997, sorprende a los sos fans pola publicación d'Introduction au XXe ciel depués en 1998 Mémoire du XXe ciel : 98. Esta nueva serie ye retomada en 2000 por Les Humanoïdes Associés, y esos dos álbumes recopilaos nun solu tituláu XXe ciel.com : Mémoires 98. La continuación, Mémoires 99 apaez l'añu siguiente y, en 2004, Yslaire da a esta serie dos finales posibles: Mémoires <19>00 y Mémoires <20>00, a eleición del llector. Mientres tanto, en 2003, entama una nueva serie, Trois vierges.

En 2006, entama un nuevu dípticu: Le Ciel au dessus de Bruxelles col primer tomu tituláu Avant.... Esti álbum ta na mesma llinia que la narración y el dibuxu de los del ciclu XXe ciel.

Yslaire n'Asturies

editar

Invitáu pol Salón Internacional del Cómic del Principáu d'Asturies,Yslaire asistió a la edición del añu 1999 participando nun alderique na que faló sobre la so obra, centrada especialmente en Sambre. El conteníu de la mesma foi recoyíu na revista El Wendigo. Yslaire ganó'l Premiu Haxtur, que concede'l Salón, al meyor dibuxu del añu 1998.

Obres

editar
  • Bidouille et Violette, ed. Dupuis, Marcinelle
    1. les Premiers Mots, 1981
    2. les Jours sombres, 1982
    3. la Reine des glaces, 1984
    4. la Ville de tous les jours, 1986
    • Bidouille et Violette, edición íntegra, Glénat, Grenoble, 1996
  • Sambre, ed. Glénat, Grenoble
    1. Plus ne m'est rien, con Balac, 1986, reeditada en 2003
    2. Je sais que tu viendras, 1990, reeditada en 2003
    3. Liberté, liberté..., 1993, reeditada en 2003
    4. Faut-il que nous mourrions ensemble ?, 1996, reeditada en 2003
    5. Maudit soit le fruit de ses entrailles, 2003
    • La Légende des Sambre, 2003
  • Mémoires du XXe ciel y además XXe ciel.com, ed. Delcourt y depués na editorial Les Humanoïdes Associés, París
    • Introduction au XXe ciel, Dargaud, París, 1997
    • 98, Dargaud, París, 1999
    1. Mémoires 98, Les Humanoïdes Associés, París, 2000 ISBN 2-7316-1406-4
    2. Mémoires 99, Les Humanoïdes Associés, París, 2001 ISBN 2-7316-1416-1
    3. Mémoires <19>00, Les Humanoïdes Associés, París, 2004 ISBN 2-7316-1554-0
    4. Mémoires <20>00, Les Humanoïdes Associés, París, 2004 ISBN 2-7316-1559-5
  • Cousensac et Baladin, ed. Point image, Bruxeles
    1. Au pays de Tahétéhus, 2002
  • Trois vierges, ed. Glénat, Grenoble
    1. Trois vierges: Dyane, 2003
  • Le ciel au-dessus de Bruxelles, ed. Futuropolis/Gallimard, París
    1. Avant..., 2006 ISBN 2-2754-8000-50
    2. ...Après, 2007

Referencies

editar
  1. ↑ Afirmao en: Lambiek Comiclopedia. Identificador Lambiek Comiclopedia: y/yslaire. Apaez como: Bernard Hislaire. Data de consulta: 9 ochobre 2017. Editorial: Lambiek. Llingua de la obra o nome: inglés. Data d'espublización: 1r payares 1999.
  2. ↑ Afirmao en: idRef. Identificador de referencia de idRef SUDOC: 029185661. Data de consulta: 11 mayu 2020. Editorial: Agencia Bibliográfica de Enseñanza Superior. Llingua de la obra o nome: francés.
  3. ↑ 3,0 3,1 3,2 3,3 3,4 3,5 Afirmao en: Grand Comics Database. GCD publisher ID: 6860. Llingua de la obra o nome: inglés.
  4. ↑ LastDodo-area-ID: https://www.lastdodo.com/en/areas/2419-hislaire-bernard.
  5. ↑ Afirmao en: Grand Comics Database. GCD creator ID: 16379. Llingua de la obra o nome: inglés.

Enllaces esternos

editar
Sacáu de «https://ast.wikipedia.org/w/index.php?title=Yslaire&oldid=4235200»