Brachium
Brachium (σ Librae / 20 Librae)[6] ye'l nome d'una estrella de magnitú aparente +3,25 asitiada na constelación de Llibra. Orixinariamente recibió la denominación de Bayer Gamma Scorpii, a pesar d'atopase lloñe de la llende con Escorpiu. Nun foi hasta'l sieglu XIX cuando recibió l'actual designación de Sigma Librae.
Nome editar
Brachium, términu utilizáu por Johann Bayer, provién del llatín, y el so significáu ye «brazu». Otru títulu que recibe esta estrella ye Zubenhakrabi, del árabe Zubān al ʽAḳrab, «la pinza del escorpión». Un tercer nome pa esta estrella ye Cornu, «el cuernu».[7]
En China recibía'l nome de Chin Chay, el carru del campamentu».[7]
Carauterístiques físiques editar
A una distancia de 292 años lluz del Sistema Solar, Brachium ye una xigante colorada con una temperatura superficial de 3600 K. De tipu espectral M3-4III, ye 1900 vegaes más lluminosa que'l Sol. El so radiu, 110 vegaes más grande que'l radiu solar, ye equivalente a 0,52 UA; asitiada nel centru del Sistema Solar, estiéndese hasta la metá de la distancia ente la Tierra y el Sol. Piénsase que se ta tresformando en xigante per segunda vegada —agora con un nucleu inerte de carbonu y oxíxenu— nel so camín escontra una variable Mira.[8]
Brachium ye una estrella variable semirregular de tipu SRB, con una variación de rellumu de 0,26 magnitúes a lo llargo d'un periodu de 20,0 díes.[9]
Referencies editar
- ↑ 1,0 1,1 1,2 1,3 Afirmao en: SIMBAD.
- ↑ 2,0 2,1 2,2 2,3 Afirmao en: Gaia EDR3. Stated in source according to: SIMBAD. Llingua de la obra o nome: inglés. Data d'espublización: 3 avientu 2020.
- ↑ Afirmao en: Catalogue of Stellar Photometry in Johnson's 11-color system. Stated in source according to: SIMBAD. Llingua de la obra o nome: inglés. Data d'espublización: 2002.
- ↑ «Pulkovo Compilation of Radial Velocities for 35 495 Hipparcos stars in a common system» (n'inglés). Astronomy Letters (11): páxs. 759–771. payares 2006. doi: .
- ↑ «The Perkins catalog of revised MK types for the cooler stars» (n'inglés). The Astrophysical Journal Supplement Series: páxs. 245–266. ochobre 1989. doi: .
- ↑ V* sig Lib -- Semi-regular pulsating Star (SIMBAD)
- ↑ 7,0 7,1 Allen, Richard Hinckley (1889). «Scorpio», Courier Dover Publications: Star Names — Their Lore and Meaning (n'inglés), páx. 563. ISBN 0-486-21079-0. Consultáu'l 15 de febreru de 2011.
- ↑ Zubenhakrabi (Stars, Jim Kaler)
- ↑ Sigma Librae (General Catalogue of Variable Stars)