Blanca Inés Fernández Quintana
Esti artículu necesita wikificase. |
Blanca Inés Fernández Quintana (1994, Bimenes), conocía comúnmente como Blanca Fernández, ye una narradora y novelista asturiana orixinaria del conceyu de Bimenes, nacía nel añu 1994. Tamién ye aficionada al Cosplay y participa n'iniciatives como Play Presta, una canal de Facebook n'asturianu de conteníu variáu y empobináu sobre manera a la mocedá. Anguaño trabaya como profesora d'asturianu
Blanca Inés Fernández Quintana | |
|---|---|
 | |
| Vida | |
| Nacimientu | Bimenes[1], 1994[1] (29/30 años) |
| Nacionalidá |
 España |
| Estudios | |
| Estudios | Universidá d'Uviéu : filoloxía clásica |
| Llingües falaes |
asturianu castellanu |
| Oficiu | escritora, profesora |
| Premios |
ver
|
 | |
Vida y obra
editarYerbata de nacencia, pronto foi inclinándose pa les lletres y humanidaes, atopando una de les sos pasiones na escritura, a la que se dedicó dende bien moza. A resultes d'ello nun tardó en ganar dellos premios en concursos llocales na Comarca de la Sidra. Amás, algamó una mención especial nel V Concursu Lliterariu "Atrevéte", convocáu pol sindicatu UXT, y nel añu 2012 fízose col tercer premiu del Concursu Fernando Belmonte, ganando'l segundu puestu d'esi mesmu concursu seis años depués con "Eutopos". Tamién hai que destacar les sos collaboraciones cola revista de lliteratura moza "Formientu", con rellatos tales como "Cuando conocí a pá", "Un home perfechu" o "El final d'un suañu".
Tres finar el bachiller decidióse por estudiar Filoloxía Clásica y Románica na Universidá d'Uviéu, col minor n'asturianu, pa depués facer el master de profesoráu que-y permitió entrar a trabayar na educación pública como maestra d'asturianu, llabor que desempeña actualmente.
Foi precisamente tres finar los sos estudios, trabayando yá como profesora, que llevó la so carrera a otru nivel y, al traviés de la editorial Ediciones Radagast, asoleyó la so primer novela "L'Home de les Caparines" na primavera del añu 2021, convirtiéndose asina na novelista más moza de les lletres asturianes y tamién nuna de les poques muyeres narradores de la nuesa lliteratura. "L'Home de les Caparines", novela curtia d'un estilu cenciellu pero melgueru y non faltu de fondura, perteneciente al realismu máxicu, tuvo un ésitu mui bultable, escosando la so primer edición en malpenes unos meses.
Finalmente hai que destacar tamién qu'esi mesmu añu ganó'l I Premiu Radagast con otra novela, de nome "Trovadoresca", asoleyada en mayu de 2022, asina como'l Premiu «Enriqueta González Rubín» de Narrativa Moza n’asturianu, pola so obra "No que cinca los seres de lleenda"[4].
Ver tamién
editar- Otres persones col nome de Blanca Fernández.
Referencies
editar- ↑ 1,0 1,1 URL de la referencia: http://www.formientu.com/author/blanca-fernandez-quintana/.
- ↑ URL de la referencia: https://www.europapress.es/asturias/noticia-blanca-fernandez-quintana-gana-primer-premio-enriqueta-gonzalez-rubin-obra-no-cinca-seres-lleenda-20211214140903.html. Data de consulta: 18 ochobre 2022.
- ↑ URL de la referencia: https://www.nationalia.cat/breu/11542/el-premi-ostana-2023-reconeix-figures-de-les-llengues-tamajaq-basca-asturiana-arpitana-cor.
- ↑ Blanca Fernández faise cola primer edición del Premiu «Enriqueta González Rubín» de Narrativa Moza n’asturianu formientu.com Consultao'l 16.12.2021
Enllaces esternos
editar
Datos: Q108196440
