Wikipedia

Brooklyn

Brooklyn ye un distritu metropolitanu (borough) de la ciudá de Nueva York, nel estáu homónimu (Estaos Xuníos). El territoriu de Brooklyn ye coestensivu col del condáu de Kings (Kings County), que ye'l más pobláu del estáu y el segundu, tres el de Nueva York (coestensivu col distritu de Manhattan), más densamente pobláu del país.Ye'l distritu más populosu de la ciudá de Nueva York, con una población, en 2020, de 2.736.074 habitantes[1]. Si caún de los boroughs de Nueva york fora una ciudá individual Brooklyn sería la tercera más poblada del país, tres de Los Angeles y Chicago.

Brooklyn
flag of Brooklyn (en) Traducir
Alministración
PaísBandera de Estaos Xuníos d'América Estaos Xuníos
EstaosBandera de Nueva York (estáu) Nueva York
Ciudá Nueva York
Tipu d'entidá borough de Nueva York
Presidente del borough (es) Traducir Antonio Reynoso
Nome llocal Brooklyn (en)
Códigu postal 112
Xeografía
Coordenaes 40°39′03″N 73°56′59″W / 40.65083°N 73.94972°O / 40.65083; -73.94972
Brooklyn alcuéntrase en los EE.XX.
Brooklyn
Brooklyn
Brooklyn (los EE.XX.)
Superficie 251 km²
Llenda con Queens, Staten Island, Manhattan, Bayonne y Jersey City
Demografía
Población 2 736 074 hab. (1r abril 2020)
Porcentaxe 31.08% de Nueva York
Densidá 10 900,69 hab/km²
Viviendes 972 314 (2020)
Más información
Fundación 1634
Estaya horaria Horariu del este de Norteamérica
Llocalidaes hermaniaes
brooklynbp.nyc.gov
Cambiar los datos en Wikidata

Recibe'l so nome del de l'antigua ciudá neerlandesa de Breukelen, asítiase nel estremu occidental de Long Island y comparte llende terrestre col distritu de Queens. Ta conectada con Manhattan por dellos pontes y túneles que crucien el ríu East, y con Staten Island pola ponte de Verrazzano-Narrows. Con una estensión de 183,4 km² de tierra firme y 67 km² de xurisdicción fluvial, el condáu de Kings ye'l terceru más pequeñu del estáu.

Brooklyn yera una ciudá independiente hasta que, xunto con otres ciudaes, villes y condaos, foi consolidada, el 1 de xineru de 1898, pa formar la moderna City of New York, qu'arrodia la badea homónima colos sos cinco distritos. Sicasí, caltién una identidá cultural estremada de la de la ciudá, y munchos de los sos barrios son enclaves étnicos. El eslogan oficial del distritu, qu'apaez nes sos bandera ya sellu, son les pallabres neerlandeses Eendraght Maeckt Maght, que pueden traducirse como "la xunidá fai la fuercia".

Nes primeres décades del sieglu XXI Brooklyn tien esperimentao un renacimientu como destinu d'hipsters[2], lo que provocó la consiguiente xentrificación, aumentu del preciu de la vivienda y escasez de vivienda de preciu accesible[3]. De magar la década de 2010 el distritutien convertíose nún prósperu centru d'emprendimientu, nel que s'axunten empreses emerxentes[4][5], d'alta teunoloxía, arte posmodernu[6] y diseñu[5].

Referencies

editar
  1. ↑ Kings County, datos de población na web de la Oficina del Censu.
  2. ↑ How I Became a Hipster. May 1, 2013. https://www.nytimes.com/2013/05/02/fashion/williamsburg.html. Consultáu'l March 30, 2016. 
  3. ↑ «Brooklyn Home Prices Jump 18% to Record as Buyers Compete». Bloomberg, L.P. 9 d'abril de 2015. https://www.bloomberg.com/news/articles/2015-04-09/brooklyn-home-prices-jump-18-to-record-as-buyers-compete. Consultáu'l 30 de xineru de 2022. 
  4. ↑ «19 Reasons Why Brooklyn Is New York's New Start-Up Hotspot». CB Insights (October 19, 2015). Consultáu'l March 30, 2016.
  5. ↑ 5,0 5,1 Brooklyn's Wearable Revolution. April 30, 2016. https://www.nytimes.com/2016/05/01/fashion/brooklyn-wearables-revolution.html?ribbon-ad-idx=5&rref=fashion&module=Ribbon&version=context&region=Header&action=click&contentCollection=Fashion%20%26%20Style&pgtype=article. Consultáu'l April 30, 2016. 
  6. ↑ One Celebrated Brooklyn Artist's Futuristic New Practice. April 29, 2016. https://www.nytimes.com/2016/04/29/t-magazine/art/dustin-yellin-vr-google-tilt-brush-art.html. Consultáu'l April 29, 2016. 

Enllaces esternos

editar
Sacáu de «https://ast.wikipedia.org/w/index.php?title=Brooklyn&oldid=4123359»