Bocáu de tortiella de pataques
El bocáu de tortiella de pataques ye un bocáu bien popular na cocina española ellaboráu cola tortiella de pataques.[1][2] Trátase d'un alimentu barato, bono de preparar, que s'atopa en numberosos puestos de restauración d'estaciones de tren y aeropuertos españoles. Sírvese xeneralmente fríu, y a gustu del consumidor calezse nel momentu de ser sirvíu. Trátase d'unu de los bocaos más típicos xunto col de xamón serranu y el de calamares, que puede atopase en numberosos restoranes de diverses ciudaes españoles.[3]
| Bocáu de tortiella de pataques | ||
|---|---|---|
 | ||
| Nome | Bocáu de tortiella de pataques | |
| Detalles | ||
| Más información | ||
| [editar datos en Wikidata] | ||
Carauterístiques
editarEl bocáu de tortiella de pataques ellaborase con un pan tipu baguette (denomináu dacuando "pistola") coles porciones d'una tortiella de pataques en forma de triángulos. El bocáu, por cuenta de la so ellaboración, tien una testura seca que rique d'un acompañamientu en forma de bébora que suel ser de forma tradicional una cerveza o refrescu de cola. Delles variantes de bocáu de tortiella de pataques puede incluyir un pimientu asáu (por casu pimientu del piquillo), tomate, mayonesa, dalguna rodaja de quesu fundíu.[2] Condimentos como pue ser: kétchup, ajoaceite, en rares ocasiones dalgún mueyu picante, etc. La idea xeneral d'acompañar dalgún conteníu a la tortiella ye la d'ufiertar una testura "más húmeda" a un bocáu d'apariencia secu, xeneralmente ellaboráu con pan blanco de trigu.
La tortiella de pataques suelse ellaborar con (o ensin) cebolla caramelizada, esta carauterística vese reflexada na cualidaes del bocáu. La tortiella suelse cortar en tires (o triángulos) que se "teselan" sobre unu de los entrepanes del bocáu. Por regla xeneral la forma de sirvir el bocáu depende de los gustos del consumidor, esto ye: puede sirvise caliente o fríu. La so fácil ellaboración, a partir d'un platu tan popular n'España como pue ser la tortiella de pataques, fai que seya fácilmente adquirible nos chigres y restoranes, según nes concentraciones públiques onde haya puestos caleyeros de bocaos. La composición de los sos ingredientes fai que seya un alimentu habitual pa cualquier persona.
Bocáu na cultura
editar- El bocáu participa en numberoses fiestes populares españoles como pue ser el día de la Tortiella.
- Mortadelo y Filemón (popular dibuxu español) amuesa a los personaxes comiendo un bocáu de tortiella de pataques
- Esiste un risonderu xuegu de mesa familiar sobre la tortiella de pataques llamáu Tortiella de pataques: the game realizáu pol autor catalán Xavier Carrascosa y editáu por darbel.
Referencies
editar- ↑ Maria del Carmen Cascante, (1990), «El libro del bocadillo», De Vecchi, ISBN 84-315-1387-X
- ↑ 2,0 2,1 Paul Richardson, (2007),«A late dinner», Scribner, ISBN 0-7432-8493-3
- ↑ Damien Simonis, (2004),«Spain»,Lonely Planet, 4ª Ed. ISBN 1-74059-337-5
Ver tamién
editar- Tortiella de pataques
- Bocáu de calamares
Datos: Q8249032
