Brasilia

Brasilia
Alministración
País	Brasil
Federal district of Brazil (en)	Distritu Federal
Tipu d'entidá	gran ciudá
Nome oficial	Brasília (pt-br)
Nome llocal	Brasília (pt-br)
Códigu postal	70000–70999
Xeografía
Coordenaes	15°47′38″S 47°52′58″W / 15.7939°S 47.8828°O
	Brasilia Brasilia (Brasil)
Superficie	5802 km²
Altitú	1171 m
Demografía
Población	2 789 761 hab. (2013)
Porcentaxe	100% de Distritu Federal
Densidá	480,83 hab/km²
Más información
Fundación	21 abril 1960
Prefixu telefónicu	061
Estaya horaria	UTC−03:00
Llocalidaes hermaniaes	Buenos Aires, Ḥartum, Xi'an, Lisboa, Ámsterdam, Teḥrán, Maputu, Abergement-la-Ronce, Abuya, Berlín, Bogotá, Boston, Canberra, Chaoyang (es) , Diamantina, Doḥa, Guadalajara, Lima, Luxor, Montevidéu, Roma, Santiagu, Viena, Bruxeles, Kiev y Washington DC
	brasilia.df.gov.br

Brasilia^[1] (portugués: Brasília) ye la capital federal de Brasil. Asítiase a 950 km al noroeste de Rio de Janeiro, nes tierres altes de la fastera centru-occidental del país. Foi proyectada ex-novo como nueva capital del país, y fundóse'l 21 d'abril de 1960, tres de 41 meses de trabayu, pol presidente Juscelino Kubitschek. Anguaño ye la tercer ciudá más grande de Brasil, y la que tien la mayor renta per cápita de toles ciudaes llatinoamericanes.

La intención de llevar la capital del país de Rio de Janeiro a una posición más central nel territoriu entamó a facese realidá en 1956, cuando Lúcio Costa y Óscar Niemeyer, amás de Roberto Burle Marx como arquiteutu paisaxista, desarrollaron el proyeutu de ciudá. Dividieron esta en bloques numberaos, con sectores específicos pa les diferentes actividaes (hoteleru, bancariu, d'emabaxaes...). La ciudá, pola so arquiteutura modernista y el so singular planeamientu urbanu, ye Patrimoniu de la Humanidá dende 1987.

Les trés rames del poder federal del país tienen equí la so sede: executivu, llexislativu y xudicial. Amás, hai 124 embaxaes de los países colos que Brasil caltién rellaciones diplomátiques. El so aeropuertu internacional ye'l terceru con mayor númberu de viaxeros del país. Tien un estatus xurídicu estremáu al de les otres ciudaes del país; estes son conceyos, mentantu que Brasilia ye una división alministrativa. Magar qu'aveza a usase'l so nome como sinónimu del distritu federal del que forma parte esti, en realidá, compónese de 31 divisiones alministratives, de les qu'una, nomada Plano Piloto, ye la ciudá diseñada por Costa y Niemeyer. El restu d'elles conformen l'área metropolitana de Brasilia.

Referencies

↑ (2010) Cartafueyos Normativos. Nomes de los países del mundu y de les sos capitales y xentilicios. Uviéu: Academia de la Llingua Asturiana. ISBN 978-84-8168-500-8.

Enllaces esternos

Sitiu web oficial

Brasilia n'OpenStreetMap.
Brasilia n'OpenWeatherMap

[Cartafueyu_países-1] (2010) Cartafueyos Normativos. Nomes de los países del mundu y de les sos capitales y xentilicios. Uviéu: Academia de la Llingua Asturiana. ISBN 978-84-8168-500-8.

[1]