Wikipedia

Beverly Loraine Greene

arquiteuta estauxunidense (1915–1957)

Beverly Loraine Greene (4 d'ochobre de 1915, Chicago – 22 d'agostu de 1957, Nueva York) foi una arquiteuta americana. Según l'editor arquiteutónicu Dreck Spurlock Wilson, ye probable que "ella fuera la primer muyer afroamericana rexistrada como arquiteuta nos Estaos Xuníos."[2] Rexistróse como tal n'Illinois en 1942.

Beverly Loraine Greene
Vida
Nacimientu Chicago, 4 d'ochobre de 1915[1]
Nacionalidá Bandera de Estaos Xuníos d'América Estaos Xuníos
Residencia Chicago
Nueva York
Grupu étnicu afroamericanu d'Estaos Xuníos
Muerte Nueva York, 22 d'agostu de 1957[1] (41 años)
Estudios
Estudios Universidá d'Illinois n'Urbana-Champaign 1936) títulu de grau, maestría : arquiteutura, planiamientu urbanísticu
Columbia Graduate School of Architecture, Planning and Preservation (en) Traducir maestría : arquiteutura
Oficiu arquiteuta
Emplegadores Chicago Housing Authority (en) Traducir  (1938 –
Metropolitan Life Insurance Company (es) Traducir  (1945 –
Cambiar los datos en Wikidata

Biografía editar

Beverly Loraine Greene nació'l 4 d'ochobre de 1915, fía del abogáu James A.Greene y la so esposa Vera de Chicago, Illinois. La familia yera d'ascendencia afroamericana. Nun tuvo hermanos nin hermanes. Asistió a la Universidá d'Illinois n'Urbana-Champaign (UIUC), institución integrada racialmente, graduándose con una llicenciatura n'inxeniería arquitectónica en 1936, convirtiéndose na primer muyer afroamericana en llograr esti grau de la universidá.[3] Un añu más tarde llogró una maestría en planificación urbana y vivienda. Tamién tuvo arreyada nel club de drama Cenacle y foi miembru de la Sociedá Americana d'Inxenieros Civiles.[4] Al añu siguiente, llogró'l grau de maestra de la UIUC en planificación urbana y vivienda.

Dempués de la so graduación, tornó a Chicago y foi contratada pola Autoridá de Vivienda [5] en 1938.[6] Convirtióse na primera arquiteuta afroamericana de xéneru femenín autorizada nos Estaos Xuníos, cuando se rexistró pol Estáu d'Illinois el 28 d'avientu de 1942 Greene tamién trabayó na primer oficina arquitectónica alministrada por un afroamericanu nel centru de Chicago.[7] A pesar de los sos méritos, tuvo dificultaes na superación de les barreres raciales p'atopar trabayu na ciudá.[8] Ella y otros arquiteutos de raza negra yeren davezu inoraos pola prensa convencional de Chicago.[9]

Un reportaxe periodísticu de 1945 sobre'l proyeutu de desarrollu de la Compañía de Seguros de Vida Metropolitana (MetLife) na ciudá de Stuyvesant motivó a Greene a movese a la Ciudá de Nueva York. Realizó la postulación p'ayudar nel diseñu urbanu en Stuyvesant, a pesar de los planificacion de viviendes segregaes racialmente per parte de la compañía. Pa gran sorpresa so, foi contratada. Dempués de pocos díes, arrenunció al proyeutu p'aceptar una beca pal programa de maestría en  la Universidá de Columbia. Llogró'l grau n'Arquiteutura en 1945 y consiguió un trabayu cola empresa de Isadore Rosefield, compañía dedicada principalmente al diseño instalaciones sanitaries. A pesar de caltener el so emplegu nesta empresa hasta 1955, Greene trabayó con Edward Durell Stone en siquier dos proyeutos a empiezos de la década de los 50. En 1951, tuvo implicada nel proyeutu de construcción del teatru de la Universidá d'Arkansas, y en 1952 ayudó a planiar el complexu d'artísticu del Sarah Lawrence College. Dempués de 1955, trabayó con Marcel Breuer, collaborando nos diseños pa la sede en París de l'axencia de Naciones Xuníes UNESCO, y en dalgunos de los edificios del campus universitariu d'altor de la Universidá de Nueva York, anque dambos proyeutos fueron remataos dempués de la so muerte.

Beverly Greene finó'l 22 d'agostu de 1957, na ciudá de Nueva York. Los sos funerales fueron llevaos a cabu na funeraria Unity de Manhattan, unu de los edificios diseñaos por ella.

Trabayos editar

Esta ye una llista parcial de trabayos y contién namái aquellos mentaos por nome o allugamientu:

  • 1951: Teatru de la Universidá d'Arkansas
  • 1952: Complexu Artísticu del Sarah Lawrence College.
  • Capiya de la funeraria Unity, na Avenida Octava #2352, Manhattan.
  • Ilesia Reformista Cristiana, Cai 127 con Séptima Avenida, Ciudá de Nueva York.
  • 1956: See d'UNESCO, Naciones Xuníes, París, Francia.
  • 1956: Edificios en campus d'universitariu d'altor de la Universidá de Nueva York.

Referencies editar

  1. ↑ 1,0 1,1 URL de la referencia: https://iawadb.lib.vt.edu/view_all.php?person_pk=1072. Apaez como: Beverly Lorraine Greene.
  2. ↑ Wilson, ed. por Dreck Spurlock (2004).
  3. ↑ University of Illinois at Urbana–Champaign (ed.): «The Illinois School of Architecture: A History of Firsts» (inglés). Consultáu'l 16 d'ochobre de 2015.(inglés). Consultáu'l 16 d'ochobre de 2015.
  4. ↑ University of Illinois Archives (ed.): «Beverly L. Greene». Consultáu'l 15 d'ochobre de 2015.
  5. ↑ Wilson, 2004.
  6. ↑ Mitchell, Melissa (9 de febreru de 2006). Public Affairs of the University of Illinois at Urbana-Champaign (ed.): «Research project spotlights African-American architects from U. of I.» (inglés). Consultáu'l 15 d'ochobre de 2015.
  7. ↑ Auguste-Nelson, Rekha (February 26, 2014). Beverly Willis Architecture Foundation (ed.): «Built By Women: Peter Cooper Village – Stuyvesant Town, Beverly Loraine Greene» (inglés). Consultáu'l 15 d'ochobre de 2015.
  8. ↑ wright.org (ed.): «Today in Black History, 8/22/2014» (inglés). Consultáu'l 16 d'ochobre de 2015.(inglés). Consultáu'l 16 d'ochobre de 2015.
  9. ↑ Thompson, Lowell D. (2012).

Fuentes editar

Sacáu de «https://ast.wikipedia.org/w/index.php?title=Beverly_Loraine_Greene&oldid=3663883»