Bloque de la Izquierda Asturiana

El Bloque de la Izquierda Asturiana (BIA) foi una coalición d'izquierdes formada pol Movimientu Comunista d'Asturies (MCA) y la Liga Comunista Revolucionaria (LCR), que presentó candidatura nes eleiciones xenerales de 1982. Esta coalición yera la plasmación eleutoral d'una unidá d'aición xeneral y continuada ente los dos partidos, que siguió hasta desembocar na unificación nuna mesma organización. Aproximao una década más tarde, yá desapaecíos dambos, Izquierda Asturiana, una organización asturianista ensin rellación colos anteriores, desendolca un plantegamientu teóricu de confluyencia nuna organización amplia, pa lo qu'entama conversaciones con Izquierda Nacionaliega (INA, una escisión d'Andecha Astur) y cola organización territorial asturiana del Partíu Comunista de los Pueblos de España (PCPE). Procedióse entós a buscar un nome, y Faustino Zapico, de la direición d'IAS, propunxo recuperar el nome de BIA, pa lo que tuvo que falar con Cheni Uría, que tiempu atrás fuera el secretariu del MCA y detentaba la propiedá de les sigles, pa que les cediera a la nueva coalición. El nuevu BIA nun se plantegaba esclusivamente como coalición, sino como plataforma política a la que se quería dar continuidá más allá de les eleiciones, lo que nun foi posible por discrepancies internes ente los tres componentes. Tres dellos fracasos eleutorales, desfízose en 2002.

Bloque de la Izquierda Asturiana
Estáu	España
Ideoloxía política	nacionalismu asturianu
Páxina web	bia-asturies.org

Militantes d'Izquierda Nacionaliega d'Asturies (INA) ya independientes, en 2003, creen el Bloque por Asturies, que se presentó a les Eleiciones a la Xunta Xeneral del Principáu d'Asturies de 2003 en coalición con Izquierda Xunida d'Asturies. Per otru llau, en 2007, IAS xunto con otres formaciones, creó UNIDÁ. D'otra miente, el PCPE volvió a operar pola so cuenta.

Resultaos eleutorales

Conceyos

Nes Eleiciones a Conceyu de 1999 algamó namái 1.527 votos (0,25% del total), quedando lloñe del conceyal nes nueve candidatures presentaes.

La tabla que vien darréu amuesa los resultaos de tolos conceyos onde'l BIA presentó candidatura, ordenaos por tanto por cientu de votu.

Conceyu	votos	% votos
Llangréu Samartín del Rei Aurelio Corvera Bimenes Villaviciosa Avilés Mieres Llaviana Xixón Total n'Asturies:	375 144 73 12 54 210 112 35 512 1.527	1,41% 1,11% 0,86% 0,78% 0,63% 0,47% 0,42% 0,40% 0,35% 0,25%

Xunta Xeneral

Nes Eleiciones a la Xunta Xeneral del Principáu d'Asturies de 1999 llogró unos escasos 1.366 votos (0,22% del total), quedando mui lloñe del diputáu.

Xenerales

Nes Eleiciones xenerales del 2000 namái tuvo 1.085 votos (0,17% del total). Poro, depués, la coalición desfízose.

Predecesor: Izquierda Asturiana (IAS) Izquierda Nacionaliega d'Asturies (INA) Partíu Comunista de los Pueblos d'España (PCPE)

Coalición eleutoral BIA 1999-2002

Socesor: IAS y PCPE, continúen en solitario y l'INA crea'l Bloque por Asturies

Referencies

Tolos resultaos eleutorales recoyíos nesti artículu tienen como fonte d'información la SADEI. [1]

• Datos: Q4892159